JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Pe. Juvito: PN sai fali sede partidu, halakon interese povu

Pe. Juvito: PN sai fali sede partidu, halakon interese povu

Amu Vigáriu Episkopal re-evanjelizasaun Dioseze Díli, Padre Juvito do Rego konsidera, dadaun ne’e Parlamentu Nasionál (PN), nakfilak aan ba sede partidu hodi deputadu ida-ida defende interese partidu sira nian, hodi halakon intrese povu nian ne’ebé hili ona sira sai reprezentante povu iha uma fukun PN ne’e, tanba de’it  impasse polítika iha rai laran ne’ebé to’o agora seidauk iha solusaun, tanba lider polítiku sira la intende malu.

Tuir Padre Juvito, ho dezentendementu lider polítiku sira nian ne’e, fó ezemplu no imajen la edukativu ba povu no jerasaun foun hodi banati tuir.

“Komunikasaun polítika iha maibé, intendimentu polítiku mak laiha,  komunika ba malu, hasoru malu lor-loron, tanba ne’e, entendimentu mak laiha. Entendimentu ne’e tenki bazeia ba prinsípiu sira, ita bele dehan katak, prinsípiu ida bo’ot liu mak boa vontade polítika, ba se?, no se mak benefisia husi ita-ninia dezentendimentu polítiku ida ne’e, povu benefísia ka la’e?, se benefísia kontinua, sei povu la benefísia tenki para, ami povu hakilar bassa liman mós sira (polítiku) la para, prontu, ne’e ami haree katak, PN sai tiha hanesan sede partidu ninian, PN la’os tan defende povu nia interesse, tanba defende liu interesse partidu ninian, tanba sira la hanesan asuntu importante ne’ebé tenki defende ba asuntu povu nian, no balun tenki sakrifika nia aan, sei hanesan ne’e, ami bassa liman, la’e ami haku’ak liman de’it. Atu iha entendimentu di’ak, sira (polítiku) presiza iha konsensu ida, para bele hateten katak, ita para ona ho ita-nia dezentedimentu ida ne’e, ita halo buat ruma ne’ebé mak benefísia povu ida ne’e, tanba ida ne’e, dezentendimentu naruk ba bebeik, ida ne’e halo diskrepansia polítika ida, signifika katak, halo divizaun kria divizaun iha povu nia leten”, hatete Pe. Juvito do Rego, liu husi grande intrevista iha estudiu 2 GMNTV, Bebora Díli, Sesta (04/10/2019).

Lee hotu :   Arão Noe: Ezekusaun OJE 2019 iha impaktu bo’ot

Pe. Juvito afirma, povu Timor-Leste polítikamente edukadu los ho situasaun atual ne’ebé halo povu rasik sai bilan, no neneik no bebeik sei lakon simpatia ba polítiku sira-nia polítika.

“Governu la’o ain kadik ne’e impasse hela, ministériu barak ladun funsiona, buat barak iha rai ne’e ladun la’o, tuir orsamentu Estadu nian, tanba ema ne’ebé assume hela interinu iha ministériu ruma ne’e, nia labele hola desizaun tuir planu poderes ne’ebé iha, ida ne’e impasse polítika maibé, ita lahatene ida ne’e atu la’o to’o bainhira. Dalaruma mosu lista sombra ba governu nian ne’e, ida ami konsidera koko de’it ami povu nia termómetru katak, ami povu nia hakarak ne’e ba iha ne’ebé, buat hirak ne’e halimar ho ami nia sentimentu sira, povu ne’e polítikamente edukadu maibé, povu orsida lakon ona nia apátiku ho polítika, simpatia komesa laiha, kuandu apátia komesa mosu, depois mosu tan antipatia. Maibé ida ne’e lahatene, ami sai bilaan, lahatene, ami hela indiferente ho situasaun ne’ebé mak la la’o, ita bele hateten katak, Lei la la’o, sistema la la’o, problema la la’o,depois polítiku sira mak han malu de’it, ba ami ne’e ami senti katak, la edukativu”,dehan Amu Vigáriu Episkopal Díli ne’e.

Líder katóliku ne’e  sujere ba líder partidu polítiku sira, presiza respeita malu, no rona malu, hodi tau aas interesse povu nian, duke interesse partidu nian.

“Kuandu partidu sira hanoin katak, ha’u la hamrik mesak, ema seluk la importante, nia mak fó importânsia mai ha’u, ita-nia dezentendimentu polítika ne’e bele lakon maibé, kuandu ha’u defende ha’u nia direitu no ha’u nia prinsípiu ne’e metin loos. Dalan atu hasoru malu ne’e sempre iha, presiza mak rona malu, respeita malu, no dezentendimentu ne’e atu lori to’o iha ne’ebé no se mak benefísia, presiza haree, tanba situasaun ida ne’e, situasaun ida ne’ebé la edukativu, imajen ida ne’ebé la eduka povu”, tenik Juvito do Rego.

Lee hotu :   PN ezije Governu apoia asisténsia sosiál ba povu

Padre ne’e subliña, bainhira iha lideransa ruma komete sala, prosesa tuir lei, nune’e, labele mosu impasse polítika, tanba sidadaun hotu iha lei nia okos.say

Add to Comments Here!!!!

error: Content is protected.
Secured By miniOrange
You might also like:
Gualdinho da Silva: TL esforsu promove riku-soin petrolífera iha tasi no rai maran

Prezidente Autoridade Nasionál Petróleu no Minerál,...

Ramos Horta: Impase polítiku la’os bareira investimentu iha TL

Premiadu Nobel da Paz, José Ramos...

Problema lixu iha Díli, Bianco: Presiza jestor di’ak ida asegura lixu

Deputadu husi bankada FRETILIN, Antoninho Bianco...

Close