JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

RAMOS HORTA: VIII GOVERNU LADÚN EFETIVU EZEKUTA OJE NO PROGRAMA

RAMOS HORTA: VIII GOVERNU LADÚN EFETIVU EZEKUTA OJE NO PROGRAMA

Eis Prezidenti Repúblika (PR), José Ramos Horta konsidera VIII Governu Konstituisional ladún efetivu iha ezekusaun Orsamentu Jeral Estadu (OJE) no programa.

“Governu ne’ebé  halo desizaun no orsamentu 2018-2019 no agora prepara ona orsamentu tinan 2020, tanba ne’e Primeiru Ministru (PM) mak tenki haka’as nia governu, maka’as para exekuta OJE, kada ministériu tenki iha nia orsamentu ka laiha, iha orsamentu kada ministériu sira exekuta ka la exekuta,  nune’e tenki haka’as. Iha asesor, ita bolu asesor principal, maski membru governu na’in sia (9) la simu pose, maibé iha asesor prinsipal ne’ebé manan osan boot, labele hateten governu la funsiona ka la la’o ba oin”, Eis PR ne’e ba GMN hafoin remata partisipa programa Grande Entrevista, iha edifísiu GMN, bebora-Díli, Kinta (03-10-2019).

Relasiona ho VIII Governu Konstituisional ladún efetivu iha ezekusaun OJE no programa, Laureadu Nobel da Paz ne’e husu ba asesor princsipal sira tenki servisu maka’as no di’ak iha prosesu exekusaun.

“Asesor manan osan boot, entaun asesor prinsipal ne’e halo saída, nune’e labele hateten governu la funsiona no la la’o ba oin, tanba laiha pose, entaun asesor prinsipal halo saída, importante mak ho situasaun de facto asesor prinsipal halo servisu ka la halo servisu”, afirma Ramos Horta.

Tuir justifikasaun husi governu katak, ezekusaun la’o ladún efetivu, tanba governante balun ladauk simu pose, maibé Horta haree katak, ida ne’e la’os razaun, tanba sei iha asesor prinsipal sira mak hala’o servisu.

Tuir relatóriu governu ne’ebé públika iha fulan Jullu katak, ezekusaun OJE tinan 2019 atinji ona pursentu besik 50, ba saláriu, empréstimu no fundu kapital umanu. Ezekusaun ba kapital meñor no kapital dezenvolvimentu atinji ona porvolta pursentu 30.

Lee hotu :   Rezolve problema inundasaun iha Díli, Tinan oin Governu halo uma ba sidadaun

Entretantu, maski ezekusaun OJE tinan 2019, ladauk atinji persetajen ne’ebé ás, maibé governu mós prepara ona proposta OJE ba tinan 2020, ho montante billaun USD1.95. ety

Add to Comments Here!!!!

error: Content is protected.
Secured By miniOrange
You might also like:
Dia 03/10/2019 || GMNTV LIVE STREAM || GRANDE ENTREVISTA

Dia 04/10/2019 || GMNTV LIVE STREAM || JORNAL AS 12

Dia 03/10/2019 || GMNTV LIVE STREAM || JORNAL NASIONAL KALAN

Close