JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Reforsa seguransa iha rai-laran, Arão Noe: Governu tenki rekruta tan membru PNTL

Reforsa seguransa iha rai-laran, Arão Noe: Governu tenki rekruta tan membru PNTL

Prezidenti Parlamentu Nasional (PN), Arão Noe, husu ba governu atu rekruta tan membru Polísia Nasional Timor-Leste (PNTL), atu nune’e bele reforsa tan seguransa iha rai laran, tanba dau-daun ne’e volume joven sira oho malu kontinua amenta.

“Governu tenki rekruta tan membru PNTL, hodi reforsa seguransa iha rai laran, tanba volume joven sira oho malu kontinua amenta ba bei-beik, situasaun ida ne’e, halo ita hotu lamenta, nune’e ha’u hanoin povu sira mós lamenta asaun krimi ne’ebé akontese, joven sira sona malu no hamate malu, ho akontesimentu sira ne’e ita labele fó sala ba polísia ne’ebé ho númeru rihun 3 mil resin, nune’e la sufisiente atu atende populasaun  milliaun ida resin”, Prezidenti PN ne’e ba jornalista sira iha PN, Tersa (22-10-2019).

Xefi Órgaun Lejislativu ne’e esplika, razaun hakarak rekruta tan membru PNTL ne’e, ho intensaun atu reforsa númeru polísia ne’ebé iha, hodi bele responde situasaun ou perturbasaun orden públiku hirak ne’ebé akontese iha rai laran.

“Númeru polísia ne’ebé dau-daun ne’e iha la sufisiente atu koloka ba fatin hotu-hotu hodi kontrola situasaun seguransa iha rai laran. Apelu ba joven sira tenki iha komprensaun, labele tau ódiu no vingansa, hodi oho malu, di’ak liu foku prepara-an ba futuru, liu husi estudu, tuir treinamentu no formasaun hodi kapasita-an, atu nune’e joven sira bele partisipa iha dezenvolvimentu, sé la’e ita sai vítima hela deit”, dehan Arão Noe.

Antes ne’e, Ministru Defeza no Interior (MDI) interinu, Filomeno Paixão hateten, iha tinan 2020, sei la halo rekrutamentu ba membru PNTL, tanba rekrutamentu membru foun FALINTIL-Forsa Defeza Timor-Leste (F-FDTL) bele prense servisu polísia ni’an. ety

Lee hotu :   Embaixador chinês: Bolseiros timorenses poderão continuar os estudos na China

Add to Comments Here!!!!

error: Content is protected.
Secured By miniOrange
You might also like:
Laiha dalan rezolve membru governu pendente, PM Taur: Bele hakat tan ba eleisaun antesipada

Primeiru Ministru (PM), Taur Matan Ruak,...

PN exiji komando PNTL hasa’e kapasidade jestaun prevensaun

Prezidenti Komisaun B ne’ebé trata asuntu...

KAFI halo ajudikasaun kontratu ba projetu 35

Bankada FRETILIN iha uma fukun Parlamentu...

Close