JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TR konsidera inkonstitusional PN iha alternativa rua solusiona LAP – LFP

TR konsidera  inkonstitusional PN iha alternativa rua solusiona LAP – LFP

Tribunal Rekursu (TR), deside artigu balu husi alterasaun Lei Atividades Petrolifera (LAP) no Lei Fundu Petroliferu (LFP) inkonstitusional, maibe Prezidente Parlamentu Nasional dehan Parlamentu Nasional sei iha alternativu rua ba lei rua nee.

Prezidente Parlamentu Nasional (PPN), Arão Noe de Jesus da Costa Amaral hatete, PN sei iha alternativa rua nee mak, halo konfirmasaun votus  no alterasaun ba artigu hirak ne’ebé TR deklara inkonstitusional.

“PN simu ona desizaun husi TR, maibé Tribunal la deklara inkonstitusional no ceu tudo, iha LAP nian, ne’e tribunal deklara alterasaun artigu 22 númeru 9 ne’e mak tribunal deklara inskontitusional. Iha LFP nian, artigu 15 alinea 1, 2 no 3 mak deklara inkonstitusional,  maibé alinea 4 husi artigu 15 ne’e, tanba ne’e mak lei rua ne’e la’os inkonstitusional hotu ka la’os no ceu tudo. Agora kabé ba Prezidente Repúblika atu foti desizaun veta ka promulga,  ne’e kabé ba kompetensia Prezidente Repúblika nian,  ami Parlamentu Nasional hein de’it desizaun saida mak atu foti, PN hein fali atu hala’o fali nia kna’ar tuir KRDTL”, informa PPN Arão Noe ba jornalista sira iha PN Kuarta (28/08/2019).

Arão Noe esplika tan, artigu ne’ebé mak deklara inkonstitusional, ko’alia kona-ba oinsa kapitaliza Timor GAP hodi hala’o investimentu maibé, tuir regras no prosesu, la’os direta.

“Ita hatene katak, ita sosa tiha asaun husi ConocoPhillips ho Shell, ho valor $650 millões, no ita hetan 55%, hodi halo investimentu ida ne’e. Timor GAP empreza Statal nian ida, ne’ebé presija modal para hodi hala’o servisu, nia labele lori de’it 55%  ne’e mak ba hala’o investimentu, tanba kompañia sira seluk mós iha nia persentajen hanesan, se ba prosesu ruma mak Timor GAP presiza tau osan, entaun Timor GAP atu foti osan iha ne’ebé, nia osan laiha, se nia la asesu ba fundu petrolíferu, atu bele uza hanesan modal para hodi halo investimentu sira ne’e, maibé ida ne’e mak tribunal deklara inkonstitusional, tanba konsidera viola artigu 139 alinea 123 iha K-RDTL”, hateten Noe.

Lee hotu :   CNRT: Naimori livre implika ba povu la fiar COVID-19 iha TL

Lider órgaun lejislador ne’e akresenta, PN nu’udar orgaun lejislador, kontinua hein desizaun kontinuasaun husi Xefe Estadu, maibé lei ne’e rasik laiha impaktu direita ba operasaun iha tasi Timor nian.

“Agora iha faze prosesual hela, ami hein de’it desizaun Prezidente Repúblika nian, depois mak PN sei hala’o nia kna’ar bazeia ba desizaun ne’ebé mak Xefe Estadu sei foti, nia impaktu direta laiha, tanba troka notas realiza nafatin, tanba tratadu promulga tiha ona, ho alterasaun lei tributária no rejime laboral migratóriu, iha tasi Timor ninian, maibé lei rua ne’e LAP ho LFP ne’e nia impaktu ne’e ba kapatilizasaun Timor GAP de’it katak, atu tau kapital ba Timor GAP hodi halo atividades petrolífera ninian, atu bele investe iha rai laran ka rai liur, maibé ida ne’e hanesan fó meius ida para foti labele liu 5%, maibé la’os atu foti de’it la’e, foti tuir prosesu, tanba ita hatene fundu mina rai ne’e ministériu finansas mak jere, no banku sentral mak ka’er osan ida ne’e, la’os atu ba foti direita de’it maibé, liu husi prosesu lubuk ida, mak foin to’o ba iha ne’eba maibé, desizaun tribunal hanesan ne’e ona, ita hein de’it nia konstinuasaun. Sei iha alternativa, PN dalan rua, konfirmasaun no alterasaun, ida kompetensia tuir konstituisaun mak fó,  PN bele halo ida husi dalan rua ne’e maibé, depende ba desizaun Prezidente Repúblika nian. Sei iha posibilidade atu hadi’ak tanba, PN hanesan mós governu sai autor ida ba lei, iha nia pozisaun katak, PN konsidera desizaun tribunal nian, ami bele halo alterasaun ruma hodi ajusta hodi submete fali hanesan lejislasaun, tanba ne’e prosesu sei la’o hela”, tenik PPN ne’e.

Lee hotu :   Governu sei garante subsídiu ho porsentu 60 ba média

Iha Tersa-feira loron 27 fulan Agostu tinan ne’e, Tribunal Rekursu deklara ona iha artigu balun inkonstitusional husi alterasaun Lei Atividades Petrolífera no Lei Fundu Petroliferu ne’ebé iha semana kotuk, Xefe Estadu Francisco Guterres Lú Olo husu Tribunal halo fiskalizasaun  nia konstitusionalidade.say

Add to Comments Here!!!!

error: Content is protected.
Secured By miniOrange
You might also like:
Dia 28/08/2019 || GMNTV LIVE STREAM || JORNAL AS 12

Dia 27/08/2019 || GMNTV LIVE STREAM || JORNAL AS 12

Dia 28/08/2019 || GMNTV LIVE STREAM || DADER KMANEK

Close