JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KHUNTO husu CNRT-PLP troka membru governu pendente CNRT konsidera vingansa polítika mai husi FRETILIN

KHUNTO husu CNRT-PLP troka membru governu pendente CNRT  konsidera vingansa polítika mai husi FRETILIN

Bankada Kmanek Haburas Unidade Nasional Timor-Oan (KHUNTO) iha uma fukun Parlamentu Nasional (PN), sujere ba líder partidu polítiku rua (2), hanesan Prezidenti partidu Partido Libertação Popular (PLP) no Congresso Nacional de Reconstrução de Timor (CNRT), atu halo mudansa ba membru VIII Governu Konstitusional ne’ebé to’o oras ne’e seidauk simu pose husi Prezidenti Repúblika (PR), Francisco Guterres “Lú Olo”.

“Husu ba lideransa partidu PLP no CNRT atu troka ema na’in 9 ne’ebé  to’o oras ne’e seidauk simu pose hela deit, tanba fó impaktu ba ezekusaun orsamentu, husi ami partidu KHUNTO prepara ona ema na’in 2 atu troka KHUNTO nia ema na’in 2 ne’ebé naran tama hotu ona iha lista, tanba ne’e, ita troka to’ok sira na’in 9 ne’e, PR atu fó pose ka la’e, karik nia la fó pose nafatin maka PN sei la autoriza nia viajen to’o PR nia mandatu tinan 5 ne’e remata”, deputada KHUNTO, Olinda Guterres liu husi sesaun plenaria iha PN, Tersa (24-09-2019).

Nia afirma, sé depois de troka fali membru governu ne’ebé pendente, PR Lú Olo kontinua la fó pose, sei halo deputadu sira iha PN haree malu matan la moos.

“Tanba ne’e husu ba lideransa sira atu troka to’ok membru sira ne’e, atu nune’e PR mós bele fó pose, tanba ne’e partidu KHUNTO sei prepara nia ema na’in 2 hodi troka kandidatura tuan ne’ebé  seidauk simu pose”, tenik Olinda.

Husi sorin seluk, deputada bankada FRETILIN, Helena Martins afirma katak, membru governu na’in 9 ne’ebé to’o oras ne’e seidauk simu pose, ne’e la’os sala PR ninia’n, maibé koligasaun Aliansa Mudansa ba Progresu (AMP) mak laiha kapasidade atu troka ninia membru na’in 9 ne’e.

Lee hotu :   Evita krime partisipasaun ekonómika no negósiu, PJR sei fiskaliza ba ministériu sira

“Membru governu  na’in 9 ne’ebé seidauk simu pose, ne’e la’os PR mak sala, maibé AMP laiha kapasidade atu ukun, hodi troka ninia membru sira, ita haree besik tinan 2 ona, governu ida ne’e, sei la’o nafatin ho membru governu la kompletu no Xefi Estadu la fó pose, AMP rasik la hanoin atu troka lista kandidatu membru governu ne’e”, tenik Helena.

Hatán ba preokupasaun ne’e Vise Xefi bankada CNRT, Patrocinio Fernandes hateten, krítika no sujestaun sira ne’e di’ak hotu, maibé AMP sei la halo mudansa ba membru governu ne’ebé mak PR seidauk fó pose.

“Krítika no sujestaun sira ne’e di’ak hotu, maibé fora de área kobertura, tanba AMP sei la halo mudansa ba lista membru VIII governu ne’ebé mak Xefi Estadu kontinua pendente, hodi la fó pose ba sira na’in 9 refere, ha’u  hanoin AMP mantein ninia pozisaun hodi la troka ema sira ne’e, tanba Xefi Estadu la fó justifikasaun, sé Xefi Estadu hala’o ninia kna’ar la fó, PN mós hala’o nia kna’ar kansela viajen PR ba estranjeiru, nune’e laiha ódiu no vingansa ba malu”, hateten Vise Xefi bankada CNRT ne’e.

Tuir deputadu bankada CNRT, Gabriel Soares konsidera, hun husi PR la fó pose ba membru governu hirak ne’ebé governu submete ba, mai husi partidu FRETILIN no PR Lú Olo, tanba tenta husik tiha membru governu indizitadu ne’e, laiha solusaun no laiha serteza to’o agora.

“Vingansa polítika nia hun no abut mak mai husi partidu FRETILIN no PR Lú Olo, tanba tenta husik lista membru VIII governu indizitadu laiha solusaun no laiha serteza to’o agora no PR kontinua  rejeita atu fó pose ba membru VIII Governu ne’e hatudu lakohi kumpri Konstituisaun RDTL no hakarak husik Governo la kompletu, ami konsiente no la’os novidade foun ho aktu Xefi Estadu ni’an, tanba besik tinan 2  ikus ne’e, bainhira maluk opozisaun vota kontra projetu lei ruma, desizaun ikus Xefi Estadu sei a favor ba maluk opozisaun sira, sei veta, maski aprova ho maioria votus a favor iha plenaria”, afirma Gabriel.

Lee hotu :   TL selebra loron internasionál Ar Moos ba dahuluk

Lista membru VIII governu ne’ebé seidauk simu pose husi PR Lú Olo mak hanesan Virgilho Smith, Helder Lopes, Jacinto Rigoberto, Sergio Lobo, José Turquel, Amandio Benevides, inklui hirak ne’ebé rezigna-an ona mak hanesan, Kay Rala Xanana Gusmão, Francisco Kalbuadi Lay no António Verdial. ety

Add to Comments Here!!!!

error: Content is protected.
Secured By miniOrange
You might also like:
Kontinua akontese aktu kriminal, PN konsidera impaktu husi laiha servisu

Reprezentante povu iha uma fukun Parlamentu...

Disputa rai iha Kaitehu, Advogadu ME aseita MJ bongkar mafia

Advogadu Privadu husi Marino Enterprise (ME),...

PM Taur hato’o sentidu kondelénsia ba família kongregasaun Saleziana

Primeiru Ministru Taur Matan Ruak, hato’o ...

Close