JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Polémika membru governu inkompletu, CNRT: PR mak bele responde SekJer FRETILIN nia deklarasaun

Polémika membru governu inkompletu, CNRT: PR mak bele responde SekJer FRETILIN nia deklarasaun

Vise Xefi bankada Congresso Nacional de Reconstrução de Timor (CNRT), Patrocinio Fernades hateten, kona-bá deklarasaun Sekretáriu Jeral (SekJer) Frente Revolucionario do Timor-Leste Independente (FRETILIN), Mari  Alkatiri ne’ebé dehan “ha’u mak Prezidenti Repúblika (PR) fó pose ona ba membru governu na’in sia (9) ne’ebé sei pendente hela ne’e, Xefi Estadu mak bele responde.

Tuir Vise Xefi bankada CNRT, loloos ne’e PR Francisco Guterres “Lú Olo” mak bele fó resposta ba deklarasaun SekJer partidu FRETILIN nini’an ne’e, tanba deklarasaun ne’e diriji ba Xefi Estadu.

“Ha’u hanoin iha polítika ema ko’alia buat hotu deklarasaun nia diriji ba PR, tanba ne’e, ha’u hanoin Xefi Estadu mak bele fó resposta ba deklarasaun ida ne’e, partidu Congresso Nacional de Reconstrução de Timor (CNRT) nia pozisaun mak nafatin no espetativa no hanoin katak,  Xefe Estadu bele tulun governu funsiona ho di’ak”, Deputadu Patrocinio ba GMN iha Parlamentu Nasionál ,  Kuarta (25-09-2019).

Patrocinio espera katak, tuir loloos Xefi Estadu tulun ona governu ou kompleta no fó pose ona membru VIII Governu Konstitusional, atu nune’e governu bele hala’o ninia polítika no programa tinan lima nini’an.

“Xefi Estadu tenki tulun governu liu husi kompleta membru governu, hodi fó pose ba membru governu ne’ebé seidauk simu pose, nune’e governu bele hala’o ninia polítika ba programa tinan 5 no bele responde preokupasaun PR ko’alia kona-bá governu tenki tau matan ba dezempregu no dezemvolvimentu, tanba Xefi Estadu nia papel mak fó pose ba membru governu hodi bele hala’o polítika bainhira PR preokupa, bainhira númeru dezempregu sa’e no dezenvolvimentu la la’o, sé PR la fó pose polítika governasaun ni’an ne’e oinsa mak bele responde ba situasaun hirak ne’e”, afirma deputadu CNRT ne’e.

Lee hotu :   Kampaña FRETILIN iha Aileu, Alkatiri konsidera EA hanesan referendum 2

Entretantu SekJer FRETILIN, Mari Alkatiri hasa’i deklrasaun ne’e bainhira partisipa iha programa Grande Entrevista, iha edifísiu GMN, iha Tersa, loron 23, fulan ne’e. ety

Add to Comments Here!!!!

error: Content is protected.
Secured By miniOrange
You might also like:
Arão Noe: Pedidu viajen Prezidente Repúblika kabe ba desizaun plenária

Prezidente Parlamentu Nasionál (PN), Arão Noe...

Dia 24/09/2019 || GMNTV LIVE STREAM || JORNAL NASIONAL KALAN

Dia 24/09/2019 || GMNTV LIVE STREAM || JORNAL AS 12

Close