JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PD labele ameasa governu AMP

PD labele ameasa governu AMP

Eis Prezidenti Repúblika José Ramos Horta hateten  Partidu Demokrátiku (PD), tenke halo diálogu, labele ameasa oitavu Governu sei la fo votus a favor ba Orsamentu Jeral Estadu (OJE) 2020.   

Partidu Demokrátiku ameasa la fó votus a favor ba OJE tinan 2020, wainhira Oitavu Governu konstitusionál la kompleta ninia estrutura governu.

Relasiona ho kestaun, Eis Prezidenti Repúblika José Ramos Horta hateten partidu demokrátiku apoia ka la apoia tenke halo diálogu ho AMP hodi oinsa hadia governasaun.

“Sé mak manan koligasaun mak manan sira mak halo re-struturasaun ne’e la’os kondisaun atu apoia ka lá apoia,”

Dehan, Lauriadu Nobel da Paz no Eis Prezidenti Repúblika José Ramos Horta ba Joranlsita sira, Kinta (05/09/2019), hafoin enkontru ho delegasaun komisaun permanente avaliasaun ASEAN, iha Timor Plaza -Comoro, Díli.

Ramos Horta aprofunda liutan hodi deklara tuir lolos partidu PD labele hatete katak sira la apoio bainhira es-trutura governu la kompletu.

“PD labele hateten fali ami sei la apoiu sé lahalo re-struturasaun governu, sei hatete karik se ami apoia sé imi hadia programa ne’e didiak ezekusaun orsamentu didiak, labele hateten fali re-struturasaun governu,” dehan, Ramos Horta.

Nune’e, Horta husu Partidu PD atu buka oinsa bele halo dialogu ho AMP no Maun Xanana, Primeiru Ministru Taur Matan Ruak no Prezidenti KHUNTO Naimori atu hadia governasaun.

Lauriadu Nobel da Paz dehan Partidu Demokrátiku nu’udar partidu jerasaun foun tenke aguenta ba futuru, maibé labele dekalara la apoiu fó votus, tanba tenke re-estrutura Oitavu Governu. Eus

Comite Memória do Mundo sei lori arkivu históriku TL ba rejistu iha UNESCO

 Comite memória do mundu sei lori arkivu históriku Timor-Leste  ba rejistu iha United Nations Educational Scientific and Cultural Organization UNESCO, hodi sai patrimónia dokumentál Internasionál.

Lee hotu :   Governu aprova USD 200 apoia ba Xefe Suku sira

Servisu husi Comite Memória do Mundo ne’e esplika atu haree fila-fali dokumentu hanesan ,aúdio,video ne’ebé mak nasaun iha depois sei hetan aprovasaun husi nivél nasionál no organizasaun ida ne’e sei lori arkivu sira ne’e ba rejistu United Nations Educational Scientific and Cultural Organization (UNESCO),hodi sai mós patrimónia dokumentál internasionál.

Sekretária Ezekutiva Interina Komisaun Timor-Leste ba UNESCO, Cedelizia Faria dos Santos, hatete, arkivu históriku Timor-Leste ne’e ,Servisu husi Comite memória do mundo sei haree fila-fali dokumentu hanesan aúdio no video ne’ebé nasaun ne’e iha.

Tuir comite katak antes lori arkivu históriku ne’e ba rejistu iha United Nations Educational Scientific and Cultural Organization UNESCO, tenki hetan mós aprovasaun husi nivél nasionál.

“Ami nia hasoru malu ho Primeiru Ministru Taur Matan Ruak,introdúz konaba ami nia  Comite memória do mundu ne’ebé estabelese iha tinan 2016 ,ita hatene Governu ne’e foun ,entaun ami sente katak,ami iha papél no devér mai fó introdusaun organizasaun ida ne’e ba Primeiru Ministru”, dehan Sekretária Ezekutiva Interina Komisaun Timor-Leste ba UNESCO Cedelizia Faria dos Santos,ba Jornalista sira,hafoin hasoru malu ho Primeiru Ministru Taur Matan Ruak,iha Palasiu Governu Díli.

Comite memória do mundo ne’e kompostu husi Sekretariu Estadu Arte no Kultura, Komisaun Nasionál Timor-Leste ba UNESCO,sentru nasionál CHEGA ,Arquivo Nasionál Muzeu Resisténcia,Timor AID,no mós Dioceze Díli.

Cedelia, fó ezemplu arquivu nasionál sei lori arkivu históriku muzeu resisténsia mós iha dokumentu rasik ,CHEGA mós iha dokumentu audio,video no kasete sira kada instituisaun iha nia objetu katak,atu ba rejistu.

Planu nee apoia mos Primeiru Ministru Taur Matan Ruak,tanba nee Xefe Governu nee husu tenki halo planu ida ne’ebé diak liu ho integradu ,nune’e minimiza servisu doubru husi kada instituisaun ida ho instituisaun seluk.Tos

Lee hotu :   MAKLN sei hari’i uma 60 ba kombatente sira

Lucas da Costa ‘ Rama Metan’ mate

Ramos Horta : Timor – Leste lakon intelektual diak ida

Eis Prezidenti Repúblika José Ramos Horta hakfodak rona  Reitor Universidade da Paz (UNPAZ) Lucas da Costa alias rama metan nia mate.

Ramos Horta konsidera Timor Leste (TL), lakon intelektual di’ak ida iha área Edukasaun nian.

Laurido Nobel da Paz, José Ramos Horta hato’o lia hirak ne’e ba Jornalista sira iha Timor Plaza, Kinta (05/09/2019) hafoin remata enkontru ho delegasaun komisaun permanente ASEAN.

Ho matan bén nakonu, Ramos Horta hato’o sentidu kondolensia profunda ba família matebian.

 “Nia iss…kotu kuitadu ita lakon ema intelektual boot ida fundador UNPAZ, partisipa tempu luta, kondelensia ba familia tomak, familia UNPAZ ba fakulidade sira, estudante sira, ita lakon intelektual boot ida,” hatete José Ramos Horta.

Lider historiku nee dehan “Horseik (horbainrua,red) ha’u ba hospital hodi kalan (horseik,red) ha’u latama nia fatin, tanba ha’u ho gripi hela ha’u haree, ha’u moras dadauk ha’u tama nia moras át liutan, haree liu deit husi liur,” dehan Ramos Horta.

Diplomata senior ne’e mós konsidera Timor Leste lakon tan inetelektual di’ak ida ne’ebé dedika nia-an tomak ba iha área edukasaun.

Reitor UNPAZ Lucas da Costa alias Rama Metan hakotu iis iha Hospital Nasional Guido Valadares (HNGV) iha Kinta(05/09/2019) mais ou menus tuku 08:30 Otl dader, tanba moras komplikadu. Eus

Add to Comments Here!!!!

error: Content is protected.
Secured By miniOrange
You might also like:
PM Taur Matan Ruak: La fásil rezolve problema dezempregu

Primeiru Ministru (PM), Taur Matan Ruak,...

Lucas Rama Metan mate sofre moras Kankru “Timor- Leste lakon intelektual diak ida”

Reitor Universidade da Paz (UNPAZ), Lucas...

PR Lú Olo dezafia Grupo Independente rekolha dadus veteranus falsu

Prezidente Repúblika (PR), Francisco Guterres ‘Lú...

Close