JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Alterasaun lei RAEOA promulgadu, PM Taur: Seidauk fihir figura foun lidera Oé-Cusse

Alterasaun lei RAEOA promulgadu, PM Taur: Seidauk fihir figura foun lidera Oé-Cusse

Prezidente Repúblika (PR), Francisco Guterres Lú Olo, Kinta (15/08/2019), promulga primeiru alterasaun lei Rejiaun Administrativa Espesial Oé-Cusse Ambeno (RAEOA) no Zona Espesial Ekonomia Sosial Merkadu (ZEESM), númeru 3/2014, artigu 19 no 21 kona-ba kompetensia atu nomeia, fó posse no ezonera.

Primeiru alterasaun lei númeru númeru 3/2014, publika liu husi pájina ofisial Prezidensia Repúblika Demokratika Timor-Leste, iha Palásiu Prezidensial, Bairu Pite, Díli,

Maske nune’e, Primeiru Ministru (PM), Taur Matan Ruak, hateten, to’o agora governu seidauk iha figura ruma atu ba lidera RAEOA-ZEESM.

“Seidauk. Mas to’o tempu ita bo’ot sira sei hatene medida saida mak ami sei halo ka toma, ita bo’ot sira sei hatene, obrigadu,” hateten Primeiru Ministru, Taur Matan Ruak.

Lei ne’e rasik Parlamentu Nasional  aprova de’it ho votus maioria parlamentar  a favor 34  no diploma ne’e haruka ona ba Prezidente Repúblika iha loron 10 fulan Jullu ne’e hodi estuda atu bele foti desizaun.

TR desidi lei RAEOA konstituisional

Tribunal Rekursu (TR), liu husi juíz kolektivu Deolindo dos Santos, Jacinta Correia no Duarte Tilman, desidi dekretu Parlamentu Nasional (PN) númeru 6/V, primeiru alterasaun lei númeru 3/2014 kona-bá lei Reziaun Administrativa Espesial Oe-Cuse Ambeno (RAEOA) konstitusional, tanba TR delibera ka la julga inkonstitusionalidade ba dekretu PN numeru 6/V ba primeiru alterasaun lei númeru 3/2014.

Tuir fontes kredivel iha TR informa katak, desizaun ne’e tun iha loron 14, fulan ne’e, mais ou menus tuku 02:30 lokraik.

“Konteúdu husi desizaun ne’e katak, TR la julga inkonstitusionalidade ba dekretu PN númeru 6/V ba primeiru alterasaun lei númeru 3/2014 signifika alterasaun lei ne’e konstituisional, tanba ne’e hafoin desizaun ne’e tun ami notifika kedas parte PN no Prezidenti Repúblika (PR) no sei iha prazu loron lima nia laran ba sira hodi hatama reklamasaun ou rekursu ruma, wainhira la simu desizaun ne’e no depois de loron lima nia laran mak laiha reklamasaun, mak iha loron 21, fulan ne’e, ami foin bele públika iha jornal da Repúblika”, informa fontes kredivel ne’e ba GMN, iha ninia kna’ar fatin, TR-Díli, Kinta (15-08/2019).

Lee hotu :   Failansu tekniku subsídiu USD 100,00 seidauk bele realiza

Husi sorin seluk, Prezidenti Parlamentu Nasional (PN), Arão Noé hateten, PN simu ona dezisaun final husi TR ne’ebé hateten alterasaun lei númeru 3/2014 kona-bá RAEOA ne’e konstituisional.

“PN altera lei númeru 3/2014, altera deit artigu 19 no 21, hodi halo mudansa deit ba kompetensia nomeasaun no ezonerasaun ba Prezidenti RAEOA, maibé tribunal desidi ona katak konstituisional, ida ne’e mak desizaun final husi TR, ami hein  iha tempu badak Prezidenti Repúblika (PR), Francisco Guterres “Lú Olo” bele  promulga ona,  nune’e governu bele halo ona nomeiasaun liu husi Konsellu Ministru kona-bá  Prezidenti RAEOA-ZEESM foun no Primeiru Ministru fó ona pose, nune’e Prezidenti RAEOA foun kontinua halo servisu ne’ebé eis Prezidenti RAEOA, Mari Alkatiri hala’o tiha ona“, tenik Xefi Órgaun Lejislativu ne’e.

Entretantu TR deklara dekretu PN númeru 6/V ba alterasaun lei númeru 3/2014, altera deit  artigu 19 no 21, iha loron 14, fulan Agostu ne’e. Ito/ita/ety

Add to Comments Here!!!!

error: Content is protected.
Secured By miniOrange
You might also like:
Dia 15/08/2019 || GMNTV LIVE STREAM || DADER KMANEK

Tempu badak, MS sei transfere osan apoia Klínika Bairo Pité

Ministru Saúde (MS) Interinu, Bonifacio Maucoli...

KO 25 husu povu Aileu fó informasaun ba istória rezistensia

Vise Prezidente Komite Orientador 25, Jacinto...

Close