JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Naimori rejeita mosu EA tanba AMP sólidu

Naimori rejeita mosu EA tanba AMP sólidu

Konselleiru Másimu Partidu KHUNTO, José dos Santos Niamori Bucar, rejeita atu mosu Eleisaun Antesipada (EA), tanba komunikasaun entre líder partidu tolu ne’ebé inklina iha governasaun Aliansa Mudansa ba Progresu (AMP) di’ak hela no sólidu.

Líder másimu partidu KHUNTO ne’e afirma, deklarasaun ne’ebé deputada KHUNTO, Olinda Guterres fó sai iha Parlamentu Nasionál foin lalais ne’e, hanesan estetmentu polítiku ne’ebé reprezenta povu, iha direitu no dever hatutan povu nia ezijensia ba governu.

Iha partidu tolu ne’e sai partidu ida de’it, desizaun mós nain tolu mak sei hola, para bele tetu, hodi haree governu ne’e ho di’ak, presiza na’in tolu ne’e hamutuk, saida mak atu halo ba rai ida ne’e, liu-liu ba ita-nia povu, saida mak atu halo, signifika katak, na’in tolu ne’e mak sai na’in ba VIII Governu, no serví ba povu, presiza mós ita hotu nia hanoin ida ne’ebé di’ak, nune’e povu bele senti governu nia programa, no planu durante tinan lima ne’e. Foin dadauk ita nia mana Olinda fó sai deklarasaun iha PN, ne’e hanesan ema polítiku ida, dever sira nian mak ida ne’e duni, nu’udar deputadu ho deputada, sira iha direitu atu ko’alia no fó hanoin ba governu, nune’e governu bele hatene, sei bainhira buat ruma falta, ka buat ruma seidauk loos, oinsa para tu’ur hamutuk hodi haree buat sira ne’e, ne’e mak dalaruma balun dehan, la’os Primeiru Ministru de’it maibé, ministru balun mós dehan katak, di’ak liu ita ba Eleisaun Antesipada maibé, ne’e la’os fó impaktu ba deputada Olinda maibé, ne’e impaktu ne’e ba maun Taur Matan Ruak, tanba nia mak assume kargu hanesan PM, ka Xefe governu. Deklarasaun hanesan ne’e signifika ita hatun ita nia lideransa,  hatun ita-nia PM rasik, la’os ferik Olinda ka Naimori ou la’os mós maun Xanana. Ida ne’e tanba ami partidu tolu mak tu’ur hamutuk, maun Taur mak sai hanesan PM  hodi lidera VIII Governu ne’e”, hatete Konselleiru Partidu KHUNTO ne’e ba jornalista sira iha nia rezidensia Surikmas Díli, Sesta (25/10/2019).

Naimori akresenta, Eleisaun Antesipada sei la mosu, tanba partidu tolu ne’ebé inklina iha koligasaun AMP, seidauk foti desizaun ruma maibé karik mosu EA la’os kulpa ema ida ou rua nian maibé, kulpa líder hotu nian, hodi povu kontinua sai vítima.

