PM Austrália Scott John Morisson Agradese xefe negosiadór ba asuntu Fronteira Marítima Kay Rala Xanana Gusmão

Primeiru Ministru Austrália Scott John Morisson, agradese xefe negosiadór ba asuntu Fronteira Marítima  Kay Rala Xanana Gusmão, ,tamba servisu maka’as ba Negosiasaun Fronteira Marítima  entre Timor-Leste no Austrália.

Primeiru Ministru Austrália Scott John Morisson, hatete,Austrália no Timor-Leste, sai hanesan ezemplu ba mundu ,tamba bele resolve disputa fronteira Tasi ho relasaun amizade no parseiru diak hodi resolve bazeia ba United Nations Convention on the law of sea  (UNCLOS),ho nune’e Primeiru Ministru Austrália ne’e kompromete,sei kontinua apoiu Timor-Leste.

Scott John Morisson hato’o nia agradesimentu ne’e ,iha nia diskursu ,hafoin troka nota diplomátika ne’ebé estabelese respetiva Fronteira Marítima iha Tasi Timór.

 “Hau partikularmente agradese Xanana Gusmão ,tamba nia servisu durante prosesu negosiasaun”.Ami kontinua servisu hamutuk ho imi iha área hotu hodi hametin seguransa no estabilidade” Primeiru Ministru Austrália Scott John Morisson,hatete iha nia diskursu ,hafoin  troka ona nota diplomátika ne’ebé estabelese respetiva fronteira marítima iha Tasi Timór ,iha Palasiu Governu.

Entertantu Governu Timor-Leste ho Governu Austrália,troka nota diplomátika konaba Ratifikasaun Tratadu Fronteira Marítima  iha tasi Timór,liu husi Primeiru Ministru Taur Matan Ruak, ho Primeiru Ministru Austrália Scott John Morisson ,ne’ebé akompaña husi Ministru Negosiu Estranjeiru Dionísio Babo Soares ,no Ministra Negosiu Estranjeiru Austrália Marise Payne iha Sesta, loron 30,fulan Agusto ne’e.

Antes ne’e, tratadu ba Ratifikasaun Fronteira Marítima asina iha Nova Yorke ,iha loron 6,fulan Marsu,tinan 2018.

Sasin ba asinatura Fronteira Marítima ne’e husi Sekretariu Jerál Organizasaun Nasaun Unidas (ONU) António Guterres  no prezidente komisaun konsiliasaun obrigatóriu Peter Taksoe Jensen, ne’ebé asina direita husi Ministra Negósiu Estranjeiru Austrália  Julie Bishop, no Reprezentante Timor-Leste reprezenta husi Ministru Estadu ba asuntu Fronteira Marítima Agio Pereira.

Tratadu Fronteira Marítima ne’e ratifika ona husi Parlamentu Nasional Timor-Leste no Austrália.tos