JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN lamenta tetu fiskal OJE 2020 liu RSE

FRETILIN lamenta tetu fiskal OJE 2020 liu RSE

Bankada Frente Revolucionario do Timor-Leste Independente (FRETILIN), iha Parlamentu Nasional (PN), lamenta no preokupadu ho tetu fiskal Orsamentu Jeral Estadu (OJE) tinan 2020, tanba  governu sei foti liu Rendimentu Sustentabel Estimativu (RSE).

“Tetu fiskal OJE 2020 governu foti liu RSE ou liu 3%, maibé tuir regras bainhira governu foti osan liu 3%, PN tenki autoriza governu foti 3% husi ita nia fundu petrolíferu, sé 3% ita foti USD millaun 794.3 husi RSE, nune’e OJE 2020 governu foti USD billaun 1.6, ita tenki devitu fiskal USD millaun 95.7, ita tenki foti liu RSE“, deputada bankada FRETILIN, Maria Angelica ba jornalista sira, iha PN, Tersa (06-08-2019).

Maria Angelica hateten, tuir lei númeru 9/2005 kona-bá fundu petrolíferu governu labele foti osan iha fundu petróleu liu porsentu 3, bainhira governu foti liu husi ne’e, tenki aprezenta planu investimentu adekuadu no espesífiku ba PN, atu nune’e bele hetan aprovasaun.

“FRETILIN konsidera OJE 2020 ho montante 1.6 biloens ne’e boot liu,   ne’ebé mai dala ida deit, la hanesan ho tinan 2013 ho 2014, ne’e USD billaun 1.9, maibé mai dala rua iha orsamentu ratifikativu, 3% husi USD billaun 1.6 ne’e ita bele foti deit USD694.3, maibé USD billaun 1.6 devitu fiskal ona ba USD millaun 95.7, signifika ita foti liu RSE, atu sustenta ita nia OJE 2020, ida ne’e sei fó impaktu, tanba ita nia lei dehan ita foti de’it osan 3%, maibe foti liu 3%, lei mós dehan kuandu  foti liu 3%, ezekutivu ho governu tenki aprezenta planu investimentu boot hanesan investimentu infra-estrutura mai iha PN, planu adekuadu duni mak PN autoriza hodi foti 3%, ne’e lei fundu petroliu”, tenik deputada bankada FRETILIN ne’e.

Lee hotu :   PM Taur: PN kontinua vota kontra, Governu sei funsiona ho osan duodésimo

Nia afirma, sé foti para atu selu deit tusan ba tinan hirak liu ba, ne’e sekuensia ba tinan 2018 to’o 2019 PN, tanba PN sempre aprova USD millaun 400 ba fundu infraestrutura.

“Maibe ita haree projetu foun laiha atu selu tusan sira tinan 2016 to’o 2018, orsamentu infraestrutura, orsamentu pluri-anual, maibé PN aprova ida ne’e atu selu deit tusan nia sekuensia mak orsamentu mai aumenta, tanba realidade haree ba exekusaun, la’os haree deit ba montante OJE, maibé haree ba kualidade fíziku no durante ne’e ita haree gasta osan boot liu, maibé povu sei halerik ba bee-moos, estrada insfraestrutura, eskola no aimoruk, nune’e bele tau osan boot, maibé ninia impaktu la direta ba povu”,  dehan Maria Angelica.

Husi sorin seluk, Vise Xefi bankada CNRT, Patrocinio Fernandes hateten, maski  Konsellu Ministru (KM) aprova ona tetu fiskal OJE 2020 bo’ot liu,  sira tenki bazeia ba planu ruma ou programa governu ni’an.

“Ita hotu hatene tinan 2017 to’o 2018 liu husi situasaun impase polítika ida injesaun osan tun ba kraik ne’e laiha, tanba ita nia Estadu la’o ho duadesimal, ita nia ekonómia nasaun dependensia ba OJE iha tinan 2 nia laran, orsamentu laiha implika ba ekonómia rai laran, nune’e ho situasaun hirak ne’e oinsa mak governu bele normaliza, nune’e tenki liu husi OJE”, haktuir Patrocinio Fernandes.

Entretantu iha loron 31, fulan Jullu, tinan ne’e,  governu liu husi KM aprova  ona kalendáriu preparasaun OJE 2020, ho montante 1.6 billoens. ety

Add to Comments Here!!!!

error: Content is protected.
Secured By miniOrange
You might also like:
Dom Virgílio do Carmo: Kazu soe bebé estraga kultura Timor-Leste nian

Bispu Dioseze Díli, Dom Virgílio do...

Dia 06/08/2019 || GMNTV LIVE STREAM || JORNAL NASIONAL KALAN

Maria Angelina: PR tenki foti desizaun hanesan ba pakote lei FM

Prezidente Parlamentu Nasionál Interina, Maria Angelina...

Close