JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

AMP: Laiha poder informál iha VIII Governu • La nesesáriu halo diálogu ba fahe poder

AMP: Laiha poder informál iha VIII Governu  • La nesesáriu halo diálogu ba fahe poder

Vise Xefe bankada CNRT, Patrocino Fernandes konsidera, laiha poder informal ruma iha governasaun da-walu nian, hanesan buat ne’ebé bankada opozisaun FRETILIN hatete ona ba públiku.

Deputadu AMP ne’e hato’o asuntu ne’e, relasiona ho deklarasaun Vise Xefe bankada FRETILIN, Francisco Miranda Branco ne’ebé deklara, ezekusaun orsamentu jerál Estadu tinan 2019 ne’e la’o neneik liu, tanba envolve poder informal iha desizaun.

“Ha’u lahatene poder informal ne’e saida, tanba ne’e opiniaun FRETILIN nian, nia bele moris ho opiniaun ida ne’e, de faktu ita hotu hatene, katak, depois de eleisaun antesipada, ita mai, tanba ita hatene katak, Estadu ne’e, Estadu direitu demokrátiku, iha órgaun soberanu 4, iha PN, Governu no Tribunal ho Prezidente Repúblika. Funsionamentu órgaun soberanu 4 ne’e la’o normal, la’o di’ak no ida-ida hala’o nia servisu, no refleta duni promesas eleitoral AMP nian, ne’ebé hateten iha eleisaun antesipada atu konsolida fila fali ai rin 4 Estadu nian, hafoin mosu impasse polítika”, hatete Patrocino Fernandes ba jornalista iha PN, Tersa (06/08/2019) ne’e.

Deputadu AMP ne’e akresenta, nia parte lakohi fó komentáriu barak, tanba konsidera deklarasaun FRETILIN nian ne’e, nu’udar opiniaun públiku ne’ebé la ho nia justifikasaun.

“Ha’u laiha komentáriu ba opiniaun FRETILIN nian ne’e, tanba nia la justifika katak, poder informal mak ida ne’ebé”, tenik deputadu AMP ne’e.

Antes ne’e, vise Xefe bankada FRETILIN, deputadu Francisco Branco konsidera ezekusaun OJE 2019 la’o tarde tebes, tanba poder informal mak komanda no envolve iha foti desizaun ba ezekusaun iha governu,  maibé deputedu opozisaun ne’e rasik la fó sai se mak poder informal refere.

La nesesáriu halo diálogu ba fahe poder

Lee hotu :   Governu diskuti fó subsídiu ba média privadu sira

Vise Xefe bankada CNRT, deputadu Patrocino Fernandes hatete, laiha nesesáriu urjente ruma ne’ebé presiza diálogu atu fahe poder ka kadeira ba malu, tanba órgaun soberanu 4 ne’ebé nu’udar ai-rin Estadu TL nian, la’o normal hela.

“Hanesan ema polítika ida, hananu ida hanesan ne’e normal, diálogu ne’e mekanizmu husi demokrátiku ruma ne’ebé ema uza, maibé husi ha’u nu’udar ema kuadru polítiku CNRT nian,  atu hateten katak, ita-nia nasaun iha hela situasaun normal, ne’ebé la nessesita diálogu ruma, diálogu atu halo saida, díalogu para ita atu fahe de’it poder, díalogu para ita atu fahe de’it kadeira ba malu, ne’e tempu la’os oportunu, agora hotu-hotu atu konsentra no haree ba povu nia moris”, hatete Patrocino Fernandes iha Tersa (06/08/2019) ne’e, relasiona ho deklarasaun Sekretáriu Jerál partidu FRETILIN, Marí Alkatiri ne’ebé deklara, governasaun atu la’o di’ak, presiza promove diálogu.

Patrocino subliña, la nesesáriu atu konvoka diálogu, tanba laiha situasaun ida ne’ebé grave hodi afeta ba Estadu ne’e.

“Laiha nessesidade, diálogu atu halo saida, saida mak át loos iha ita-nia país ne’e mak atu halo dialogu ne’e, lor-loron partidu ida-idak halo diálogu iha nia partidu rasik, ko’alia hamutuk hola desizaun, tanba ne’e la presiza diálogu tan”, tenik Patrocino.

Antes ne’e, Sekretáriu Jerál partidu FRETILIN, Marí Bin Amude Alkatiri deklara, liu husi nia diskursu iha abertura debate ho tema voice of the voices ne’ebé hala’o iha salaun Katedral hatete, governasaun atu la’o di’ak tenki inklina partidu FRETILIN.

Alende ne’e, iha ambitu diskusaun pakote lejislasaun ne’ebé atu ajusta ba ratifikasaun tratadu fronteira marítima, liu husi media social, Marí Alkatiri deklara, hakarak konsensu, tenki diálogu.

Lee hotu :   PPN SEI REKOLLA KARETA PRADO HUSI EIS DEPUTADU

Nune’e, líder igreja katólika, Bispu Dom Norberto do Amaral mós husu líder polítiku sira atu tu’ur hamutuk halo diálogu, atu nune’e lori dezenvolvimentu ba povu hotu.say

Add to Comments Here!!!!

error: Content is protected.
Secured By miniOrange
You might also like:
PNTL detein ona suspeitu soe bebé iha Taibesi

Polisia Nasionál Timor-Leste, Munisípiu Díli, detein...

FOKUPERS husu PNTL atu halo investigasaun kle’an ba kazu soe bebe

Organizasaun Naun Govermental (ONG) FOKUPERS husu...

KAK sei halo investigasaun profunda ba Ró Haksolok

Komisáriu ba Komisaun Anti Korrupsaun (KAK),...

Close