Lee hotu :   GOVERNU ENTREGA ONA PROGRAMA BA PN

Ha’u senti ida ne’e la akontese, tanba la’os partidu tolu ne’e mak tu’ur hodi ko’alia EA, ne’ebé ita hotu tenki haree ba situasaun hanesan ne’e, kecuwali (eseptu-red) maun Xanana, Taur ami na’in tolu ne’e tu’ur hamutuk mak dehan, tenke halai ba eleisaun antesipada, ne’e bele, sela’e, ita fó terus ba povu, povu mak kontinua terus. Ita haree buat hotu tenke tuir nia regras, tanba buat ida fó tomada de posse ne’e PR rasik maibé, ida ne’ebé halo negosiasaun di’ak ne’e mak governu, entaun mak ita-nia PM rasik tenke oinsa lori lista sira ne’e ba para ko’alia ho PR, ida ne’ebé mak bele troka no ida ne’ebé mak labele, tanba ita hotu presiza kria estabilidade ba dezenvolvimentu atu la’o ho di’ak, ita hotu presiza koopera ho PR, para PR fó opiniaun took, ida ne’ebé mak Prezidente hakarak no lakohi. Maibé Primeiru Ministru ko’alia mós loos, signfika fó atensaun ida ba ita nia Prezidente Repúblika, para atu bele hadi’a buat sira ne’e, tanba ne’e kulpa ne’e ba de’it iha PM  ou ba iha AMP, kulpa ne’e ba iha Timor oan tomak, liu-liu Prezidente Repúblika, inklui órgaun soberanu 4 ne’e, PM, PR, PN no TR maibé, tribunal laiha buat ida, so PM ho PR de’it”, tenik Bucar.

Fundadór KHUNTO ne’e subliña, sorumutu entre líder AMP ne’e la’o ou la la’o, nia parte lakohi fó komentáriu, tanba konsidera ne’e kestaun uma laran ka asuntu interna, no sei la fó impaktu ba governasaun.

Ne’e ami-nia uma laran, atu fulan rua tolu hat ka, entre ami na’in tolu de’it mak bele hatene, ne’e sei la fó impaktu ba governu, tanba dalaruma servisu barak liu, liu-liu hanesan maun PM, nia servisu barak tebes, nia tenke haree ba Estadu ne’e atu la’o to’o iha ne’ebé, oinsa haree no buat sira ne’e hotu, ne’eduni ida ne’e ami-nia uma laran. Deputada ne’e ko’alia tanba polítika, nia assume kargu hanesan deputada ida, nia iha direitu tenke ko’alia, tanba ne’e polítika maibé, la’os partidu mak fó orientasaun ba nia, tanba ne’e sira-nia dever duni, tanba sira mak tu’un ba iha baze no direitamente ko’alia ho eleitor sira, no eleitór sira ezije mak sira katak, bainhira mak membru sira ne’e fó posse, pior liutan KHUNTO nia ema seidauk lori ba juramentu iha Ramelau, ne’e to’o bainhira, tanba ne’e mak deputada ne’e levanta asuntu ne’e. Tanba ha’u mós atu lori ema ba juramentu iha Ramelau, tenke hein ami nia membru governu kompletu mak lori ba, ha’u lakohi lori na’in 8, depois na’in rua mak tuir fali mai, ne’e ita ba bosok, ne’e labele maibé, estetmentu deputada ne’e hanesan dever, la’os husi ha’u ka husi partidu mak haruka nia, tanba ne’e nia dever, karik nia  haree realidade karik ou la’e maibé, membru governu sira mak tenke iha konsensia dever moral ne’e tenke iha, pasiensia para bele simu buat sira ne’e maibé, kuandu ho nervozu, ita labele rezolve Estadu ne’e, no labele rezolve povu nia hakarak, entaun signifika ita rasik mak atu destroe fila fali ita-nia governu”, realsa Naimori.

Lee hotu :   FRETILIN kestiona governu limita vendedór ambulante

Konselleiru Partidu KHUNTO ne’e informa, ema ne’ebé atu subtitui kandidatu membru governu  pendente na’in rua preparadu ona, no sei aprezenta ba PM hodi hatudu ba PR atu fó posse.

