JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo preokupadu ho OJE 2020 bo’ot liu

PR Lú Olo preokupadu ho OJE 2020 bo’ot liu

Prezidente Repúblika (PR), Francisco Guterres Lú Olo, preokupa los ho Orsamentu Jeral Estadu (OJE) tinan 2020,  ne’ebé ho nia montante bo’ot liu, kompara ho kapasidade ezekusaun membru Governu nian.

Prezidente Parlamentu  Nasional (PPN), Arão Noe hatete, montante OJE tinan 2020 ne’e, nia informa ona ba Prezidente Repúblika, maibé Xefe Estadu konsidera montante orsamentu tinan 2020 n’ee bo’ot liu.

“Kona bá Orsamentu Jeral Estadu, ohin (horseik) ha’u mós informa, no Prezidente Repúblika hato’o nia preokupasaun uitoan kona bá orsamentu ne’ebé ho montante bo’ot, billiaun USD 1.950, iha ne’ebé Governu foti liu bebeik ho 3 pursentu, tanba ne’e hein katak, Governu iha planu diak hodi bele fó justifikasaun diak kona ba orsamentu ne’e”, informa Arão Noe ba Jornalista sira iha Palásiu Prezidensial Nicolau Lobato Díli, Kuarta (23/10/2019).

PPN ne’e akresenta, bainhira Governu  fó justifikasaun ho diak, nune’e bele kobre asaun sira ne’ebé interesante hanesan, tau atensaun ba edukasuan hanesan eskola sira, tanba Prezidente Repúblika rasik dehan katak, durante ne’e nia vizita ba iha  Munisípiu 3, Viqueque, Lospalos, no Covalima detekta katak, fasilidade iha eskola balun no saúde nian iha kondisaun ne’ebé ladun diak.

“Tanba ne’e ha’u dehan ba Prezidente Repúblika katak,  tuir ha’u nia apresisasaun ba  Governu ne’ebé aprezenta, fó prioriedade ba área edukasaun no saúde iha tinan 2020 mai, tanba ne’e iha faze debate mak ita haree rezultadu, maske Prezidente preokupa maibé, nia mós apresia, tanba ne’e sei iha justifikasau hodi garante orsamentu ne’e”, tenik Arão.

OJE 2020 Governu husu bo’ot liu kapasidade ezekusaun

Nune’e mos, bankada opozisaun FRETILIN iha Parlamentu Nasionál (PN), hatete, Orsamentu Jeral Estadu tinan 2020 nian, Governu husu bo’ot liu sira-nia kapasidade ezekusaun.

Lee hotu :   Xanana Gusmão: Solusaun “justa no democrática liu” Eleisaun Antesipada

Vise Xefe bankada FRETILIN, Francisco Miranda Branco fó ezemplu katak, realidade OJE tinan 2019 nian de’it mós, Governu ezekuta seidauk hotu.

“Ami hanoin orsamentu ne’e bo’ot demais, ba kapasidade ezekusaun loos de’it, tanba ita-nia kapasidade ne’e ami sukat ona katak, USD 1.3 ou USD 1.4 ne’e maibé, ita haksoit besik USD 2 billoesn ne’e, USD 1.950 kedan ne’e, ne’e bo’ot demais, liu ita-nia kapasidade ezekusaun”, kestiona deputada opozisaun ne’e, ba jornalista sira, iha PN, Kuarta (23/10/2019).

Deputadu Branco observa, pedidu levantamentu OJE 2020 nian iha kategoria ba bens servisu bo’ot demais, tanba ne’e presiza revê, liu-liu kona-bá saláriu ba asesor sira.

“Ami halo leitura tiha ba OJE 2020 ne’e, haree katak, bens servisu ne’e bo’ot liu fali, bens servisu bo’ot ne’e tanba sa?, bens servisu ne’e hanesan despeza sira lor-loron nian, barak liu halo kompras, karik ita-nia material eskritóriu ne’e mak ita presiza troka tinan-tinan?, ita-nia kareta sira presiza troka tinan-tinan?, ita-nia saláriu bo-bo’ot ne’ebé ita selu ba asesor sira ne’e mós presiza revê fila fali, haree saida mak sira kontribui ona ba dezenvolvimentu nasionál, no saida mak sira-nia kontribuisaun ba iha ministru sira no governante sira, keta halo ita ajuda malu de’it, hodi selu ho saláriu ne’ebé bo’ot maibé, la rezolve situasaun governativa no situasaun moris povu nian”,dehan Francisco Branco.

Iha fatin hanesan, Xefe bankada CNRT, Duarte Nunes deklara, Governu la’os atu foti osan arbiru maibé, Governu foti tuir kapasidade ezekusaun no bazeia ba planu programa Governu nian ba tinan oin.

“Orsamentu ne’e hatama mai PN, ne’e iha PN nia liman, PN mak diskute no haree ida ne’ebé mak labele, ministeriu ida ne’ebé la ezekuta, ka ezekuta latuir programa, ne’e sei diskute iha Parlamentu Nasionál, tanba ne’e, Governu hato’o ona mai, haree nia aan katak, nia bele,  tanba ne’e, agora kabe ba PN nia haree bele ka la’e, sei tetu hamutuk, tanba sei iha diskusaun kada komisoens ho ministériu relevante sira, iha ne’ebá mak sei iha konkordansia ba malu katak, ida ne’e hasai ou aumenta, nune’e, bainhira iha espesialidade, halo proposta ida, hodi hatun tan, tanba ne’e sei iha faze diskusaun, seidauk final, buat ne’ebé dehan bele hatun, ita hatun, tanba ita iha problema ida mak, impasse ida iha tinan 2 nia efeitu ne’e ba povu nia moris, tanba ne’e Governu bele haree ba situasaun ne’e, nune’e sira-nia proposta mai ita sei haree hamutuk”, konfirma deputadu AMP ne’e.

Lee hotu :   CNRT konsidera PJR viola segredu justisa

Proposta OJE 2020 ne’ebé VIII Governu Konstitusionál aprezenta ba Parlamentu Nasionál, ho montante kuaze billiaun USD 1.950.oly/say

Add to Comments Here!!!!

error: Content is protected.
Secured By miniOrange
You might also like:
Asegura selebrasaun loron finadu, PM Taur husu joven sira tenki kontribui ba estabilidade

Primeiru Ministru (PM), Taur Matan Ruak,...

Riak Leman : Veteranus Oe-Cusse labele monu ba manobra organizasaun falsu

Koordenadór Komisaun Instaladora, Vidal de Jesus...

Ahi-han Kapela iha Ramelau, kauza husi komunidade sunu-rai

Pesoal seguransa iha Ramelau, Abrão da...

Close