JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN: Poder informal difikulta ezekusaun OJE 2019

FRETILIN: Poder informal difikulta ezekusaun OJE 2019

Vise Prezidente bankada FRETILIN iha Parlamentu Nasionál,  Francisco Miranda Branco, konsidera, poder informal balun impede no difikulta governu atu ezekuta Orsamentu Jerál Estadu (OJE) 2019 ho di’ak.

“Governu iha difikuldade duni, nia difikuldade ne’e ita bele haree nia kompleksidade lubun ida. Ba ha’u haree hanesan governu ne’e hetan komando husi liur fali, estrutura poder informal ne’ebé iha poder liu fali iha poder formal, poder formal ne’e mak lidera husi Primeiru Ministru, Taur Matan Ruak, maibé iha fali informal ne’ebé iha forsa liu, dalaruma karik ida ne’e mak impede prosesu ezekusaun orsamentu atu la’o di’ak, tanba ita haree buat simples de’it, kartaun identidade no kartaun kondusaun ne’e de’it mós to’o agora laiha permanente, sei provizóriu hotu de’it, ida ne’e hatudu katak, buat simples de’it mós difisil atu implementa, entaun buat bo’ot difisil liutan”, afirma Francisco Branco ba jornalista sira iha PN, semana ne’e.

Maske nune’e, deputadu opozisaun ne’e lakohi fó sai estrutura poder informal ne’ebé deskonfia impede prosesu ezekusaun OJE nian.

“Agora ita bo’ot sira mak interpreta de’it poder informal ne’e se, maibé poder informal ne’e mak iha poder liu hodi inpoin liu, duke poder formal nia funsionamentu normal, iha administrasaun governasaun ida ne’e nian”, relata Branco.

Vise Xefe bankada FRETILIN ne’e afirma, iha tempu badak bankada FRETILIN sei husu governu atu aprezenta relatóriu trimestral ba ezekusaun orsamentu jerál Estadu tinan 2019 nian.

“Iha regras inpoin, ami sei husu governu tenki aprezenta ona relatóriu trimestrial ba ezekusaun orsamentu jerál Estadu 2019 nian, loloos ami aprezenta iha plenária semana ne’e, maibé tanba periodu antes ordem do dia laiha, maibé ami sei aprezenta”, relata Francisco Branco.

Lee hotu :   PR propoin sosa kareta iha OJE 2020

Iha fatin hanesan, deputadu bankada CNRT, Adérito Hugo hateten, progresu ezekusaun la’o dadaun, tanba ne’e, sei iha tan fulan lima ba governu atu aumenta volume ezekusaun OJE ne’e.

“ Ezekusaun orsamentu la’o hela, tuir dadus ne’ebé tama, atinji ona kuaze 40%, agora foin tama fulan Agostu. Agora foin tama ba ezekusaun segundu trimestre, relatóriu trimestre, agora 40% liu, maibé ita tenki hatene, orsamentu promulga no vigora iha Janeiru, inísiu Fevereiru tan, katak kuaze Janeiru tomak ne’e la promulga, tanba ne’e foin promulga iha inísiu Fevereiru ne’e, entaun tarde tiha fulan ida. Ita sei hela fulan lima kedas, atu haree nia gráfika ne’e sa’e ba leten, babain ne’e, ezekusaun nia volume sa’e maka’as liu ne’e iha terseiru no kuartu trimestre”, subliña Hugo.

Deputadu AMP ne’e afirma tan, governu sei halo aprezentasaun relatóriu bazeia ba regras, tanba ne’e sei iha tempu ba governu atu aprezenta ba Parlamentu Nasionál.

“Aprezentasaun relatóriu ne’e iha nia regras, kuandu primeira trimestral liu, sei iha tan 30 dias para halo rekapitulasaun ba relatóriu, no aprezenta mai Parlamentu, agora sei iha segundu trimestre, Jullu ho Agostu sira tama ona atu submete mai, segundu trimestre, regras mak hanesan ne’e, laiha regras ida fora husi ne’e, korespondesia husi relatóriu trimestral ne’e”, akresenta eis Prezidente PN ne’e.

Antes ne’e, Ministra finansa interina, Sara Lobo informa, VIII Governu konstitusional ezekuta ona orsamentu jerál Estadu tinan 2019 44%.say

Add to Comments Here!!!!

error: Content is protected.
Secured By miniOrange
You might also like:
Dia 01/08/2019 || GMNTV LIVE STREAM || GRANDE ENTERVISTA ||

DIA 29/07/19|| GMNTV LIVE STREAM ||GRANDE ENTREVISTA||TAMBASA CNRT LABELE TROKA KANDIDATU REJEITADUS

DIA 25/07/19|| GMNTV LIVE STREAM || GRANDE ENTERVISTA ||

Close