JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Impase politiku halo ekonomia Timor – Leste monu makaas

Impase politiku halo ekonomia Timor – Leste monu makaas

Prezidente Partidu Demokratiku (PD), Mariano Asanami Sabino konsidera impase politiku nebe akontese iha rai laran nee halo ekonomia Timor – Leste monu makaas, kampu servisu susar, tanba nee PD sei vota kontra OJE 2020 wainhira ukun nain sira seidauk rezolve impase politiku ida nee.

Atual deputado Parlamentu Nasional husi bankada PD nee dehan tan katak  bankada PD deklara atu vota kontra Orsamentu Jerál Estadu (OJE) tinan 2020, tanba kresimentu ekonomia la la’o, no governu kontinua la’o ho kadeira ain tolu.

“Ne’e alerta ida ba Prezidente Repúblika no ba Estadu tomak katak, governu ida tenki kompletu ona, para bele aselera servisu, ou ita diminui tiha balun, ne’e bele iha dalan maibé, kuandu iha ministériu ida laiha ministru, interinu hela, depois tenki haree tan ministériu seluktan, ne’e ladi’ak, tanba ne’e, ami-nia deklarasaun ne’e hanesan, alerta ida para hotu-hotu hanoin hela, oinsa mak ita halo kompleta. Ami nia xefe bankada nia deklarasaun hanesan opiniaun ida, fanun ita oinsa mak halo diskusaun ho di’ak, tanba rai ne’e povu tomak nian, tanba ne’e, ita hakarak dezenvolvimentu ne’e tenki aselera”, hatete Mariano Asanami Sabino ba jornalista JNSemanario, bainhira partisipa programa grande intervista, iha studio 2 GMN TV Bebora Díli, Kinta kalan (10/10/2019).

Deputadu komisaun ba asuntu ekonomia no ho dezenvolvimentu ne’e subliña, antes debate OJE 2020 nian, komisaun sei halo avaliasaun mós ba progresu ezekusaun 2019 nian.

“Ami sei halo avaliasaun ba ezekusaun hotu, tanba orsamentu ida agora dadaun ne’e mós bo’ot uitoan, tanba kuandu orsamentu ne’e bo’ot ona, tinan mai fali ne’e tenki sa’e tan, la’os tu’un fali, entaun ida ne’e hotu mak sai nu’udar sasukat ida ba ami nu’udar deputadu komisaun D, ne’ebé trata asuntu ekonomia no dezenvolvimentu, ami sei haree no tetu haree mós ezekusaun, depois ami bele halo diskusaun ka debate ba proposta orsamentu  jerál Estadu ba tinan 2020 nian. Ita haree progresu ekonomia ne’e povu hotu asiste, ema hotu mós asiste, ho impasse ne’e ita iha kemunduran maka’as, ita-nia ekonomia mós monu maka’as los, tanba ne’e, kampu traballu mós kuaze susar uitoan, depois de impasse ne’e. Problema ne’e labele nafatin bolu situasaun ne’e impasse, ita tenki hakat liu ona, ita labele husik nafatin situasaun hanesan ne’e. Durante ne’e, bainhira ami halo fiskalizasaun haree katak, iha parte fronteira nian, dalaruma ema nia iha sorin ne’ebá di’ak liu, ema nia progresu la’o dadauk, ita iha sorin mai diferente loos. Tanba ne’e mak ita rai ki’ik, povu iha de’it 1.3, ne’e ita kompara ho rai sira seluk ne’e, dalaruma hanesan Suku ida de’it iha Xina ne’eba, entaun ita bele haree, tanba ita mós iha rikusoin, oinsa mak ita hotu bele hanoin di’ak, hanoin pozitivu, tau forsa no enerjia hamutuk, oinsa aselera, ba interese ita nia Estadu no nasaun”, salineta Asanami Sabino.

Lee hotu :   PR propoin sosa kareta iha OJE 2020

VIII Governu Konstitusional liu husi Konsellu Ministru, aprova ona OJE ba tinan 2020 nian, ho montante dollar amerikanu billiaun USD 1.95.

No orsamentu jerál estadu ba tinan 2019 nian, konseje ezekuta ona 60%.say

Add to Comments Here!!!!

error: Content is protected.
Secured By miniOrange
You might also like:
Promete sei bongkar mafiozu, Cárceres: Rai sei la nabeen wainhira ladauk fó sai

Ministru Justisa (MJ), Manuel Cárceres, hateten,...

Dia 10/10/2019 || GMNTV LIVE STREAM || JORNAL NASIONAL KALAN

MRLAP Fidelis Magalhães tuir teste karta kondusaun

Ministru  Reforma Lejislativa Asuntu Parlamentar (MRLAP),...

Close