JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Francisco Branco: Montante OJE boot, povu nia moris marka pasu

Francisco Branco: Montante OJE boot, povu nia moris marka pasu

Reprezentante povu iha uma fukun Parlamentu Nasoinal (PN), liu-liu husi bankada Frente Revolucionário do Timor-Leste Independente (FRETILIN), konsidera  Orsamentu Jeral Estadu (OJE) tinan 2020 ho montante boot demais kompara ho tinan kotuk nini’an.

Tanba ne’e, Vise Xefi bankada FRETILIN, Francisco Miranda Branco hateten, maski kada tinan governu foti osan boot, maibé laiha benefísiu ba povu.

“OJE tinan 2020 USD milliaun 1.95, ne’e besik USD milliaun 2, iha tinan hira nia laran, ho orsamentu tinan 2018 to’o 2019, maibé vida moris povu ni’an nafatin deit ou laiha mudansa, povu mak sai objetu ba OJE no OJE atu lori nakfilak ba povu nia moris, ho orsamentu dala 3 ona, maibé nia la lori nakfilak ba povu nia moris. Ita nia experensia iha tinan hirak nia laran, ezekusaun OJE tinan 2019 foin mak la’o porsentu 50, ita haree kualidade ezekusaun nia rezultadu, vida povu nia moris ne’e oinsa, maibé vida povu amenta ema mate no moris iha lixu, rezultadu dezenvolvimentu nasional nia polítika mak ida ne’e ka la’os”, Vise Xefi bankada FRETILIN ne’e ba jornalista sira iha PN, Segunda (06-10-2019).

Branco kestiona, maski tinan-tinan governu foti osan ho montante boot atu halo dezenvolvimentu ne’ebé bele fó benefísiu ba povu, maibé realidade hatudu, povu kontinua halerik ba bee moos, saúde, edukasaun no selu-seluk tan.

“Dezenvolvimentu nasional tuir mehi povu ni’an, atu lori nakfilak ba povu, nune’e kada loron sira bele han dala tolu, asesu ba bee moos, hetan asisténsia di’ak husi servisu saúde no edukasaun, OJE tinan 2020 boot teb-tebes, fahe ba bens servisu, ba hola sasan iha merkadu, maibé la hatene hola loos saída no lori osan to’o iha merkadu foin hola, ne’e hanesan saku azul ida, tanba ne’e FRETILIN la komprende orsamentu bens servisu hetan persentajen boot iha OJE tinan 2020. Governu foti osan boot liu konserteza viola lei sistematikamente prátika normal akontese tiha ona ezekusaun orsamentu ita viola hotu, ita la kumpri saída mak determina husi lei aprovizionamentu, ita hasa’i ita nia desizaun rasik, hili malu no entrega malu deit to’o ikus rezultadu povu nia moris sai marka pasu deit, vida moris povu ne’ebé desidi ninia referendum atu ukun rasik-an no mehi katak independensia sei lori moris di’ak ba sira, ikus mai  gasta osan barak  povu kontinua moris iha marka pasu nia laran”, afirma deputadu husi bankada FRETILIN ne’e.

Lee hotu :   Dom Basilio apoia Alkatiri

Francisco Branco informa, iha independensia ida ne’e, povu hein hela atu iha mudansa ba sira nia moris, maibé povu kontinua hela ho halerik no hein bainhira mak hetan naroman loloos.

“ Ita nia independensia  ne’e, povu sei halerik hela bainhira mak ami bele hetan naroman, ema elit polítiku sira no ekonomiku ki’ik oan  mak hetan benefísiu husi riku soin ne’ebé povu nian retorika no promesa barak iha  programa, maibé realidade la ezekuta no la halo tuir saída mak promete iha kampañia no programa governu ni’an, polítika dezenvolvimentu nasional hala’i sala husi ninia objetivu loloos atu dezenvolve povu no Estadu nia moris, iha hotu haree realidade bee moos deit iha kapital Díli kontinua halerik ba bee moos, ema barak sei han loron ida dala ida, nune’e justisa sosial ne’e iha ne’ebé”, subliña Vise Xefi bankada FRETILIN ne’e.

Hatán ba kestaun ne’e, Segundu Vise Prezidenti PN, Luis Roberto hateten, povu la hetan benefísiu husi OJE, tanba membru VIII governu seidauk kompletu, tanba ne’e nia (Luis-red) husu ba PN, governu no Prezidenti Repúblika (PR) atu fó pose la-lais ba membru governu ne’ebé seidauk simu pose, hodi bele hala’o dezenvolvimentu ba povu.

“Estrutura VIII governu la kompletu ezekusaun OJE mós la’o la di’ak, ida ne’e hanesan falla ba dezenvolvimentu nasional, ita hotu hakarak dezenvolvimentu la’o ho di’ak presiza kompleta estrutura VIII Governu. PN hanesan reprezentante povu, nune’e husu ba governu atu ezekuta orsamentu ne’ebé preve tiha ona, ita hotu husu ba governu no Exiji ba ita nia Estadu ida ne’e, liu-liu ba Xefi Estadu fó pose ba membru governu ne’ebé seidauk simu pose, nune’e bele ezekuta OJE ho di’ak no povu bele senti dezenvolvimentu ne’e oinsa, sé ita dehan dezenvolvimentu la akontese, maibé  estrutura VIII governu la kompletu ezekusaun OJE mós la la’o ho di’ak, ida ne’e hanesan falla ba dezenvolvimentu nasional, nune’e presiza kompleta estrutura VIII governu”, afirma Luis.

Lee hotu :   Governu presiza aplika pena ba sidadaun tama-sai ilegál iha fronteira

Entretantu Konsellu Ministru liu husi reuniaun extra ordinária, iha loron 2, fulan ne’e, aprova OJE tinan 2020 hamutuk USD billaun 1.95 no iha loron 15 sei haruka ba PN atu hetan apresiasaun no halo aprovasaun. Orsamentu refere sei kobre ba nesesidade programa no prioridade ne’ebé VIII Governu defini. ety

Add to Comments Here!!!!

error: Content is protected.
Secured By miniOrange
You might also like:
Kazál Timor- oan sai ona arguido iha Indonesia

Prokuradór Jerál Repúblik (PGR), José Ximenes,...

SETP sei hasái obrigatoriu komunidade konstrui uma iha Lagoa Tasi Tolu

Ministériu Justisa (MJ), liu husi Sekretáriu...

Dia 08/10/2019 || GMNTV LIVE STREAM || DADER KMANEK

Close