JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CRISTINA MENDONÇA SAI PR ORAS IDA

CRISTINA MENDONÇA SAI PR ORAS IDA

Joven feto ida husi Munisípiu Ainaro, ho naran Cristina Aleixo Mendonça, sai asume kargu núdar Prezidente Repúblika Timor-Leste, durante oras ida nia laran, iha loron Sesta (04/10/2019), iha Palásiu Prezidensiál Nicolau Lobato Bairo Pite, Díli hodi lidera Estadu Timor-Leste.

Atividade subtituisaun provizória Xefe Estadu Timor-Leste nian durante oras ida nia laran ne’e hanesan parte ida ba selebrasaun loron mundiál ba labarik feto ne’ebé sei monu iha loron 11 fulan Outubru tinan ne’e.

Cristina Aleixo Mendonça ho idade 16, eskola iha Ensinu Sekundáriu de Inácio de Loiola Maubisse iha déssimu primeiru ano.

“Ha’u sai núdar prezidente durante oras ida nia laran, e ha’u sente orgullu tebes tanba bele hetan pozisaun núdar Xfe Etadu hodi hala’o knár durante oras ida nia laran, e programa ida ne’e hala’o tanba servisu hamutuk ho Casa Sivil nian, e ami koalia kona-ba importansia feto iha area dezenvolvimentu nian. Mai ha’u ida ne’e hanesan tempu osan mean, tanba maluk iha feto iha Timor laran tomak barak, maibe ha’u mak hetan oportunidade ida ne’e, e ida ne’e tempu osan mean mai ha’u, obrigadu”, Cristina Aleixo Mendonça, koalia ho orguilho durante oras ida sai Xefe Estadu.

Alénde ne’e Prezidente Repúblika, Francisco Guterres ‘Lú Olo’, mós halo diskusaun ho sidadaun na’in ualu kompostu husi feto 5 no mane 3 durante minutu 30 nia laran, hodi rona mensajen Xefe Estadu Timor-Leste nian.

Assesora ba Igualidade Jéneru Plan Internasionál iha Timor-Leste, Angelina de Araújo esplika katak, sidadaun sira ne’ebé hola parte iha atividade diskusaun no truka pozisaun provizóriu Xefe Estadu nian ne’e hanesan selesionadu iha área rurál.

“Plan Internasionál servisu ba komunidade iha area rural nian, iha ne’ebe labarik sira ne’e mai husi parseiru no benefisiariu ne’ebe servisu direitamente, no labarik sira ne’e pasa liu husi selesaun,” hateten Angelina de Araújo.

Lee hotu :   CNRT alerta ba FRETILIN sira kritika Xanana tenke sukat ibun

Antes ne’e iha aprezentasaun, hetan apresiasaun husi Xefe Estadu, Francisco Guterres ‘Lú Olo’, tanba Plan Internasionál bele halo ona preparasaun atividade balun hodi komemora loron mundial ba labarik feto iha Timor-Leste. Ito

Add to Comments Here!!!!

error: Content is protected.
Secured By miniOrange
You might also like:
RAMOS HORTA: VIII GOVERNU LADÚN EFETIVU EZEKUTA OJE NO PROGRAMA

Eis Prezidenti Repúblika (PR), José Ramos Horta...

Dia 03/10/2019 || GMNTV LIVE STREAM || GRANDE ENTREVISTA

Dia 04/10/2019 || GMNTV LIVE STREAM || JORNAL AS 12

Close