JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Marí Alkatiri: Timor-Leste labele kontinua moris ho nostaljia

Marí Alkatiri: Timor-Leste labele kontinua moris ho nostaljia

Sekretáriu Jeral (SekJer) partidu FRETILIN, Marí Alkatiri, hateten, sé hakarak dezenvolvimentu la’o ho di’ak, Timor-Leste labele kontinua moris ho nostaljia ka memoria pasadu, tanba  memoria  pasadu  sei la harii Estadu no demokrasia.

“Lakohi ha’u hanoin ba kotuk, ita halo  di’ak ona, ita manan, ba oin halo nusa, tanba saída mak ita hanoin ba kotuk, atu hari’i estadu dezafiu agora, ita harii duni ona Estadu ka seidauk, ita tenki buka hatene buat tolu (3), primeiru saída mak Estadu, Estadu direitu demokrátiku no lideransa iha kontextu Estadu demokrátiku, ida ne’e mak importante para ita bele haksoit ba faze seluk, Se la’e ita moris iha nostaljia no nostaljia sei la harii Estadu no demokrasia, maibé nostaljia sei trava Estadu no demokrasia”, SekJer FRETILIN ne’e liu husi ninia diskursu, wainhira partisipa aniversáriu ezistensia Komisaun Justisa no Paz ba dala 25 no komemorasaun loron konsulta popular loron 30, fulan Agostu, iha salaun katedral Vila Verde-Díli, Sábadu (03-08-2019).

Eis Primeiru Ministru (PM) VII ne’e informa, buat 3 ne’e mak sei dezafia realidade sósiu antropolójiku kultural, atu nune’e bele hatene saída mak nasaun no oinsa  atu hari’i nasaun.

“Sósiu antropolójiku kultural no polítiku, ita halo konstituisaun laiha duvida programátika, ita seidauk ka’er konstituisaun hanesan programa atu harii Estadu, tanba ita moris nafatin iha nostaljia”, dehan Marí Alkatiri.

SekJer FRETILIN ne’e akresenta, oras ne’e Timor-Leste kaer rasik ona kuda talin, nune’e labele hanoin ona ba kotuk, maibé importante mak oinsa harii Estadu Timor-Leste ho lo-loos.

“Timor-Leste  brani ka la brani atu prosesu ida diskuti Estadu direitu demokrátiku, nasaun Maubere hanesan konxeitu sósiu antropolojíku instrumentu uza ba luta  atu halibur uma lisan hot-hotu, Maubere hanesan  konseitu sósiu antropolojíku polítiku, la’os hanesan ema nia naran, uma nia kakuluk boot liu mak Ramelau, Matebian no Kablaki, ida ne’e mak ita tenki hatene, fila ba ita nia realidade iha faze agora, hateke ba oin, nune’e ita harii Estadu tenki hatene saída mak ita tenki foti hanesan medida estruturante Estadu direitu demokrátiku, desizaun estruturante Estadu direitu demokrátiku”, tenik Marí Alkatiri.

Lee hotu :   Odete Ezonera Diretór na'in tolu

Aniversáriu ezistensia Komisaun Justiza no Paz ba dala-25 ne’e ho tema “Timor-Leste voice of the voiceless, ne’ebé  ko’alia liu kona-bá Timor-Leste ohin no ba abanbainrua.

Partisipa iha serimonia ne’e,  mak hanesan veteranu, sosiedade sivíl, deputadu, autoridade judisial, estudante no mós konvidadu sira seluk.Ety

Add to Comments Here!!!!

error: Content is protected.
Secured By miniOrange
You might also like:
Anin sobu uma 16 ho eskola ida iha Camea

Anin boot ne’ebé akontese iha Sesta...

Lucia Lobato: TL presiza reforma judisiária

Hafoin independensia Timor-Leste (TL) númeru komunidade...

Dom Norberto: Líder ParPol presiza rezolve impase polítiku

Prezidente Konferensia Episkopal, Bispu Dioseze Maliana,...

Close