Uniaun Europeia apoia millaun USD 25 ba TL

Uniaun Europeia apoiu fundus millaun USD 25 ba Governu Timor-Leste ,hodi investe iha setór Boa Governasaun no Dezenvolvimentu Rural nasaun nee.

Ministériu Negósiu Estranjeiru no Kooperasaun  ho Uniaun Europeia realiza segunda reniaun  komité pilotagem programa indikativu nasionál tinan 2014 to’o tinan 2020.

“Objetivu husi reuniaun ida ne’e ohin atu haree fila-fali ,reve-fila-fali rezultadu ne’ebé mak mai husi fundus Uniaun Europeia , governu alkansa ona durante periodu 2 anos, ida ne’e reuniaun  ba dala 2 iha tinan kotuk nasionál Indicative programme Steering Commitee Meeting ,  iha tinan ne’e ami halo fila-fali hodi haree projetu ne’e ninia servisu alkansa to’o iha ne’ebé ona no ninia planu servisu ne’e to’o iha ne’ebé ona,  total fundus uniaun europeia ne’ebé tau iha ne’e hamutuk  $ 25 Milhões husi ne’e servisu ba iha setór 2 maka  boa Governasaun no Dezenvolvimentu rural”, dehan embaixador Uniaun Europeia.

Programa ida mak Uniaun Europeia bolu dezenvolvimentu projetu nasionál Chega iha futuru ne’ebé  implementa husi GIZ  ne’ebé fó asistensia  servisu direitamente ho komunidade sira iha parte Baucau,Viqueque,Manatuto no Lospalos ne’ebé mós fahe ai oan atu sira bele kuda  hodi benefisia sira direitamente.

“Ami mós iha programa ida konaba informasaun  liu husi governu ninia tezoru hodi fó asistensia  direitamente ba iha  sira.Timor-Leste  ho Uniaun Europeia ajudu liu husi programa baze dezenvolvimentu ne’ebé direitamente Uniaun Europeia ba iha governu nia konta bankaria ,maibé osan sira ne’e sei selu,wanhira indikadores ne’ebé deside ona entre Governu Timor-Leste ho Uniaun Europeia”, dehan  Embaixadór Uniaun Europeia.

Diplomata Uniaun Europeia afirma apoiu Uniaun Europeia nian ba Timor-Leste foka liu ba objetivu dezenvolvimentu sustentavel nian hanesan dezenvolvimentu área rural,nutrisaun,jestaun orsamentu públiku no desentralizasaun.

Alende ne’e iha tinan 2021 Uniaun Europeia sei iha programa ida, maibé ne’e sei deside liu husi diskusaun entre Uniaun Europeia ho Governu Timor-Leste, tamba atu servisu iha setór saida seidauk deside.Tos