Governu rekoñese menus investimentu nune’e dezempregu aumenta

Ministru Estadu Koordenador ba Asuntus Ekonómiku interinu, Fidelis Magalhães ,hatete dadaun ne’e investimentu  menus  tebes, nune’e presiza aprosimasaun ida ne’ebé  integradu ho investidor sira.

Governante hato’o lia hirak nee ba jornalista sira, Kuarta (09/10), iha Palasiu Governu wanhira hatan ba preukupasaun públiku no sosiedade sivil sira nian konaba dadaun ne’e investimentu menus hodi aumenta liután númeru dezempregu iha rai laran.

“Tamba menus investidor ne’e menus oportunidade  ,tamba ne’e ita tenki servisu maka’as  para atu ba hetan oportunidade ,politika adekuadu ,maibe buat ida investimentu ,dezenvolvimentu ekonómiku ne’e presiza aprosimasaun integrada ida ,buat sira ne’e iha tempu badak ita presiza atu halo reniaun barak liután ,halo koordenasaun diak liután para bele hadia ita nia ambiente negósiu  iha ambiente investimentu ,tamba governu ne’e foin tinan 1 fulan 4 nune’e ita halo esforsu lubuk ida no ita espera katak,iha oin mai sei bele liután kria liután kondisaun ba negósiu no kondisaun ba investimentu atu nune’e bele atrai liután atividade ba investimentu. Hau nu’udar Ministru Koordenador ba Asuntus Ekonomikus interinu, hau tau matan ba area sira ne’e hotu ,laos ba tau matan ba iha MTCI, maibe mós tau matan ba ajensia sira hotu hanesan tradeInvest, Server, Aifahesa para atu ajuda ita no apoiu ezekutivu no halo ita nia ekonomia bele dezenvolve”, dehan  Ministru Estadu Koordenador ba Asuntus Ekonomiku interinu.

Koordenador ba Asuntus Ekonómiku interinu ne’e konsidera, kestaun ne’e presiza polítika ida ne’ebé adekuadu no mós halo koordenasaun diak liután entidades relevante sira.

Fidelis, kompromete iha tempu badak nia sei hadia ambiente negósiu no investimentu ,tamba Oitavu Governu Konstitusionál ne’ebé lidera husi Primeiru Ministru Taur Matan Ruak, foin kompleta tinan Ida, fulan Hat.Tos