JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur: Membru governu pendente la’os obstákulu ba dezenvolvimentu TL

PM Taur: Membru governu pendente la’os obstákulu ba dezenvolvimentu TL

Primeiru Ministru (PM), Taur Matan Ruak, hateten, membru governu pendente nain sia ne’ebé seidauk toma pose husi Prezidente Repúblika, Francisco Guterres Lú Olo, sei la sai obstákulu ba governu daualu hodi dezenvolve Timor-Leste (TL) ba oin.

Taur Matan Ruak hato’o asuntu ne’e hafoin hala’o enkontru semanal ho Prezidente Repúblika,  Francisco Guterres Lú Olo iha Palásiu Prezidensiál Nicolau Lobato Bairo Pite, Kinta (26/08/2019).

Xefe Governu nu’udar mos eis gerileiru ne’e husu ba povu tomak lalika preokupa ho membru Governu ne’ebé la kompletu.

“Primeiru hateten ba sira (povu) katak solusaun hotu-hotu posivel, ita hein tempu, naturalmente ha’u hanesan primeiru Minstru, ha’u preokupa. Ne’e hanesan ita bo’ot ba joga bola, ita boot nia team (ekipa) la kompletu ne’e ita susar, e agora husu ba sira (povu) para pasiensia, ha’u mos bele pasiensia tanba saida mak sira nervozu uluk iha liur ne’eba. Klaru que preokupasaun ida ne’e  ha’u sempre levanta ba sua eselensia prezidente para haree saida mak ita tenke halo tan,  husi ha’u nia parte ha’u halo esforsu hotu ona. Laos tanba ida ne’e mak sira labele konfia ami, maibe konfia nafatin buat ne’ebé ami bele halo para halo ita-nia nasaun la’o ba oin ne’e, ami sei halo, la’os tanba (membru) governu na’in sia seidauk toma pose ne’e mak ami atu toba tiha, lae! ami la toba, tutur, hulan, dada, dudu, ba nafatin e ha’u fiar katak imi hotu apoia,” hateten PM Taur Matan Ruak.

Antes ne’e bankada KHUNTO iha Parlamentu Nasionál husu ba nia aliadu AMP, partidu PLP no CNRT atu subtitui ona membru governu ne’ebé pendente.

Lee hotu :   POSE BA MEMBRU VIII GOVERNU, PR HUSU GOVERNU-OPOZISAUN TENGKI RELASAUN DIAK

Lista membru governu ne’ebé sei pendente mak hanesan,  Virgílio Smith, Helder Lopes,  Jacinto Rigoberto,  Sergio Lobo, José Turquel, Amandio Benevides,  inklui Kay Rala Xanana Gusmão, Francisco Kalbuadi Lay no António Verdial ne’ebé rezigna a’an ona husi lista refere. Ito

Add to Comments Here!!!!

error: Content is protected.
Secured By miniOrange
You might also like:
Dia 26/09/2019 || GMNTV LIVE STREAM || JORNAL NASIONAL KALAN

Dia 26/09/2019 || GMNTV LIVE STREAM || JORNAL AS 12

Dia 26/09/2019 || GMNTV LIVE STREAM || GRANDE ENTREVISTA

Close