PR Lú Olo : Orgaun Estadu labele sai opozisaun hodi taka dalan ba malu

Prezidente Repúblika (PR), Francisco Guterres ‘Lú Olo’,  hateten orgaun Estadu iha Timor-Leste labele sai fali opozisaun ba malu hodi taka dalan ba malu, tanba ezistensia orgaun no knár la hanesan la signifika atu sai oposizaun ba malu maibe interdependensia ezersisisu poder polítika lori funsionamentu Estadu Timor-Leste ba di’ak.

“Orgaun sira hotu tenke idak-idak kaer ninia knár, Prezidente da Repúblika mak hanesan Xefe Estadu e garante unidade Estadu nian no mós normal funsionamentu ba instituisaun sira, nune’e Prezidente da Repúblika nia aktu hotu-hotu ne’ebe nia hola, la’os aktu de opozisaun, maibe aktu de komplementariu ba orgaun sira seluk hola ona. Aktu ida ne’e labele hola hanesan fali opozisaun, prezidente da republika la halo opozisaun ba orgaun sira seluk, por tantu orgaun keta-ketak, halo ninia knár mos ketak-ketak, maibe orgaun ketak-ketak la signifika dehan katak orgaun ida tenke halo opozisaun ba orgaun seluk ida, maibe orgaun hotu-hotu ida-idak ho nia knár, maibe sira halo interdependesia do ezersisiu poder polítiku ninia, para atu bele lori Estadu ida ne’e funsiona,” PR, Francisco Guterres Lú Olo, hatoo asuntu ne’e durante diálogu ho komunidade iha Munisípiu Lautém, Sesta (11/10/2019).

Durante dialogu ho xefe estadu ne’e hetan partisipaun másimu husi populasaun no líder autoridade lokál husi nível aldeia, suku, postu administrativu lima no autoridade munisipal.

No iha sesaun dialgu  hetan mos prezensa husi korpu diplomátiku balu inklui membru govrnu balu. Ito