JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN hein PR deside pakote lejislativu FM iha tempu badak ■Deside sala TL mak lakon

PN hein PR deside pakote lejislativu FM iha tempu badak ■Deside sala TL mak lakon

Prezidenti Parlamentu Nasional (PN), Arão Noé, informa, to’o agora Parlamentu Nasional (PN) seidauk iha  informasaun ruma kona-bá pakote  lejislativu, kompostu husi lei 4  hodi ajusta ba  ratifikasaun tratadu Fronteira Marítima (FM) ne’e nia lalaok to’o iha ne’ebé ona. Tanba ne’e,  PN hein atu Prezidente Repúblika, Francisco Guterres Lú Olo, deside iha tempu badak veta ka promulga.

“PN seidauk iha informasaun, ami submete ona ba Prezidenti Repúblika (PR), Francisco Guterres “Lú Olo”,  iha loron 26, fulan Jullu, tinan ne’e,  ami hein iha tempu badak Xefi Estadu  bele foti desizaun ba asuntu sira ne’e”, Arão Noe ba jornalista sira iha PN, Kinta (15-08-2019).

Xefi Órgaun legislativu ne’e informa, alterasaun ba lei refere importante tebes no tama em vigor, atu troka nota entre governu Timor-Leste ho Australia iha loron konsulta popular, 30 de Agustu,

“Atu troka nota entre governu Timor-Leste ho Australia iha loron konsulta popular, 30 de Agustu ne’e bele akontese, sé la’e, labele akontese troka de nota. tanba ida ne’e kompromísu ida ne’ebé tau iha tratadu nia anexu sira ne’ebé governu rua tenki kumpri, tanba governu Australia altera ona nia lejislasaun 25 no Timor-Leste 4, ha’u hein ida ne’e importante tebes. sé ita la tama em vigor iha 30 de Agostu, laiha troka nota, osan ne’ebé durante ne’e porsentu 10, husi Bayu Undang ne’ebé Austrália simu, Austrália kontinua  simu nafatin, Timor-Leste mak sei lakon, la’os Australia mak lakon”, haktuir Arão Noe.

Prezidente PN ne’e akresenta, maibé depende ba desizaun husi PR Lú Olo no buat ne’ebé Timor-Leste  la simu durante tinan 10 resin, hahú husi tinan 2004 to’o agora, iha fulan Setembru agora Timor-Leste  hakarak simu  osan hodi  amenta ba fundu petrolíferu, nune’e desizaun ba lei sira ne’e, tenki tama ema vigor.

Lee hotu :   PR dekreta Estadu Emerjénsia, Governu husu sidadaun hotu hakmatek iha uma

Entretanto lei 4 ne’e, kompostu husi  lei númeru 5/V primeira alterasaun  husi lei fundu petrolíferu, lei númeru 6/V primeira alterasaun husi lei tributaria no lei rejimi laboral migratóriu. ety

Add to Comments Here!!!!

error: Content is protected.
Secured By miniOrange
You might also like:
Pedro Aparício rejeita ataka PNTL

Portavoz Organizaun Fuan Domin, Pedro Aparício...

PN deside ona estrutura komisaun permanente

Parlamentu Nasionál (PN), deside ona komisaun...

Ahi han motuk motor ida iha Hudi-Laran

Ahi  han motor Verza  ida  ne’ebé...

Close