JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT vota kontra OJE 2020, Tilman: Governu monu, lei fó dalan ba EA

CNRT vota kontra OJE 2020, Tilman: Governu monu, lei fó dalan ba EA

Jurista Timor-Oan, Manuel Tilman, hateten, konstituisaun República Democrática de Timor-Leste (RDTL) fó dalan ba Eleisaun Antesipada (EA), wainhira bankada CNRT vota kontra Orsamentu Jeral Estadu (OJE) tinan 2020 ba dala-rua tutuir malu, enkuantu opozisaun FRETILIN ho Partidu Demokrátiku mantein sira-nia polítika vota kontra.

“Karik OJE la pasa dala-rua mak governu monu no tenki sai hodi hakat ba EA, tanba konstituisaun fó dalan, maibé antes atu vota kontra OJE 2020, tenki haree iha aspeitu jurídikamente ba pontu importante rua, primeiru iha ezekusaun OJE 2019 iha diskriminasaun ba reseita, segundu diskriminasaun ba despeza ne’ebé la koresponde ba nesesidade povu, ezemplu iha área edukasaun ne’ebé tinan ba tinan ema tur deit iha rai no tenki justifika despeza saída mak hatán ona ba ezekusaun OJE 2019, signifika meja ho kadeira konsege distribui hotu ba eskola iha Timor, inklui ekipamentu, aimoruk sufisiente ona iha ospital sira no husi despeza hirak ne’e tenki iha reseita, karik despeza boot, maibé laiha justifikasaun, entaun vota kontra dala-rua hodi hakat ba EA”, Manuel Tilman ba GMN iha ninia kna’ar fatin, Praia dos Coqueiros-Díli, Kuarta (06-11-2019).

Jurista Timor-Oan ne’e, konkorda ho bankada CNRT, karik vota kontra OJE 2020, tanba ezekusaun OJE 2019 la responde ba kompromísu eleitoral.

“Ha’u konkorda ho CNRT, sé sira lee di-diak OJE 2020 bazeia ba não diskriminasaun ba reseita tuir programa dezenvolvimentu no tuir planu estratéjiku to’o tinan 2030, ho despeza ne’ebé boot laiha justifikasaun, entaun vota kontra”, tenik Manuel Tilman.

Nia esplika mós katak, tuir konstituisaun RDTL, artigu 106 katak, partidu mais votadu mak indika Primeiru Ministru (PM).

Lee hotu :   PN konsidera polítika Governu impede kualidade iha UNTL

“Tuir konstituisaun artigu 106 katak, partidu mais votadu mak indika PM, la’os partidu mais votadu manan, maibé hases-an fali no ida seluk mak ambisiozu hodi hakarak ukun, maibé ho deit deputadu 8 no laiha power atu manda, entaun bele hakat ba EA, nune’e povu mak determina sé mak manan eleisaun iha obrigasaun atu ukun, ne’ebé prevé ona iha konstituisaun artigu 106, kona-bá formasaun governu no artigu 145 kona-bá OJE”, esplika Manuel.

Entretantu iha Segunda ne’e, bainhira halo audénsia ho Ministra Finansas, Sara Lobo Brites iha PN, deputada bankada CNRT, Virgínia Ana Belo, ameasa sei vota kontra OJE 2020, bainhira laiha mudansa ba montante orsamentu ne’ebé atinji USD1.950.

VIII Governu forma husi partidu CNRT, PLP no mos KHUNTO ne’ebé hanaran-an Aliansa Mudansa ba Progresu. Maibe ikus-ikus ne’e CNRT komesa halo krítika maka’as hasoru VIII Governu ne’ebé lidera husi Primeiru Ministru Taur Matan Ruak, liu-liu ezekusaun OJE 2019 seidauk atinji 100%, maske tinan ne’e atu besik remata ona.ita

Add to Comments Here!!!!

error: Content is protected.
Secured By miniOrange
You might also like:
Governu fó konfiansa ba José Luis Guterres lidera RAEOA-ZEESM

Oitavu Governu Konsititusional fó konfiansa ba...

Antesipa hamlaha, CLN ho Setór Privadu sei prepara stock foos ba povu

Centro Lojístika Nacional (CLN), realiza enkontru...

Komite 12 Novembru rekolla ona dadus mate restu

Presidente doze Novembru Grigório Saldanha hateten...

Close