JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN simu ona desizaun vetu ba LAP-LFP, Presiza de’it maioria kualifikada atu halo konfirmasaun votus

PN simu ona desizaun vetu ba LAP-LFP, Presiza de’it maioria kualifikada atu halo konfirmasaun votus

Prezidente Parlamentu Nasionál (PPN), Arão Noe de Jesus da Costa Amaral informa, Parlamentu Nasionál (PN), simu ona desizaun ba alterasaun Lei Atividade Petrolífera (LAP), ho Lei Fundu Petrolíferu (LFP), ne’ebé Prezidente Repúblika (PR) veta, hafoin Tribunal Rekursu (TR) halo fiskalizalizasaun no deklara inkonstitusional.

“PN simu ona lei rua ne’ebé Parlamentu aprova no haruka ba Prezidente Repúblika, ne’ebé ho desizaun Tribunal nian, Prezidente veta atu husu konsiderasaun husi Parlamentu nasionál, maibé ami PN iha hela resesu, tanba tuir konstituisaun mós se veta, PN nia tempu atu halo re-apresiasaun ne’e loron 90 mandatu konstitusional, tanba ne’e ami hein, depois mak bankada sira sei halo re-apresiasaun, no haree desizaun saída mak atu obta”, informa Arão Noe Amaral ba jornalista iha PN, Segunda (02/09/2019) ne’e.

Maske nune’e, Arão Noe afirma, Parlamentu Nasionál sei iha dalan atu halo alterasaun ou konfirmasaun bazeia ba mandatu ne’ebé konstituisaun RDTL haruka, ho maioria kualifikada deputadu de’it, tanba  lei rua ne’e la parte husi artigu 95 K-RDTL nian.

Maibé PPN ne’e esklarese, PN presiza rona opiniaun husi parte governu ne’ebé nu’udar mós autor ba lei rua refere.

“Tuir artigu 149 K-RDTL nian, númeru 4 hateten, PN bele halo reapresiasaun ka konfirmasaun votus, artigu ne’e fó dalan, depois bele mós parlamentu konsidera no halo alterasaun ba rekomendasaun ruma ne’ebé mak tribunal foti, ba pareser tribunal rekursu nian, depois bele haruka fila-fali hanesan lei foun. Haree fali ba asuntu seluk, bele liu husi dalan seluk, liu-liu lei númeru 1/2019 primeira alterasaun ba LAP, sei iha kabementu legal para, liu husi ne’ebá bele finansia ona, bele iha opsaun sira ne’e, agora kabe ba desizaun PN nian, no sei rona mós husi parte governu nian, tanba alterasaun sira ne’e mai husi governu, hanesan proponente, autor ba lei, tanba ne’e mak ami sei rona husi parte sira ne’e, depois PN sei foti desizaun tuir opsaun ne’ebé sei foti”, katak Arão Noe.

Lee hotu :   Xanana Gusmão-Retno Marsudi rezolve disputa fronteira TL- RI

Nia hatuir, PN sei rona mós opiniaun husi governu, liu husi ministériu ne’ebé relevante ne’e, atu bele fó oponiaun kona-bá saída mak atu bele halo, iha tempu ba oin ne’e, relasuan ho lei rua ne’ebé PR veta ne’e.

“Tuir lei rua ne’ebé hotu presiza de’it maioria kualifikadu, la presiza dois tersus, tanba matéria ba lei rua ne’e latama iha artigu 95 nú 2, ne’eduni laiha problema ida, liu husi deputadu 33 ne’e bele halo konfirmasaun votus ona”, tenik Arão Noe.

Iha artigu 88 konstituisaun RDTL, alínea 2 hateten, Parlamentu Nasionál iha prazu loron sia nulu nia laran atu konfirma, karik votu tuir maioria absoluta deputadu sira-nian ne’ebé serbisu hela, Prezidente-Repúblika sei promulga diploma ida-ne’e, iha prazu loron 8 nia laran, hahú husi loron ne’ebé nia simu.

Iha alínea 3 mós sei presiza maioria baluk-tolu rua (2/3) deputadu ne’ebé prezente, no tenki liu maioria absoluta deputadu sira-ne’ebé serbisu hela, atu konfirma diploma sira-ne’ebé iha matéria artigu 95 nian.

Lei atividade Petrolífera ho Lei Fundu Petrolíferu ne’e, Xefe Estadu, Francisco Guterres Lú Olo veta iha loron 29 fulan Agostu tinan ne’e, hafoin Tribunal Rekursu deklara inkonstitusional ba lei rua ne’ebé antes ne’e, PR rasik husu halo fiskalizasaun.say

Add to Comments Here!!!!

error: Content is protected.
Secured By miniOrange
You might also like:
Dia 02/09/2019 || GMNTV LIVE STREAM || JORNAL NASIONAL KALAN

Constâncio Pinto: KO la tau atensaun ba autor ne’ebé luta ba Independensia

Prezidente Komite Orientador 25, Constâncio Pinto...

Dia 02/09/2019 || GMNTV LIVE STREAM || JORNAL AS 12

Close