JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT ameasa vota kontra OJE 2020

CNRT ameasa vota kontra OJE 2020

Bankada CNRT, iha Parlamentu Nasionál (PN), ameasa atu vonta kontra Orsamentu Jeral Estadu tinan 2020, tanba konsidera orsamentu ne’e bo’ot liu.

Deputada Virginia Ana Belo, husi bankada CNRT liu husi audiénsia ho Ministra Finansan Sara Lobo Brites iha Segunda (04/11/2019) hatete, bainhira laiha mudansa ba montante OJE tinan 2020 nian, mak CNRT sei vota kontra orsamentu ne’e.

 “Ezekusaun orsamentu 2019 nian ki’ik, labele sai razaun ba OJE 2020 nian ho montante bo’ot hanensan ne’e, haree ba ligasaun entre planeamentu ho orsamentu mós laiha, ha’u bele hatene uza planu ne’ebé aprezenta ka uza liña orientasaun seluk, sei 2020 ita foti USD 1.950, fiar 2021 ne’e ita sei la foti ba kraik tan maibé, sei sa’e tan de’it, nia sustentabilidade fizkal ne’e oinsa?, sei bele to’o 2030 ka ita la to’o ona, tanba fundu hotu tiha ona, tanba iha parte seluk, ita-nia reseitas doméstika ki’ik no seidauk bele sustenta ita-nia saláriu vensimentu ba Estadu tomak”, kestiona Virginia Ana Belo bainhira halo audiênsia públiku ho Ministra Finansa iha PN.

Tuir deputada CNRT ne’e nia haree, OJE 2020, Governu halo kolokasaun orsamentu arbiru de’it, tanba latuir kategoria ne’ebé loloos no merese.

Alende ne’e, membru PN ne’e mós proekupa, tanba kada ministériu iha assessor nasional barak tebes, kuaze 20 ba kada ministériu ida.

“Haree fali OJE mós, nia kolokasaun orsamentu ne’e de’it ladun iha estrutura ne’ebé di’ak, tanba despeza dekorente bo’ot liu kompara ho orsamentu ba kapital, ha’u la’os ekonomista maibé, ida ne’e perigozu tebes ba ita. Haree fali ba kapasidade ekonomia hodi absorve, sei la sala antes, tama orsamentu, ita bo’ot sira (governu) iha ona senáriu tolu atu prepara orsamentu, ida mak sustentável, ne’e entre reseitas doméstika no RSE de’it, se la sala ita bele hetan USD 634 milloes liu, senáriu ida seluk mak, senáriu ida realístiku liu, ne’e mak USD 1.3, nusa mak ita la halimar de’it ona iha senáriu realístiku ne’e. Ha’u bele kompriende iha fali senáriu 3, ita bo’ot sira (governu) ba ho USD 1.6 maibé, halo nusa mak nia mosu fali mai PN ne’e, ho montante USD 1.950 ne’e, lahatene tékniku iha finansa ne’e fó hanoin ba Konsellu Ministru ka la’e?. Bazeia ba prinsípiu sira ne’ebé temi ona, mak orsamentu ba 2020 ne’e la tama iha ita-nia kakutak, nia labele ba ho USD 1.950 billoens, kolokasaun orsamentu ne’e mós barak liu mak iha asistensia tékniku, kada ministériu nian, mais de 50% maibé, kuandu ami halo audiénsia ho ministériu balun, sira subar buat barak, halo finze tau hela buat internasional ida de’it mak iha, depois nasionál ne’e fotografia ema sira halo dokumentasaun mós iha hotu asesor, ha moos de’it uma mós iha hotu asesor, saída mak ida ne’e?. Asosores nasionaís ne’e iha kada ministériu ne’e bele to’o 20 maibé, assessores internasionais ida de’it, nasionais para butuk, lahatene ita atu akomoda malu para halo saída?. Iha transferênsia públika, orsamentu atu halo eskola, no orsamentu atu halo klínika, tau fali iha transferênsia públika, sei ida ne’e mak Governu hahú sobu ona sistema ne’e, ha’u fiar katak, tinan oin 2020 nia ezekusaun sei ki’ik liutan, tanba ne’e lahatene ita boot sira hatete saída ba Governu?, atu sosa ró feri ne’e tau fali iha bens servisu, saída mak ida ne’e?, halo ita bilaan tiha de’it, bainhira haree orsamentu ida ne’e. Buat ne’ebé tuir loloos iha kapital menor mós tau fali iha bens servisu, buat ne’ebé iha kapital dezenvolvimentu ba fali iha transferénsia públika. Sei laiha mudansa, ha’u nia pozisaun sei vota kontra ba OJE 2020     ne’e”, deklara reprezentante povu ne’e.

