JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN husu Governu indika jestór diak ba RAEOA tuir estatutu espesial

PN husu Governu indika jestór diak ba RAEOA tuir estatutu espesial

Deputadu bankada CNRT, Adérito Hugo da Costa, husu Governu indika jestór ne’ebé di’ak no iha kapasidade hodi jere no hatúr loloos Rejiaun Administrativa Espesial Oe-cusse Ambeno no Zona Espesial Ekonomia Sosial Merkadu (RAEOA-ZEESM) tuir duni estatutu espesial.

Deputadu AMP ne’e hato’o pedidu ne’e ba governu, liuhosi jornalista sira iha Parlamentu Nasionál, Kuarta(31/07/2019), relasiona ho mandatu Prezidente RAEOA Marí Alkatiri ne’ebé remata tiha ona iha loron 30 fulan Jullu tinan ne’e.

Deputadu ne’e rekoñese, dezenvolvimentu infraestrutura iha RAEOA la’o di’ak, maibé seidauk iha diferensia bo’ot ho munisipiu seluk, nu’udar rejiaun espesial ida.

“ Agora ne’e espesial de’it mak aeroportu ne’e bo’ot no di’akliu aeroportu Dili nian,

Infraestrutura báziku komesa di’ak ona, portu Oe-cusse mós di’ak ona, estrada iha capital Oe-cusse nian ita bele dehan di’ak ona, agora ita buka fali zona ekonomia espesial sosial merkadu ne’e,

Ita hein katak figura ida atu ba ne’e, bele tau konsentrasaun kona-bá zona espesial ne’e,  nune’e para setór privadu sira ne’ebé hakarak ba investe iha ne’ebá ne’e, sira goza rejime espesial ruma  em termu de komersiu industria ruma karik, bele dezenvolve,

Nasaun seluk ruma interasante atu ba investe iha Oe-cusse  karik atuo na katak, bele goza ona nia rejime espesial ida, husi parte txa ninian, exportasaun importasaun, hanesan animal no produsaun sasán sira iha ne’ebá ho rejime espesial ida, agora seidauk iha, tanba sei hanesan ho Dili no munisipiu seluk, tanba ne’e seidauk hatene espesial mak ida ne’ebé, tanba lei ZEESM rasik seidauk define loloos,”afirma Deputadu Adérito Hugo.

Iha sorin seluk, deputadu bankada Fretilin, Fabião de Olivera mós reforsa tan, presiza duni líderansa ne’e iha kapasidade no iha koñesimentu ba infraestrutura hod hatúr ordenamento território tuir estrutura.

Lee hotu :   KM aprova ona kuadru kooperasaun ba dezenvolvimentu sustentavel

“ Presiza duni ema ida ho koñesimentu infraestrutura, ba ordenamentu territorial para hala’o dezenvolvimentu ne’ebé di’ak ho kualidade,

Nune’e partisipasaun komunidade tomak ba iha prosesu dezenvolvimentu ida ne’e ba iha futuru nasaun nian, ne’e mak importante, ”tenik deputadu Oliveira.

Entretantu, mandatu ba prezidente autoridade Marí Alkatiri iha RAEOA remata ona iha loron 30 fulan Jullu ne’e, hafoin lídera RAEOA-ZEESM durante tinan lima nia laran.Say

Add to Comments Here!!!!

error: Content is protected.
Secured By miniOrange
You might also like:
PN konsidera funsionamentu Aeroportu Suai ho RAEOA denpende aviaun

Deputadu Parlamentu Nasionál (PN) konsidera funsionamentu...

Lere: Governu tenki preokupa seguransa iha liña fronteira marítima ■La tauk presaun husi ONG

Xefe Estadu Maior Jeneral Falintil- Forsa...

Marí Alkatiri: Laiha ema ida bandu ha’u mai fali Oé-cusse

Autoridade Rejiaun Administrativa Espesial Oe-cusse Ambeno...

Close