JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Marí Alkatiri: Ha’u laiha esperansa ba Prezidente RAEOA foun

Marí Alkatiri: Ha’u laiha esperansa ba Prezidente RAEOA foun

Sekretáriu Jerál Partidu FRETILIN, Marí Alkatiri, hateten, nia laiha  esperansa ba Prezidente Autoridade Rejiaun Administrativa Espesial  Oé-cusse Ambeno (RAEOA) foun, ne’ebé mak  troka ninia fatin hodi lidera RAEOA ba tinan hirak tuir mai.

“Ha’u laiha esperansa ba Prezidente foun ida, ha’u nia esperansa hamutuk ho povu, tanba aliadu FRETILIN ne’e mak povu,  sira halai hamutuk para atu hetan forsa atu halo buat ruma. FRETILIN aliadu ba povu, ha’u reprezenta FRETILIN”,esplika Sekretariu Jerál Partidu FRETILIN Marí Alkatiri, liu husi konfrensia imprensa Kuarta (31/07/19), iha sala konferensia imprensa Aeroportu Internasionál Nicolau Lobato Comoro Díli,  wainhira termina ninia mandatu nu’udar Prezidente RAEOA.

Marí Alkatiri akresenta, mehi ne’e atu halo Oecussi sai laboratoriu, halo Oecussi  bele sai referensia  ba Timor-Leste, ne’e seidauk remata.

“Sé de’it mak  ba iha ne’eba bolu ha’u arogante bolu ba, maibe sé mak ba sei labele halo. Polítika laiha konsensu, polítika ida  la defende interese Estadu, polítika ida que ha’u rasik la kompriende tanba iha tinan tolu ka lima ikus ne’e  iha ne’ebé iha susesu, iha ne’ebé iha rezultadu  mak Oé-cusse, iha munisípiu 12 tan ema la liga, buka mak Oe-cusse la buat ida sira ba  iha ne’eba  mak haree. Sé ha’u mak husi karik Oé-cusse karik sira la husik ha’u, ne’ebé horikalan ha’u sadik oituan  sé iha duvidas karik mai  ita halo eleisaun de’it, ha’u kandidata a’an depois haree sé mak manan. Klaru que preokupa, ha’u haree kualidade nivel nasionál ne’e  ha’u hare’e hotu ona, ita hotu-hotu iha atensaun  hare’e katak, laiha kualidade  sé nasionál de’it laiha kualidade, sira atu lori kualidade ba Oé-cusse halo nusa”,dehan Marí Alkatiri.

Lee hotu :   Asegura mákina Estadu, MF lansa livru DOT ba kada ministériu

Alkatiri  realsa katak,  nia tanis  tanba hadomi povu ida ne’e, la’os hanesan ema seluk tanis  hodi bosok povu.

“Ha’u dehan ona  ema balun tanis hodi bosok povu, maibe ha’u tanis tanba  povu haree povu sei kiak no mukit”,dehan  Marí Alkatiri.

Militante FRETILIN antusiazmu simu Alkatiri

Militante no simpatizante partidu FRETILIN, iha  Kuarta (31/07/19), antusiazmu simu Sekretariu Jerál Partidu FRETILIN, Marí Bin Amude Alkatiri, iha Aeroportu Nicolau Lobato hodi mai to’o Comite Central da FRETILIN, Comoro, Díli, hafoin Alkatiri fila husi Oé-cusse tanba mandatu nu’udar Prezidente Autoridade Rejiaun Administrativa Espesial  Oé-cusse Ambeno (RAEOA) remata.

Marí Alkatiri fila  husi Oé-cusse mai Díli, tanba ninia mandatu nu’udar Prezidente RAEOA, remata ona iha Tersa (30/07/19).

Marí Alkatiri, wainhira ho aviaun ZEESM to´o  hodi tuun iha Aeroportu Internnasionál Nicolau Lobato, militante sira hein barak  tebes ho motorizadas no kareta.  militante balun uza atributu  hanesan kamizola FRETILIN no balun uza bandera FRETILIN.

“Ba kamarada Sekretariu Jerál FRETILIN  Marí Alkatiri, nia mandatu mak hotu, laiha ema ida mak hasai nia tanba ba tinan lima nia kumpri ona, tanba ne´e nia mandatu hotu  ona kuandu fila mai.  Hanesan ami joventude FRETILIN prontu simu fali ami ninia   Sekretariu Jerál Partidu FRETILIN Marí Alkatiri iha partidu“,esplika membru Konsellu Politiku Nasional Juventude FRETILIN Antónino José de Deus, ba  GMN iha resintu Aeroportu Internasionál Nicolau Lobato, Comoro.

Alende ne´e juventude FRETILIN Deolindo Fernandes hateten, mandatu Marí Alkatiri  nu’udar Prezidente RAEOA termina iha Oecusse, tanba kumpri ona ninia mandatu.

“Ami nu’udar militante kontente tebes, ami simu, ami nia Sekretariu Jerál FRETILIN Marí Alkatiri sei fila-fali ba ninia  fatin hodi hala´o nia servisu hanesan Sekretariu Jeral FRETILIN“,dehan   Deolindo Fernandes.

Lee hotu :   COVID-19: Governu revé lei Eleisaun Prezidensiál

Tuir observasaun GMN durante militante FRETILIN sira konsentra iha resintu Aeroportu Internasionál Nicolau Lobato, Comoro, hetan seguransa husi Polísia Unidade Patrullamentu Fronteira (UPF).avi

Add to Comments Here!!!!

error: Content is protected.
Secured By miniOrange
You might also like:
DIA 31/07/19|| GMNTV LIVE STREAM || JORNAL NASIONAL KALAN

DIA 31/07/19|| GMNTV LIVE STREAM || JORNAL AS 12

DIA 25/07/19|| GMNTV LIVE STREAM || JORNAL NASIONAL KALAN

Close