JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN adia diskusaun ajenda dezlokasaun PR ba Nova Iorque

PN adia diskusaun ajenda dezlokasaun PR ba Nova Iorque

Prezidente Parlamentu Nasional (PPN), Arão Noe Amaral, deklara adia diskusaun ba ajenda dezlokasaun Prezidente Repúblika (PR), Francisco Guterres Lú Olo nian ba Nova Iorque, hodi tuir asembleia jerál ONU, tanba deputadu komisaun permanente la priense kuorum hodi realiza plenária.

“Komisaun permanente nia funsaun ne’e atu funsiona de’it hodi hein karakter urjensia ruma ne’ebé akontese, karik mosu presiza deliberasaun ruma urjente, ida ne’e mak bele halo asaun, no depois kuandu parlamentu funsiona normal fali mak sei halo relatóriu ba plenária maibé, tanba durante sesaun fulan ida ne’e, laiha asuntu urjensia ida, iha de’it ida mak pedidu deslokasaun ho sentimentu ba Prezidente Republika nian, atu ba partisipa iha asembleia jerál ONU nian, ne’e mak ajenda ba ohin maibé, tanba laiha korum, entaun ajenda ne’e ami ajenda fali ba plenária semana oin. Pedidu ne’e haruka mai iha semana kotuk, tanba ne’e mak sei hein plenária para delibera maibé, tanba ohin laiha korum, ajenda fali plenária tuir mai ba semana oin, tanba ne’e mak adia ba dia 16, PN bele halo ona deliberasaun”,informa Arão Noe Amaral ba jornalista iha PN, Kurta (11/09/2019).

Arão Noe haktuir, tuir kompozisaun komisaun permanente nian ne’ebé iha, korum presiza deputadu 16 hodi realiza plenária maibé, iha Kuarta ne’e, lakonsege realiza, tanba iha de’it deputadu na’in 8.

“Tuir reuniaun komisaun permanente nian, ohin iha kada Kuarta-feira iha plenária, tanba ne’e mak ohin atu iha plenária maibé, lakonsege, tanba korum la to’o. Kompozisaun komisaun permanente nian ne’e iha deputadu 30 liu, korum presiza deputadu 16 maibé, ohin iha deputadu nain 8 mak prezente, tanba ne’e mak labele realiza sesaun plenária ohin nian,  tanba ne’e ajenda ohin nian ami sei lori ba reuniaun lider bankada sira, para bele halo fali ajenda ba plenária semana oin, parlamentu normal, iha loron 16 fulan Setembru, funsionamentu normal Parlamentu nian”, afirma PPN ne’e.

Lee hotu :   Governu aprova dekretu lei Rejime Atribuisaun Bolsa Estudu ba oan husi MKLN

Iha sorin seluk, deputadu bankada FRETILIN, Antonino Bianco konsidera, durante komisaun permanente iha plenária dala rua mak lakonsege  realiza, tanba deputadu husi bankada AMP nia maioria  la marka prezensa hodi la priense korum.

“FRETILIN ohin ba hotu iha plenária, hodi ema sira husi bankada governu la mai, CNRT la mai tomak, PLP la mai tomak, KHUNTO nian nain ida, PD nian ida, no ami husi FRETILIN mak barak,  Prezidente PN ohin mai maibé, nia Vise ho Sekretária meja la mai hotu, hanoin sira mak hatene malu maibé, ami husi FRETILIN plenária ami sempre mai”, dehan deputadu opozisaun ne’e.

Entertantu, pedidu deslokasaun husi Xefe Estadu ne’e, Parlamentu Nasionál simu iha semana kotuk, no sei desloka ba Nova Iorque iha loron 18 fulan Setembru ne’e.say

Add to Comments Here!!!!

error: Content is protected.
Secured By miniOrange
You might also like:
KM aprova proposta rezolusaun governu sosa kilat ba PCIC

Reuniaun Konsellu Ministru  (KM), Kuarta (11/09),...

Disputa rai iha Tibar entre kompañia, PTR: Senti prejudikadu Estadu bele hatama prosesu ba Tribunal

Prezidenti Tribunal Rekursu (PTR), Deolindo dos...

FAMÍLIA AGRADESE ESTADU REKOÑESE KONTRIBUISAUN ‘RAMA METAN’ BA LIBERTASAUN PÁTRIA

Família agradese ba estadu Timor-Leste (TL)...

Close