JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Marí Alkatiri: Laiha ema ida bandu ha’u mai fali Oé-cusse

Marí Alkatiri: Laiha ema ida bandu  ha’u  mai  fali Oé-cusse

Autoridade Rejiaun Administrativa Espesial Oe-cusse Ambeno (RAEOA),  realiza festa despedida ho povu Oé-cusse, Eis Prezidente RAEOA, Marí Alkatiri hamonu mataben hodi hateten katak, laiha ema ida mak bele bandu nia fila ba Oé-cusse maske nia mandatu remata ona, tanba nia mak hanesan fundadór Zona Espesial Ekonomia Sosial Merkadu (ZEESM).

Marí Alkatiri mós promete sei la husik  povu atoni Oe-cusse mesak iha prosesu dezenvolvimentu hotu ne’ebé la’o iha Oe-cusse.

Marí Alkatiri hateten,  festa ne’e la’os festa despedida, maibé festa atu hametin relasaun amigavel entre nia ho povu Oe-cusse, tanba nia la’os sai husi Oe-cusse.

 “Ha’u hkarak hateten de’it katak, ne’e la’os despedida, ne’e para hateten katak, ita sei hamutk nafatin. Iha 1975, ha’u simu misaun hamutuk ho maluk na’in 2 ba rai liur, durante tinan 24 iha ha’u nia mosilla, ha’u rai nafatin bandeira RDTL no inu RDTL, simblu RDTL hotu, to’o fila fali mai restaura indepedensia ho nia bandeira RDTL rasik. Agora ha’u nia mosilla mós todan atu la’o haleu Munisípiu 12 lori Oe-cusse, ha’u la sai husi Oe-cusse. Sei ha’u lori Oe-cusse ba Munisípiu 12, signifika Oe-cusse hamutuk nafatin ho ha’u, no ha’u sei fila fali mai Oe-cusse. Laiha ema ida bele bandu ha’u mai Oe-cusse, tanba ha’u fundador Estadu Timor-Leste, liu-liu ha’u fundador ZEESM Timor-Leste, laiha ema ida mak bele bandu ha’u, ne’e ha’u hatete kedas”,   relata Marí Alkatiri iha nia diskursu ba festa despedida ho povu Oe-cusse, Tersa (30/07).

Alkatiri haktuir, nia hatene bo’ot ba nia no povu Oe-usse, maibé atu halo buat ida ho susesu, tenki hasoru dezafiu oi-oin.

Lee hotu :   2020 nesesidade ba kuantidade kombustivel aumenta sa’e

“Ha’u uluk simu kna’ar iha Oe-cusse hanesan dezafiu bo’ot, tanba ida ne’e halo parte ba Timor tomak nian, maibé sei uluk dehan ha’u mai Oe-cusse reprezenta maioria ka minoria, ha’u nafatin iha CCF atu lori FRETILIN manan maioria, maibé tanba ha’u mai atu reprzenta Estadu tomak mak ha’u mai, maibé ha’u la’os mai mesak, ha’u mai ho Xanana Gusmão no liurai sira iha Oe-cusse”, relata Alkatiri.

Eis Prezidente RAEOA ne’e afirma, ema hotu hatene uluk kedas katak, Oe-cusse la’os mega projeitu, maibé Oe-cusse atu sai laboratóriu modelu foun ba dezenvolvimventu iha TL, maibé dezafiu ne’e bo’ot tebes.

“Bainhira ha’u simu ha’u halo, derpenti ohin Oe-cusse atu sai maioria ka minoria nian fali, silah kan mak ita haree. Tanba ne’e ha’u rasik hatete fila fali no hakerek ona ba Governu, ha’u sei la husik Prezidente interinu ne’e mesak, ha’u sei la husik Autoridade ne’e mesak, aban ha’u ba duni, tanba ha’u nia partidu hein hela ha’u, aban ha’u ba duni tanba loron-loron ha’u simu telefone husi Munisípiu hotu katak, ami hein hela ita bo’ot iha ne’e, no ha’u ba sei vizita Munisípiu 12 ne’e, ha’u sei lori Oe-cuse nia furak ba hatudu iha Munisípiu 12 n’e”, relata Alkatiri.

Tuir Sekretáriu Jeral FRETILIN ne’e, TL atu la’o ba oin, tenki servisu hamutuk, minoria ka maioria ne’e, halo parte jogu demokratiku, maibé nasaun ida ne’e presiza Timor-oan hotu.

“Ita la adopta polítika ida ne’e, susar tebes atu Timor Leste la’o ba oin. FRETILIN mós fó mandatu mai ha’u atu buka ha’u nia kolega sira seluk, no ha’u sei halo ida ne’e, tanba ne’e ha’u hakarak hateten de’it ba atoni sira hotu, ha’u ba aban ha’u fila bain rua, entaun laiha despedida, ha’u hakarak hateten de’it ba festa oan ida ne’e katak, kuandu ha’u nia kolaboladores sira ko’alia ho ha’u hakarak halo festa, ha’u hateten ba sira katak, festa atu hametin ha’u ho povu Oe-cusse, la’os atu hasai ha’u husi Oe-cusse. Tanba ne’e mak atoni sira ha’u bele dehan, Oe-cusse sai ona husi izolamentu, ohin loron Oe-cusse sai sentru modernu ida, ida ne’e mak ita tenki lori ba Munisípiu hotu”, relata Alkatiri.

Lee hotu :   Rama ambon alarga ona ba Munisípiu, Feto ida hetan hana iha Viquque

Eis Prezidente RAEOA ne’e afirma, ema balu dehan Autoridade RAEOA gasta osan barak tebes iha Oe-cusse, maibé to’o agora osan ne’ebé tama iha Oe-cusse seidauk gasta hotu.

“Sei ita haree despezas ne’ebé ita gasta ba Munisípiu 12, rai bo’ot ne’eba osan bo’ot liu dala rua Oe-cusse nian. Tanba ne’e ha’u haree ita maran hela de’it, obrigadu ba inisiativa ida ne’e, no aban ha’u ba bainrua ha’u mai fali”, tenik Alkatiri.

Eis Prezidente Autoridade Rejiaun Administrativa Espesial Oe-cusse Ambeno (RAEOA), Marí Alkatiri, Kuarta (31/7/19), fila ona mai Díli, hafoin nia mandatu remata iha RAEOA. Marí Alkatiri to’o iha Díli simu husi simpatizante no militante partidu FRETILIN mai iha Comite Central da FRETILIN, Comoro hodi fo viva ba nia.tap

Add to Comments Here!!!!

error: Content is protected.
Secured By miniOrange
You might also like:
Xanana propoin Portugal-Vanuatu simu medalla kondekorasaun

Prezidente Komisaun Organizadora ba Komemorasaun Loron...

Marí Alkatiri: Ha’u laiha esperansa ba Prezidente RAEOA foun

Sekretáriu Jerál Partidu FRETILIN, Marí Alkatiri,...

DIA 31/07/19|| GMNTV LIVE STREAM || JORNAL NASIONAL KALAN

Close