JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN preokupa dezenvolvimentu RAEOA laiha kontinuasaun

PN preokupa dezenvolvimentu RAEOA laiha kontinuasaun

Deputadu bankada Partidu Demokrátiku (PD), Mariano Asanami preokupa, tanba dezenvolvimentu iha Rejiaun Administrativa Espesial Oe-cusse Ambeno (RAEOA), no Zona Ekonomia Espesial Sosial Merkadu (RAEOA-ZEESM) laiha kontinuidade.

Reprezentante povu ne’e mós kestiona, tanba iha aeroportu Rota do Sândalo, ne’ebé ho fasilidades di’ak, no funsiona saugate de’it, tanba laiha aviaun seluk ne’ebé halo movimentasaun, no iha de’it aviaum ZEESM nian mak semo ba mai.

“Foin dadauk ami halo vizita ba Oe-cusse, haree aeroportu ne’e, domestik ho internasionál, buat hotu-hotu iha aeroportu ne’e lakan hela, power ne’e lor-loron uza hela maibé, depois aeroportu ne’e simu de’it aviaun ki’ik oan ida ne’ebé mak semo husi Díli ba, bainhira kuandu ita haree, ita fila toba la dukur, tanba ne’e osan ida ne’ebé gasta lor-loron maibé, osan la tama ida, aviaun la semo iha ne’ebá, sasán hotu ne’ebé mak iha aeroportu laran ne’e, funsiona lor-loron. Hanoin governu tenki haree lalais ida ne’e, saída mak ita atu halo ba kontinuidade, depois de  estrada, aeroportu ne’ebé mak ita halo tiha ona”, kestiona Asanami iha plenária semana ne’e.

Iha fatin hanesan, deputadu opozisaun FRETILIN, Joaquim dos Santos husu Governu atu aprezenta ona kandidatu Prezidente Autoridade Rejiaun Administrativa Espesial Oe-cusse Ambeno (RAEOA), no Zona Espesial Ekonomia Sosial Merkadu (ZEESM), atu nune’e implementa ona polítika ekonómia sosial merkadu.

“Bainhira mak ita hetan prezidente RAEOA, para polítika sosial merkadu ne’e, bele implementa ona maibé, agora seidauk implementa sosial merkadu, Ita foin harii infra-estrutura bázika, ita seidauk implementa sosial merkadu, ita krítika saída nian, bainhira loos mak ita hetan Prezidente RAEOA foun, tanba 100 dias ne’e besik hotu ona”, hatete deputadu Fretilin, Joaquim dos Santos.

Hatán ba asuntu ne’e, Ministru Refoma Lejislativa no Asuntu Parlamentares (MRLAP) afirma, prosesu ba aprezentasaun kandidatu Prezidente RAEOA la’o hela, no governu sei kumpri data ne’ebé determinadu ona.

Entertantu, iha tempu loron 120 ba prezidente interinu, Arsenio Bano, hafoin eis Prezidente Marí Alkatiri nia mandatu remata iha loron 30 fulan Jullu tinan 2019 ne’e.

No tempu ne’e rasik, termina iha loron 30 fulan Novembru, atu bele iha subtituisaun ba Marí Alkatiri.say

Lee hotu :   Sosa asaun ConocoPhillips-Shell, Xanana garante aumenta rendimentu ba fundu mina-rai

Add to Comments Here!!!!

error: Content is protected.
Secured By miniOrange
You might also like:
Dia 02/10/2019 || GMNTV LIVE STREAM || DADER KMANEK

Dia 01/10/2019 || GMNTV LIVE STREAM || JORNAL NASIONAL KALAN

Dia 30/09/2019 || GMNTV LIVE STREAM || JORNAL NASIONAL KALAN

Close