JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN-PD: Povu hakarak dezenvolvimentu la’os EA

FRETILIN-PD: Povu hakarak dezenvolvimentu la’os EA

Bankada opozisaun parlamentar, Partidu FRETILIN no Partidu Demokrátiku (PD) konsidera la nesesáriu akontese tan Eleisaun Antesipada (EA) tanba povu hakarak dezenvolvimentu.

Reprezentante povu iha uma fukun Parlamentu Nasional, sira koalia kestaun ne’e bainhira partisipa programa grande entrevista espesiál iha estudio II GMN Bebora, Díli,  Segunda (28 /10/2019).

Deputadu bankada FRETILIN iha Parlamentu Nasionál, Francisco  Miranda Branco, hateten ho povu nia moris ne’ebe barak liu sei mukit hela sira presiza dezenvolvimentu adekuadu tanba ne’e povu lapresija eleisaun antesipada.

“Hau nia hanoin katak seidauk tebes atu ita koalia koanaba eleisaun antesipada, tanba povu hili partidus poitikus sira atu ba kaer ukun, hodi rezolve sira nia moris, hodi hasai sira husi ki’ak no mukit. Kuandu politku sira fó esteitmentu hanesan ne’e ba públiku no ba povu, ne’e hau hanoin sira ladún aseita, tanba mandatu ne’ebe sira fó ba partidu politiku sira, aru rezolve sira nian moris, lori bee mos ba sira, lori edukasaun di’ak ba sira nia oan no atu sira bele han dala tolu iha loron ida,” hateten Deputadu FRETILIN, Francisco  Miranda Branco.

Iha sorin seluk deputadu bankada Partidu Demokrátiku (PD), Antonio da Conceição, hateten politikamente povu Timor-Leste kontinua moris ho situasaun inserteza tanba durante mandatu Oitavu Governu Konstitusional kuaze tama tinan rua ona maibe la iha dezenvolvimentu ekonomika ne’ebe signifikativu.

“Realidade hatudu dehan katak ita agora iha hela dezesperu ida, ita lahatene atu hakat los ba iha ne’ebe. Defaktu ita iha governu ne’ebe estabelesidu la’o tiha ona tinan ida resin, maibe ho estrutura ne’ebe la’o ho inkompletu hela, e sertamente estrutura inkompletu iha ninia konsikuensias, mak funsionamentu mákina estadu nian, funsionamentu servisus ne’ebe devia ser bele ona la’o di’ak ba iha kraik, sei nafatin hela ho konsentrasaun ida, e ninia efeitu mak politikamente povu moris hela ho inserteza ida, dezenvolvimentu ekonomika kuaze paradu,” hateten Deputadu PD, António Da Conceição.

Lee hotu :   Faustino Cardoso disponível asume kargu Ministru Administrasaun Estatal

Antes ne’e Primeiru Ministru Taur Matan Ruak deklara katak bainhira kontinua laiha solusaun ba membru governu pendente PLP prontu ba eleisaun antesipada.

Deklarasaun husi Xefe Ezekutivu Oitavu Governu nian ne’e atu hatan mós ba deklarasaun deputadu balun iha uma fukun parlamentu nasional ne’ebe hateten governasaun AMP benefisia deit partidu PLP. Ito

Add to Comments Here!!!!

error: Content is protected.
Secured By miniOrange
You might also like:
PN deskonfia ai-moruk át iha armajen RAEOA

Reprezentante povu iha uma fukun Parlamentu...

Atu mosu kompetisaun iha área telekomunikasaun, PN: Governu tenki fó oportunidade ba kompañia Ceslink

Parlamentu Nasional (PN) husu ba governu...

CNRT deskonfia mosu Máfia iha DNTT

Deputadu bankada Congresso Nacional Reconstrução de Timor...

Close