JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ramos Horta: PN labele obstakuliza asaun diplomátika PR nian ba rai-liur

Ramos Horta: PN labele obstakuliza asaun diplomátika PR nian ba rai-liur

Eis Prezidente Repúblika (PR), José Ramos Horta, hateten, Parlamentu Nasionál (PN) labele obstakuliza asaun diplomátika PR Lú Olo nian ba rai-liur, tanba hatún kredibilidade Estadu Timor-Leste nian iha mundu Internasionál.

José Ramos Horta informa kestaun ne’e ba jornalista sira hafoin hasoru malu ho PR Lú Olo iha Palásiu Prezidensiál Bairo Pite, Díli, Segunda (23/09/2019).

Líder nasionál no premiadu nobel da paz, Ramos Horta husu ba Parlamentu Nasionál (PN) atu labele vota kontra viajen Xefe Estadu Timor-Leste ba rai-liur hodi obstakuliza asaun diplomátika tanba hatun kredibilidade  Esatdu Timor-Leste nian iha mundu Internasionál.

“Ha’u hanoin iha tinan ida ne’e iha diplomasia la iha buat rua que bele importante liu duke Timor-Leste iha nível mais altu, laiha ema ida que aas liu prezidente repúblika atu partisipa iha seremonia posse prezidente Indonézia nian e seremonia intronamentu imperadór Japaun. Parlamentu bele vota kontra, mas ne’e la’os hanesan biblia ida ita bele muda leis, ita bele muda ita nia votasaun, parlamentu bele hanoin fila fali didi’ak para autoriza, tanba ne’e kredibilidade Estadu no líder hotu-hotu nian,” hateten Eis Prezidente Repúblika, José Ramos Horta.

Durante hasoru malu, eis prezidente repúblika no preimadu nobel da paz  Ramos Horta informa konaba ninia viajen ba ba korea hodi atende konvite husi organizasaun rejionál ba turismu.

Antes ne’e prezidente parlamentu nasionál Arão Noe hateten koanaba viajen Prezidente Repúblika nian ba Indonézia ho Japaun parlamentu ajenda ona no sei diskuti iha loron 30 fulan setembru, tinan ne’e.

Tuir konstituisaun RDTL Artigu 95.˚kona-ba Kompeténsia Parlamentu Nasionál nian iha alinea (H) hatete, fó autorizasaun ba Prezidente Republika atu hala’o vizita Estadu nian.Ito

Lee hotu :   Governu tenki kria lei espesial ba ZEESM

 

 

Add to Comments Here!!!!

error: Content is protected.
Secured By miniOrange
You might also like:
Governu apoia millaun USD 10 ba Konferénsia Episkopál TL

Governu asina akordu subvensaun, hodi apoiu...

Animal mate nab-naban iha Díli, Estadu tenki kontrola servisu karantina

Reprezentante povu iha uma fukun Parlamentu...

Xina-TL hametin liu tan kooperasaun bilaterál

Embaixadór Xina ba Timor-Leste, Xiao Jianguo,...

Close