JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SRJE fó omenajen ba saudozu Sebastião Gomes “Jorge Serrano : Tenke konta istória ho loloos”

SRJE fó omenajen ba saudozu Sebastião Gomes  “Jorge Serrano : Tenke konta istória ho loloos”

Reprezentante Sobrevivente Rezisténsia Juvenil no Estudantil (SRJE), Jorge Manuel de Araújo Serrano, hateten, sorumutu ne’ebé SRJE hala’o ba saudozu Sebastião Gomes ne’e, la’os atu halo ezijénsia, maibé atu husu oinsa bele konta istória ho loloos no tau iha ninia fatin.

“Ha’u hanoin ida ne’e rezumu resekuensia ba akontese tomak no liu-liu loron ida ohin (28/10) fó importansia ba ita nia saudozu, Sebastião Gomes no la’os katak, atu halo ezijénsia, maibé atu tau istória loloos no iha ninia fatin, tanba ita hatene muito bem, agora ita komesa harí Konsellu Veteranus hodi buka tau dadus loloos no iha ninia fatin“, Jorge Serrano liu husi konferensia Imprensa, iha resintu Igreja Santo António, Motael-Díli (28-10-2019).

Sobrevivente ne’e esplika, joventude sira komesa organiza malu ne’e, mosu iha Timor komesa husi kapital Díli, iha loron 28, fulan Outubru, tinan 1991, hamutuk ho joven sira seluk organiza hodi halo asaun sira ne’e hahú husi Motael, maibé iha mós asaun sira seluk, balun fora husi Timor-Leste.

“Iha mós asaun barak ne’ebé fora husi Timor-Leste, hanesan iha Indonesia, ita nia maluk sira halo buat sira ne’e hotu mak rezultadu ikus mai ita ba referendum no manan ukun-an, ha’u hanoin maneira ida iha momentu ne’ebá militar Indonesia tenta atu halo presaun ba juventude sira, halo tauk ita atu labele mosu tan asaun sira seluk, maibé kontrariu depois akontesementu iha Motael, ita nia maluk saudozu Sebastião Gomes nia mate, joven tomak hamri’ik fó solidaridade ba nia, basa iha 12 de Novembru sai asaun ida ne’ebé boot teb-tebes, hodi fanun ita hotu no povu tomak, liu-liu mundu internasional hodi hatene katak, iha povu ida ne’ebé hamlaha no hamro’ok hela ba ninia liberdade no ukun-an”, tenik Jorge Serrano.

Lee hotu :   Brasil apoia digitalização do sistema judicial timorense

Entretantu loron 28 Outubru ne’e, nu’udar loron istóriku ba Timor-Leste, tanba iha loron 28, fulan Outubru, tinan 1991, saudozu Sebastião Gomes remata ninia peregrinasaun iha mundu, tanba hetan oho husi inimigu no husi ne’e mak hamosu loron 12 Novembru, ne’ebé ohin loron konsagra nu’udar loron nasional juventude nini’an.

SRJE nia enkontru ne’e reprezenta mós maluk sira ne’ebé moras no sira ne’ebé mak mate ona iha tempu luta no ukun-an, no mós balun iha Portugal, Inglatera no Australia. eni

Add to Comments Here!!!!

error: Content is protected.
Secured By miniOrange
You might also like:
PN konsidera MOP laiha kapasidade ezekuta OJE 2019 “CNRT sadik MOP atu labele repete iha OJE 2020”

Uma fukun Parlamentu Nasional (PN) konsidera...

Enfrenta krizi finanseira, Klínika Bairo-Pité sei husu kontribuisaun husi pasiente

Atu fasilita fundu transporte funsionáriu klínika...

AME kondena aktu profesór haruka estudante rei-malu

Autoridade Munisípiu Ermera (AME) kondena maka’as...

Close