Alkatiri husu líderansa hotu hamutuk hateke ba oin

Sekretariu Jeral Partidu FRETELIN, Mari Bin Amudi Alkatiri, husu ba lideransa Timor-Leste atu halo reflesaun seriu durante komemorasaun  hahu husi loron 20 to’o loron 30 fulan Agustu tinan ne’e, atu bele hateke ba kotuk maibe liu tiha lider sira hamutuk hateke ba oin hodi lao ba oin .

“Ida ne’e mak husu ba lideransa tomak, tamba ida-idak iha nia historia no memoria maibé ita tenke halo historia povu ida ne’e nian, husi ita nia memoria halo história ida ne’ebé los, tamba ne’e ha’u lakoi koalia durante Komemorasaun Loron Konsulta Popular 30 de Agustu, maibé depois de komemorasaun ha’u sei koalia fila-fali”, deklara Sekretariu Jeral Partidu FRETILIN, Mari Bin Amudi Alkatiri, iha nia diskursu abertura kalan kultura iha Regiaun Administrativa Espesial Oe-Cusse Ambeno (RAEOA) iha loron 23 fulan Afusto foin lalais ne’e.

Eis Prezidente RAEOA hatete, iha loron 20 to’o 30 de Agustu mai ita halo reflesaun sériu hodi hateke ba kotuk no liu loron rua refere mai ita hateke ba oin hodi lao ba oin.

“ Ha’u lolos lakohi koalia durante loron  komemorasaun hahu husi loron 20 to’o loron 30 fulan Agustu, tamba ha’u rona dehan 30 de Agustu hanesan festa reflesaun, entaun ha’u hakarak loron 20 to’o 30 agustu halo festa ba”, afirma eis Primeiru Ministru ne’e. Fel