JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur : Laiha obstáklu iha atividade esplorasaun

PM Taur : Laiha  obstáklu iha atividade esplorasaun

Primeiru Ministru, Taur Matan Ruak, garante ba investór sira katak sei laiha obstáklu iha atividade esplorasaun, maske iha peródu tranzisaun husi área Konjunta Dezenvolvimentu (JPDA) ba área juridisaun ezkluziva Timor – Leste nian.

Xefe Governu hat’o lia hirak nee iha Simeira Internasionál kona-ba Mina no Gas Timor Leste nian, iha Centro Convenções Díli (CCD), Kinta (03/10/2019).

“Ba sira ne’ebe esplora tiha ona iha esplorasaun no produsaun husi ita nia rekursu petroliferu sira offshore, ha’u hakarak garante katak imi nia atividade sira bele no sei kontinua sein obstaklu, hafoin tranzisaun husi área Konjunta Dezemvolvimentu Petrolíferu (JPDA), ba juridisaun eskluziva Timor Leste nian,” hateten, Xefe Ezekutrivu.

Taur Matan Ruak dehan, “Lo’os duni, governu dadaun ne’e aprova ona pakote lejizlativu ida atu garante tranzisaun ida ne’ebé kaman no efisiente, hodi respeita no proteze imi nia direitu no espetativa lejimtima tomak”.

Xefe Oitavu Governu nee esplika Timor Leste konsege halo ona akordu ho país viziñu Austrália hodi establese fronteira marítima permanente entre nasaun rua  no taka kapitulu importante tebes  ba Timor Leste nia istória, ne’ebé dura ba tempu barak nia laran.

Taur Matan Ruak dehan tan katak Simeira mina no gas, ne’e hanesan momentu ne’ebé lo’os duni atu hakat ba oin  ba kontrusaun sistema jurídiku ne’ebé maduru, bazeia ba Estadu Direitu nian no esensiál atu kria konfiansa no fó estabilidade no seguransa jurídiku ba investimentu estranjeiru sira.

Governu hala’o simeira Internasionál kona-ba Mina no Gas Timor Leste nian Dahuluk iha CCD, husi simeria Mina no Gas ne’e atu diversifika ekonomia Timor Leste nian no mos kria kondisaun moris diak ba sidadaun.

Lee hotu :   [:pt]Eis-ministru balun benefisia-an ho fasilidade Estadu[:id]Eis-ministru balun benefisia-an ho fasilidade Estadu[:en]Eis-ministru balun benefisia-an ho fasilidade Estadu[:tl]Eis-Ministru balun benefisia-an ho fasilidade Estadu[:]

Simeira Internasionál mina no gas dahuluk ne’e, marka prezensa husi, negosiadór prinsipál ba fronteira marítima Kay Rala Xanana Gusmão, Eis Prezidenti Repúblika José Ramos Horta, Membru Oitavu Governu, Membru Parlamenu Nasionál no mós Korpu Diplomátiku sira iha Timor Leste.

Simeira Internasional Mina no Gas dahuluk ne’e abertura husi, Maun bo’ot Kay Rala Xanana Gusmão, Eis Prezidenti Repúblika José Ramos Horta, Ministru Prezidensia Konsellu Ministru Agio Pereira.

No Simeira  Internasionál Mina no Gas ne’e sei remata iha Sesta (04/10/2019) ne’ebé sei ensera husi Eis Prezidenti Repúblika José Ramos Horta. Eus

 

Add to Comments Here!!!!

error: Content is protected.
Secured By miniOrange
You might also like:
Gualdino: Minerais TL barak mak iha valor ekonómiku

Prezidenti Autoridade Nacional do Petróleo e...

Ramos Horta: PN tenke separa problema interna ho asuntu externa hodi labele implika ba Estadu

Eis Prezidente Repúblika, José Ramos hateten...

Deskonfia oknum PNTL tiru joven iha Laga, Komandu haruka ekipa ba investiga

Komandante Jerál Jerál Polísa Nasionál Timor-Leste...

Close