Lee hotu :   GOVERNU FOUN BELE KONTINUA PROJETU TASI MANE

Hatán ba kesaun ne’e, Ministra Finansa Interina, Sara Lobo Brites esplika, laiha possibilidade atu reduz orsamentu hirak ne’e, tanba iha programa prioridade barak mak Governu  planeia atu implementa iha tinan 2020.

“Ezekusaun ki’ik ne’e nia valor agregadu mak hanesan ohin fó sai ona, 50% liu maibé, bainhira tama por kategorias, ita bele obrserva katak, kategoria saláriu, bens servisu, transferência públiku, nia ritmu ne’e tuir hela nia tempu, tanba saláriu ita tenke selu to’o iha tinan nia rohan, ita labele selu de’it iha fulan 9 ka 10, hanesan mós bens servisu, ezekusaun ki’ik liu iha kapital menor no kapital dezenvolvimentu, tanba ne’e mak dala barak tarde, tanba iha prosesu ne’ebé mak naruk, prosesu aprovizionamentu de’it mós lori tempu, liu-liu hanesan infraestrutura, ne’e projetu fízikus ne’e lori tempu. Ita mós labele ba selu nar-naran de’it maibé, ita selu bainhira ita haree progresu servisu iha maibé bainhira ita-nia ezekusaun haree liu ba rezultadu, kompras sira ne’e seidauk simu, progresu fíziku sira seidauk simu, ita seidauk bele selu. Sasukat ne’ebé mak ami uza, ida ne’e labele sai fali sasukat atu reduz fali orsamentu ba tinan oin, tanba tinan oin programa lubuk ida mak Governu hakarak implementa no estratéjiku tebes, ita labele demora kleur liu, tanba ne’e prioridade ba nesessidade”, esklarese Sara Lobo.

Governante ne’e relata, orsamentu 2019 nian ba kategoria kapital menor no kapital dezenovlivmentu nia ezekusaun, sei seidauk atinji to’o 50%.

“Ezekusaun ita laduni nia persentajen maibé, ita haree liu ba nia progresu, tanba ne’e, kuandu to’o iha tempu tuir kmalendáriu ne’ebé dehan katak, atu taka mak ezekusaun seidauk to’o 100%, ita selu tuir ida ne’e de’it, ita labele selu ida ne’ebé mak liu husi ida ne’e,”tenik Lobo.

Lee hotu :   Hafoin governu fó konfiansa lidera RAEOA-ZEESM, LuGu prontu asumi kargu ne’ebé nia simu

Orsamentu Jerál Estadu (OJE) 2020 nian, VIII Governu Konstitusional propoin ho montante billiaun USD 1.950 .say

Add to Comments Here!!!!

error: Content is protected.
Secured By miniOrange
You might also like:
Filomeno Paixão: Krime akontese iha kapitál Díli nee organizadu

Ministru Defeza no Interior Interinu, Filomeno...

UPF prende tan atributu PSHT

Membru Unidade Patrullamentu Fronteira (UPF) prende ...

Padre Mouzinho Pereira Lopes : Imprime livriñu Missal Romano foun ba fa’an, Igreja sei prosesa tuir lei

Foto:GMNTV Sekretáriu  Nasional Liturjia, Padre  Mouzinho...

Close