JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KAFI halo ajudikasaun kontratu ba projetu 35

KAFI halo ajudikasaun kontratu ba projetu 35

Bankada FRETILIN iha uma fukun Parlamentu Nasional (PN), konsidera Konsellu Administrasaun Fundu Infra-Estrutura (KAFI) halo ajudikasaun kontratu ba projetu 35 husi tinan 2014  to’o 2015 ne’e illegal, tanba viola rejimi jurídiku aprovizionamentu.

”Relatóriu Câmara das Contas (CC) fulan Jullu, tinan 2019 ne’e, KAFI halo ajudikasaun kontratu ba projetu 35, husi tinan 2014 to’o 2015 ho osan USD liu millaun 114, laiha kabimentu orsamental, tanba ne’e konsidera ajudikasaun kontratu ba projetu 35 ne’e, ilegal no viola rejimi jurídiku aprovizionamentu númeru primeiru, artigu 44º no númeru 3 artigu  47º”,.

Husi rejimi jurídiku aprovizionamentu, nu’udar lei ne’ebé estipula katak, ajusta diretu só bele halo iha kazu sira extra-ordináriu, maibé sira repara katak KAFI uza ajusta diretu hanesan prosesu bai-bain no la tuir kriteriu ne’ebé estipuladu iha lei. Iha relatóriu ne’e mós hateten, kontratu sira ne’e, la tuir lei, tanba laiha kabimentu orsamental, ka la halo parte ba planu orsamentu ni’an no hahalok ida ne’e kontinua halo husi KAFI to’o 2017”, Vise Xefi bankada FRETILIN, Francisco Miranda Branco aprezenta kestaun ne’e liu husi konferénsia imprensa, iha salaun bankada FRETILIN PN, Segunda (21-10-2019).

Nia akresenta, liga mós ho projetu 143 ne’ebé PN rasik halo Inkeritu Parlamentar, maibé to’o ikus bankada husi governu halo boikota.

“Bankada FRETILIN preokupa, tanba bainhira CC notifika ema sira ne’ebé imputadu atu bele hatán iha faze kontraditóriu ba pergunta husi CC, maibé to’o ikus resposta ne’ebé notifikadu sira entrega ba CC la hatán ba pergunta sira ne’e no buka dalan atu argumenta katak, prosesu auditória mak la’o laloos, nune’e subar husi pergunta, ho nune’e ho relatóriu CC ida ne’e mai haboot liu tan bankada FRETILIN nia preokupasaun kona-bá sustentabilidade no sobrevivensia fundu mina-rai ni’an, ne’ebé agora dau-daun garantia úniku ba sustentabilidade Estadu, liu-liu tanba proposta orsamentu ne’ebé governu aprezenta mai PN ba tinan 2020 mai ho valor ne’ebé  boot tebes, liu-liu ho kapasidade exekusaun OJE 2018 ho 2019 ne’ebé dolar deit, oinsa mak Primeiru Ministru (PM), Taur Matan Ruak bele garante katak ninia governu sei ezekuta duni OJE ida ne’ebé mak boot hanesan ne’e? Sá tan atu ezekuta ho di’ak?”, afirma Vise Xefi bankada FRETILIN ne’e.

Lee hotu :   Horta husu Xanana bolu Alkatiri ho Lú Olu

Antes ne’e Komisaun Inkeritu Parlamentar (KIP) halo ona fiskalizasaun ba projetu 143, maibé relatóriu KIP ne’e la konsege deskuti iha plenária, tanba la hetan aprovasaun husi KIP rasik, nune’e, bankada opozisaun ho inisiativa hatama relatóriu KIP ne’e ba Ministériu Públiku relasiona violasaun no iregularidade ne’ebé mensiona iha relatóriu refere. ety

Add to Comments Here!!!!

error: Content is protected.
Secured By miniOrange
You might also like:
Kazu sosa prado ba eis deputadu III lejislatura, João: “Ha’u asina kontratu atu salva osan Estadu”

Foto:Google Tribunal Distrital Díli (TDD), iha...

Mate-isin eis MD Cirilio translada ona mai TL

Mate-isin Eis Ministru Defeza (MD) Timor-Leste,...

FRETILIN: Durante tinan 10 governu gasta osan saugati deit

Reprezentante povu iha uma fukun Parlamentu...

Close