JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Mosu tan EA, FRETILIN konsidera líder AMP sira laiha kapasidade

Mosu tan EA, FRETILIN konsidera líder AMP sira laiha kapasidade

Vise Xefe bankada FRETILIN, Francisco Miranda Branco, hatete, bainhira mosu tan Eleisaun Antesipada (EA) hatudu katak, líderansa koligasaun Aliansa Mudansa ba Progresu (AMP) sira mak laiha kapasidade hodi buka solusaun ba impase polítiku iha rai-laran.

“Ida ne’e hatudu katak, ita-nia líder no ukun na’in sira la konsege rezolve problema sosial, polítiku, ekonómiku ne’ebé iha ita-nia rain rasik. Ka’er ukun ne’e tenki hatene mós rezolve problema sira ne’ebé mosu iha ita-nia sosiedade nia laran, hodi ultrapassa situasaun sira ne’e. Ida ne’e hanesan teste ida ba lideransa sira ne’ebé ka’er ukun, ida ne’e hatudu katak, inkapasidade ba ita-nia ukun na’in sira, hodi rezolve problema sira hanesan ne’e maibé, hanoin ne’e la’os desizaun, ne’e hanesan reasaun de’it husi Primeiru Ministru ba deklarasaun ida ne’ebé fó sai iha plenária, tanba deputada ida husi koligasaun AMP rasik mak foti problema ne’e, ne’e reasaun ne’ebé simples no únikamente ba situasaun ne’e, ba membru ne’ebé kestiona rasik nia aliansa maibé, sasukat hotu ita tenki halo, nia konsekuensia ba povu, povu mak sei deside eleisaun, no povu mós bele dehan, promete oi-oin atu rezolve no halo mudansa ami-nia moris, ikus mai imi la halo mudansa ba ami-nia moris maibe imi lori fali ami atu ba halo eleisaun”, hatete Francisco Branco ba jornalista sira iha PN, Kuarta(23/10/2019).

Deputadu opozisaun ne’e deklara, FRETILIN prontu ba situasaun saida de’it mak sei mosu maibé, presiza tetu nia vantajen no desvantajen ba povu nia moris.

“FRETILIN prontu ba kualker situasaun maibé, ami tetu katak, ida ne’e ita hatodan povu ne’ebé deside foin dadaun halo eleisaun rua, ho sitasaun ida la hanesan. Ne’eduni ita ladun harí kultura governasaun ida di’ak, kultura ida ne’ebé bele iha mandatu governasaun naruk, no mandatu estabilidade populativa, nune’e bele lori rezultadu di’ak, ba halo nakfilak povu nia moris”, akresenta Branco.

Lee hotu :   FRETILIN sei halo Oesilo sai sidade furak

Iha fatin hanesan, Xefe bankada CNRT, deputadu Duarte Nunes konsidera, deklarasaun Primeiru Ministru Taur Matan Ruak nian, nu’udar estetmentu ida, hodi responde de’it deputada Olinda Guterres nia deklarasaun maibé, la’os desizaun AMP nian.

“Ne’e Primeiru Ministru nia pontu de vista, karik relasiona ho estetmentu deputada Olinda nian maibé, ita tenki haree, AMP ne’e CNRT mós iha laran, CNRT parte husi AMP nian, durante ne’e CNRT nonok, povu akompaña servisu, karik iha problema ami sei diskute maibé, bainhira desizaun AMP nian, ne’e ami tu’ur hamutuk mak halo desizaun, PLP, KHUNTO no CNRT tu’ur hamutuk mak hasai deklarasuan hamutuk maibé, hein katak, iha tempu ruma bele iha enkontru hamutuk, antes diskusaun Orsamentu Jerál Estadu nian, ne’e para ita haree situasaun ne’e, tanba estetmentu polítiku nian ne’e normal, deputada ko’alia ne’e mós nia espresaun ida, dalaruma tanba ezijensia husi militantes nian, ne’e estetmentu polítiku de’it maibé, karik desizaun ida, ne’e ita tenki formal,

Ita konsidera, pozisaun ida mak foti, bele afeita ba moris nasaun nian, ita labele lori estetmentu ida iha plenária ne’e, sai fali hanesan baze ida, depois dehan la sólidu, ami iha konsellu, tanba ne’e ami iha mekanizmu atu rezolve problema sira, tanba ne’e, ida ne’e la afeita estabilidade AMP nia. Kona-bá kapasidade, opozisaun ne’e nunka hatete governu ne’e iha kapasidade, kuandu sira mak ukun, ami mak opozisaun mós parese hanesan ne’e, hodi dudu ema atu halo servisu ho di’ak liu tan”, tenik Nunes.

Antes ne’e, Primeiru Ministru Taur Matan Ruak, deklara, prontu ba eleisaun antesipada, bainhira laiha solusaun ba kandidatu membru governu pendente sira.say

Add to Comments Here!!!!

error: Content is protected.
Secured By miniOrange
You might also like:
Hafoin teste médiku ba arguidu korta aviaun, AMJTL: Labele julga ema ho kondisaun moras mental

Arguidu ho inisial CDJ ne’ebé tenta...

Falur : Rekrutamentu F-FDTL foun ba Timor-oan hotu

Vise Xefe Estadu Maior Jeneral F-FDTL,...

PR Lú Olo preokupadu ho OJE 2020 bo’ot liu

Prezidente Repúblika (PR), Francisco Guterres Lú...

Close