MNEK sei aprezenta embaixadór pendente iha KM

Ministru Negósiu Estranjeiru no Koperasaun (MNEK), Dionisio da Costa Babo Soares, hateten nia sei lori lista embaixadór sira pendente ba aprezenta iha reuniaun Konsellu Ministru (KM) ohin Kuarta (16/10/2019).
Lista kandidatu embaixadór na’in 12 aprezenta iha reuniaun Konsellu Ministru nian hafoin mak Primeiru Ministru Taur Matan Ruak aktualiza no husu aseitasaun ba Xefe Estadu Timor-Leste, Francisco Guterres ‘Lú Olo’.
“Ne’e aban (kuarta loron 16 fulan Outobru) mak hau sei aprezenta ba konsellu ministrus e depois mak sua selensia Primeiru Ministru sei lori mai Prezidente da Repúblika para atu husu aseitasaun. Aban aprezenta lai mak haree tanba tenke lori ba konsellu ministrus e sira tenke aprova lai ne’e duni bele iha mantein e bele iha mudansa, ne’e depende ba konsellu de ministrus, nafatin hanesan uluk ho total na’in 12, e hau hanoin hela atu aumenta tan maibe hein lai fulan hirak mai tan haree tok sira ne’ebe mamuk”, Ministru Negósiu Estranjeiru no Koperasaun Timor-Leste, Dionísio da Costa Babo Soares, hatoo asuntu ne’e ba Jornalista sira hafoin akompaña embaixadór haat ne’ebe entrega karta kredensial ba Prezidente Repúblika Timor-Leste, Francisco Guterres ‘Lú Olo’, iha Palasiu Prezidensiál Nicolau Lobato Bairo Pite, Díli, Tersa (15/10/2019).
Dionisio Babo hateten, hafoin pose ba kandidatura embaixadóres 12 ne’e governu sei haree posibilidade hodi nomeia no koloka embaixadór foun nasaun sira ne’ebé seidauk iha reprezentasaun Estadu Timor-Leste nian. Ito
Add to Comments Here!!!!