JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sara Lobo Brites : Lei fó dalan ba governu foti osan Fundo Petroleu liu 3%

Sara Lobo Brites :  Lei fó dalan ba governu foti osan Fundo Petroleu liu 3%

Ministra Finansas Interina, Sara Lobo Brites, hatete lei fo dalan ba governu atu foti osan husi Fundu Petrolíferu liu 3% husi Rendimentu Sustentavel Estimadu (RSE) bainhira atu finansia dezemvolvimentu ruma ka infrestrutura ruma ne’ebe governu haree importante no estratéjiku.  

Sara Lobo Brites hato’o lia hirak nee hodi responde ba preokupasaun sosiedade sivil sira nian konaba proposta Orsamentu Jeral Estadu (OJE) 2020, ne’ebe aprova iha Konsellu Ministru, Kuarta (02/10) semana kotuk ho montante dolar amerikanu billaun 1,95 hakat liu bareira 3% Rendimentu Sustentavel Estimadu.

 “RSE 3% ha’u hanoin ida ne’e ita hotu-hotu komprende, ida ne’e, ita nia lei fo dalan foti hodi finansia orsamentu, maibe lei mos fó dalan atu foti liu husi RSE bainhira atu finansia dezemvolvimentu ruma ka infrestrutura ruma ne’ebe maka governu haree importante no estratéjiku, ne’ebe mak implementa iha 2020, ita foti duni liu husi RSE, sei to’o tempu ami ba aprezenta iha Parlamentu Nasional,” dehan, Ministra Finansas Interina, Sesta (04/10/2019), iha salaun Auditroria Xanana Gusmão iha Ministeriu Finansas.

Governante akresenta, iha Parlamentu Nasional sei akresenta programa iha 2020, hodi tau orsamentu hanesan hotu –hotu hatene, Billaun USD1,95.

Konaba balansu ba reseitas ho despezas, Ministra Finansas Interina hatete kompara ho despezas iha tinan 2019 nian los duni ezekusaun lao neneik hela, maibe haree liu hanesan oinsa programa ne’ebe governu planu neneik tenke iha rezultadu.

“Ida ne’e orsamentu 2020, sei ita kompara ho despezas ne’ebe maka iha 2019, los duni ezekusaun lao neneik hela, maibe hanoin ita hotu rona katak ita halo orsamentu programa ita hakarak haree rezultadu, ita lakohi aselera deit ezekusaun haree deit ita gastus ona porsentu, maibe rezultadu laiha, portantu ami haree ne’e laos kestaun ida, ami haree liu hanesan oinsa programa ne’ebe governu planu neneik tenke iha rezultadu,” dehan, Ministra Finansas Interina.

Lee hotu :   Alkatiri tarjetu FRETILIN manan iha Dili

Konaba ezekusaun OJE 2019, Ministra Finansas Interina dehan ezekusaun Orsamentu Jeral 2019, sei haree lai, tamba sei to’o iha fulan Dezembru, maibe ida ne’e labele sai impedementu ba tinan oin governu atu implementa programa stratéjiku ba Timor Leste.

Maibe governante informa, ezekusaun OJE 2019 nian to’o ona porsentu 60, la’os tanba ministeriu balun ne’ebe mak sedauk iha ministru ne’e tau ketak tiha lai, wainhira tama no haree didiak ba dadus haree ba salariu vensimentu, beins de servisu, tranfrensia publikas ne’e ninia ritmu la’o didiak hela la’o tuir ninia tempu.

Nia mos rekoñese, iha parte infrestrutura mak ninia ezekuasaun orsamentu mak ki’ik liu, tanba ne’e tenke haree ba projeitu ninia fizikus depois maka ita foin ba selu, la’os ba selu deit ida ne’e mak kestau ida ba ezekusaun ne’ebe mak ladun bo’ot.

Ministra Finansas Interina Sara Lobo mos dehan orsamentu 2020 ne’ebe salariu bens servisu nian bo’ot, hodi selu ba kompañia ne’ebe mak ense mina ba sentral elekrisidade Hera no Betanu.

“Salariu Ben’s servisu nian  ba tinan ida ne’e bo’ot ba iha selu petroliu gazoel ba sentrla elektrisidade iha Hera no Same Betanu ida ne’e mak kotribui, tanba iha 2017, iha altura ne’eba ne’e konbustivle ba fatin rua nene’e fulan 6 nian, ho montante orsamentu ne’e lori to’o mai fali iha 2018 no 2018 la konsege selu kompletu to’o mai 2019 foin dadaun komite revizaun orsamentu ministru aprezenta katak iha nesesidade bele atu tau osan iha 2020 hodi bele selu tiha governu nia obrigasaun ba kompañia sira ne’ebe mak ense mina elektrisidade sira ne’e,” dehan Ministra.

Lee hotu :   PR Lú Olo ofisialmente dekreta estensaun EE

Nune’e, Ministra Finansas Interina dehan ho orsamentu 2020 hamutuk ho  devidas ne’e hotu total orsamentu provolta dolar amerikanu, millaun 100 resin hodi selu mina, ida ne’e mak kontribui ba salariu bens servisu nian hodi ás. Eus

Add to Comments Here!!!!

error: Content is protected.
Secured By miniOrange
You might also like:
PROMETE “DESMANTELAR REDE MAFIOSA” NO SETOR DA JUSTIÇA CÁRCERES: EM BREVE, PÚBLICO VAI SABER

Apesar de o Ministro da Justiça,...

AHI HAN UMA 100 IHA ERMERA, VÍTIMA SIMU ONA APOIU HUMANITÁRIA

Ahi han mutuk uma atus ida...

EMBAIXADOR DE PORTUGAL: AQUISIÇÃO DE NACIONALIDADE PORTUGUESA É MAIS FÁCIL PARA TIMORENSES

O Embaixador de Portugal em Timor-Leste,...

Close