Ami-nia ema prepara ona, para atu nune’e lori lista ba PM, hodi bele ba PR maibé, ne’e ami seidauk bele fó sai ba públiku, tanba ne’e segredu partidu nian, kona-bá se mak sei substitui maibé, KHUNTO ne’e prontu atu asegura VIII Governu, komunikasaun di’ak tebes, ha’u nia maun na’in rua ho ha’u di’ak tebes maibé, ha’u mós labele ba provoka sira, sira servisu Estadu nian maibé, ha’u iha liur, tanba ne’e dalaruma iha tempu mak ba konta istória halimar ho sira, sela’e ha’u halimar ha’u nia iha liur, tanba ema servisu ba Estadu ita labele ba provoka sira, tanba sira tenke iha sentidu ida serví Estadu. Momentu ita-nia PM rasik hasai estetmentu ida iha públiku ne’e, nia assume kargu hanesan prezidente partidu, nia lalori PM nia fatin mak ko’alia maibé, nia hanesan Prezidente partidu mak ko’alia, karik nia mak ko’alia hanesan PM karik, ami na’in tolu presiza hatene, tenke tu’ur hamutuk, mak foin fó sai maibé, hanesan Prezidente partidu, nia iha direitu, polítika mak hanesan ne’e iha krítika maibé di’ak ba povu.

Hanesan Jokowui ho Prabowo ne’e mak ema dehan sentidu Estadu, tuir loloos Timor-Leste bele aprende buat hanesan ne’e maibé, hein katak, Timor mós bele iha hanesan ne’e maibé, buat sira ne’e atu akontese, lideransa tenke fó liman ba malu, ida ne’e de’it, dala seluk laiha. Kuandu ita hotu hakarak manan, no ida seluk lakohi lakon, ne’e difisil uitoan, manan ho lakon ne’e tenke iha hanoin ida de’it, ba interese Estadu nian maibé, ha’u haree  Timor nian, laiha lideransa ida mak konsiensia moral ida ba interese Estadu ne’e laiha, tanba hotu-hotu tau interese partidária mak aas liu”,deklara polítiku ne’e.

Lee hotu :   MOP lansa projetu konstrusaun saneamentu no drenajen

Antes ne’e, Primeiru Ministru Taur Matan Ruak hasai deklarasaun ida katak, prontu ba Eleisaun Antesipada, bainhira laiha solusaun ba lista kandidatu membru governu pendente sira.

PM hato’o deklarasaun ne’e, hodi responde intervensaun deputada Olinda Guterres nian, ne’ebé levanta iha plenária Parlamentu Nasionál, semana ne’e.

Laiha dalan ba eliesaun antesipada

Iha sorin seluk, Dosente Universidade Nasional Timor Lorosa’e, Camilo Ximenes Almeida hatete,  laiha dalan ba eleisaun antesipada tanba partidu tolu sei unidade hela iha parlamentu nasionál.

Camilo esplika, kuandu mosu eleisaun antesipada, wainhira  AMP Aliansa Mudansa ba Progresu laiha ona unidade, ka naksobu husi bloku koligasaun iha Parlamentu Nasionál.

 “Povu ohin loron lakohi tan ona eliesaun antesipada, tanba sira-nia direitu fó ona ba nai ulun sira atu ukun hodi rezolve povu nian moris, la’os tempu atu ko’alia kona ba eliesaun antesipada maibé, tempu atu buka solusaun ba problema ne’ebé povu infrenta hanesan, bee moos, esttrada, eletresidade no buat seluk tan”,  hateten Camilo.

Camilo mós husu ba lider sira atu servisu ba interese nasionál, labele tau ódio vingánsa hodi hamosu lia fuan eleisaun antesipada, tanba eliesaun antesipada ne’e fó konsekuensia bo’ot ba povu, tanba povu mak sei tuir vota, ne’eduni presiza hanoin no tetu didiak.say/aba

Add to Comments Here!!!!

error: Content is protected.
Secured By miniOrange
You might also like:
MTCI prevé USD100.000 ba konstroe kapela iha Ramelau

“Sobre kapela Ramelau.Hau konvoka ona ho...

Governu aprova rekrutamentu soldadu F-FDTL 600

Governu aprova proposta rezolusaun Ministeriu Defeza...

La involve feto iha dezenvolvimentu, Vise PPN: Sei la alkansa objetivu promosaun igualdade

Vise Prezidente Parlamentu Nasional (PN), Maria...

Close