JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Delegasaun Reprezentativu Komisaun Permanente ASEAN avalia progresu TL

Delegasaun Reprezentativu Komisaun Permanente ASEAN avalia progresu TL

Delegasaun Reprezentativu Komisaun Permanente Asosiasaun Nasaun Sudeste Aziatiku (ASEAN), hodi halo avaliasaun kona-ba progresu Timor Leste nian atu halo adezaun ba organizasaun rejional ASEAN ba dala 11. 

Delegasaun nee to’o iha Díli, Timor Leste, Tersa (03/09),  hodi halao enkontru ho entidade sira timor nian no haree viabilidade nasaun nee nian molok foti dezisaun atu Timor – Leste sai membru permanente ASEAN ka lae.

Delegasaun Reprezentativu Komisaun Permanente ASEAN hamutuk na’in 10 nebe representa  nasaun 10 membru permanente ASEAN, Indonesia, Malayzia, Filipina, Singapura, Vietanm, Thailandia, Brunei, Vietnam, Laos, Myanmar no Kambodia.

Durante iha Timor Leste, lider Reprezentativu Komisaun Permanente ASEAN, sei halo avaliasaun ba Timor Leste iha Área Polítika no Seguransa.   Atu nune’e, Reprezentativu Komisaun Permanente ASEAN bele foti ona desizaun ba Timor Leste nia viabilidade (kelayakan) atu sai membru permanente ASEAN badala 11 ka seida’uk.

“Atu haree no diskuti ituan kona-ba ita nia preparasaun nian atu tama iha ASEAN ne’e oinsa, iha momentu ne’e ita hakarak atu dehan ba sira buat hotu-hotu ne’ebe mak ita iha kapasidade ne’ebe mak iha” , hateten Direktor Jeral Asuntu ASEAN, Jorge Trindade Neves de Camões ba Jornalista sira, Tersa (03/09/2019) iha Hotel Timor Plaza.

Diretor nee dehan “Atu asegura ita nia intregasaun ba ASEAN ita reafirma nafatin komitmentu no terminasaun atu hola parte iha ASEAN, Timor Leste bele tama no kontribui sei lá lori naha todan ba sira mais ita prontu hamutuk ho sira lori naha komunidade ASEAN ba oin,”

Jorge Trindade Neves de Camões aprofunda liutan kona-ba asuntu Defeza no Seguransa nian delegasaun permanente ASEAN sei koalia ho tekniku Defeza no Seguransa hodi koalia no esplora ekipamentus ne’ebe mak iha ona, seidauk iha no bele mos hamutuk ho sira eleva kapasidade defeza no seguransa nian.

Lee hotu :   Governu halo proposta ba PN tanba kaixa tezouru tun ba millaun USD 18

Tuir ajenda ne’ebe iha, Lider reprezentativu Komisaun Permanente ba ASEAN, sei estadia iha Timor Leste, iha loron Kuarta (04/09/2019), sei enkontru ho Ministru Negósiu Estranjeiru no Kooperasaun Dionísio Babo.

Sesaun loraik, sei enkontru ho Ministru Estadu Prezidénsia Konsellu Ministrus, Hermenegildo Pereira, Ministru Reforma Lejislativa Asuntus Parlamentares Fidelis Magalhães.

No loron datoluk, Kinta (05/09/2019), sei enkontru ho Lauriadu Nobel da Paz, José Ramos Horta, nomos Eis Primeiru Ministru Rui Maria de Araújo, Banku Mundial, Banku Dezenvolvimentu Aziátiku (ADB) no UNDP.

Alénde ne’e, delegasaun reprezentativu komisaun permanente ASEAN , sei hala’o enkontru ho Prezidenti Parlamentu Nasionál Arão Noe de Jesus Amarál no Ministru Defeza no Interior Interino Filomeno Paixão.

Loron dahát sei enkontru ho Prezidenti Repúblika Francisco Guterres Lú Olo no Primeiru Ministru Taur Matan Ruak.

Enkontru mós ho Diretor Jerál MNEK tékniku ba ASEAN  inklui Diretor Jerál no Tékniku Ministériu Justisa, nomos Diretur Jerál Ministériu Defeza ho ekipa tékniku.

Nasaun Sanulu ne’ebe sai membru permanente hamutuk nasaun sanulu kompostu husi Filipina, Indonesia, Malaysia, Singapura, Tailandia, Vietnam, Kambodia, Brunei Darusalam, Laos no Myanmar. Eus

Add to Comments Here!!!!

error: Content is protected.
Secured By miniOrange
You might also like:
SNJ FRETILIN hala’o kompetisaun debate públiku entre universitáriu

Atu rona joventude sira nia opiniaun,...

ANC Sei Kontola cyber security

Prezidente Konsellu Administrasaun Autoridade Nasionál Comunicações...

MP preokupa TDD absolve kazu oho Vera iha Kristu Rei

Prokuradór Jerál Repúblika, José da Costa...

Close