JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Membru governu kontinua inkompletu, PD ameasa la fó votu a favor ba OJE 2020

Membru governu kontinua inkompletu, PD ameasa la fó votu a favor ba OJE 2020

Prezidenti bankada Partidu Demokrátiku (PD), Antonio da Conceição “Kalohan” hateten, wainhira membru VIII governu kontitusional kontinua inkompletu, iha debate Orsamentu Jeral Estadu (OJE) tinan 2020, PD sei la fó votus a favor.

“Sé sira hakarak aproveita oportunidade, ha’u aviza, ha’u sei la fó votus a favor ba OJE 2020, tanba realidade setor ne’ebé importante hanesan Ministériu Turizmu laiha Ministru, ita ko’alia labele depende ba fundu mina-rai hodi bele diversifika liu husi área turizmu, realidade hatudu to’o agora Ministru  Turizmu seidauk iha nafatin, maski OJE tinan 2018 ho 2019 liu ona, Ministru laiha nafatin, tanba Ministru iha labele superman iha rai ida ne’e kaer buat hotu, maski Ministru balun iha kapasidade maibe iha limitasaun, Tanba ne’e PD hakarak aviza iha debate OJE 2020 sira labele sura ona PD nia votus, sé hakarak sura PD nia votus tenki aprova, tanba ba ami  sira iha kapasidade atu kompleta sira nia kandaditu membru VIII governu durante iha fulan 4 nia laran ka la’e, sé liu ida ne’e, labele sura ona PD nia votus”, apelu Kalohan ba VIII governu, iha PN, Kuarta (04-09-2019).

Nia esplika, razaun PD la fó votus a favor ba OJE tinan 2020 la’os dehan la a favor ba povu, maibé la a favor ba la hatene ukun no deputadu bankada governu hakarak aproveita deit oportunidade.

“Realidada PD la haree mudansa, sira mós laiha kapasidade, maski maioria, maibé iha surat tahan deit, hanoin ho halo ni’an maioria hi’it kartaun la vale buat ida, maibé presiza hatudu kapasidade servisu. Iha debate OJE 2018 ho 2019, maski PD hanesan bankada opozisaun, maibé PD   fó nia votus a favor ba OJE rua ne’e, tanba interese nasional no hodi tulun sira atu sira rasik tulun sira nia-an, atu nune’e bele rezolve membru governu inkompletu. Ami fó ami nia votus ho intensaun sira bele hadi’a sira nia-an, maski fó tiha ba mós sira hakdasak nafatin. Ita atu tama ona ba tinan 2020, ha’u deskonfia sira hanesan aproveita deit ami hodi memperpanjang sira nia keberadaan ne’ebé hakdasak, ne’e labele”, afirma Xefi bankada PD ne’e.

Lee hotu :   Advogadu sira lori hikas petisaun CNRT ba TR

Hatán ba kestaun ne’e, Segundu Vise Prezidenti PN, Luis Roberto hateten, iha PN, bankada parlamentar ida-idak iha direitu atu fó votus a favor no la’e, ne’e sei la fó impaktu.

“Iha bankada parlamentares ida ne’e direitu ida idak nian tanba OJE 2020 governu bazeia ba lei, ita halo diskusaun, ida ne’e direitu sira ni’an, la fó impaktu ba buat ida, kuandu ita kompara ema alezadu, buat hotu bele falla maibé fila ba governu nia exekusaun OJE, mós bele iha impaktu ba OJE no dezemvolvimentu nasional”, dehan Luis.

Entretantu PN kontinua exiji ba Primeiru Ministru, Taur Matan Ruak ho Prezidenti Repúblika, Francisco Guterres “Lú Olo” oinsa bele foti desizaun hodi kompleta membru VIII governu ne’ebé seidauk kompletu, atu nune’e governu bele exekuta OJE ho di’ak. ety

Add to Comments Here!!!!

error: Content is protected.
Secured By miniOrange
You might also like:
Delegasaun Reprezentativu Komisaun Permanente ASEAN avalia progresu TL

Delegasaun Reprezentativu Komisaun Permanente Asosiasaun Nasaun...

SNJ FRETILIN hala’o kompetisaun debate públiku entre universitáriu

Atu rona joventude sira nia opiniaun,...

ANC Sei Kontola cyber security

Prezidente Konsellu Administrasaun Autoridade Nasionál Comunicações...

Close