JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Hakotu impase, CNRT apoia PM diálogu ho PR ■ Jurista Avelino: Presiza reforma kuadru legál

Hakotu impase, CNRT apoia PM diálogu ho PR  ■ Jurista Avelino: Presiza reforma kuadru legál

Deputadu bankada Congresso Nacional Reconstrução de Timor (CNRT) iha Parlamentu Nasional (PN), Aderito Hugo da Costa, apoiu opiniaun Primeiru Ministru (PM), Taur Matan Ruak atu halo diálogu ho Prezidenti Repúblika (PR), Francisco Guterres “Lú Olo”, hodi hakotu impase polítiku iha Timor-Leste.

“Ha’u kaer nafatin komunikasaun ne’ebé reprezenta AMP ba órgaun seluk, inklui Xefi Estadu, Primeiru Ministru, saída mak Xefi Governu halo reprezenta AMP iha kontextu komunikasaun ho órgaun seluk, inklui Xefi Estadu, maski desizaun Xefi Governu kontra rezolusuan númeru 2/2019, maibé rezolusaun hanesan deliberasaun ezekusaun ne’e, jestu ezekusaun ba rezolusaun sira ne’ebé iha kna’ar atu ezekuta ho maneira oi-oin. Em prinsípiu rezolusaun delibera ona maneira ezekusaun depende ba jestu ida-idak atu ezekuta deliberasaun ne’ebé halo ona iha konferénsia nasionál AMP daruak, tanba CNRT apoia opiniaun Xefi governu mak hala’o kna’ar ida ne’e, durante ne’e simu kargu hanesan PM hodi halo diálogu ho órgaun sira, tantu partidu polítiku, inklui reprezentante AMP. Deklarasaun ba públiku, inklui kontaktu formal Estadu, halo jestu koordenasaun komunikasaun ne’ebé PM expresa ida ne’e mak halo, nune’e bele hato’o aspirasaun ne’ebé mai husi AMP ba órgaun sira seluk”, deputadu bankada CNRT ne’e ba GMN bainhira partisipa programa grande entrevista iha edifísiu GMN, Bebora-Díli, Kinta (21-11-2019).

Situasaun impasse polítiku iha rai-laran la’o durante tinan rua (2) resin ona, maibé to’o agora seidauk iha solusaun, tanba ne’e Xefi Govenru deklara apoia atu halo diálogu ho Xefi Estadu.

Maski rezultadu konferénsia nasionál daruak iha Tibar-Liquiça, bankada Amp la apoiu halo diálogu, bainhira la halo justifikasaun júridika ba  membru governu indijitadu ne’ebé seidauk simu pose PR Lú Olo.

Lee hotu :   Osan ba fulan Abril la sufisiente, PPN sujere Governu hato’o sedu pedidu levantamentu

Husi sorin seluk, jurista, Avelino Coelho, hateten, halo diálogu nu’udar dalan di’ak liu buka entendimentu entre partidu sira, hodi bele fó solusaun, maibé Timor-Leste la ezisti impase polítiku, tanba órgaun hat (4) funsiona hela.

“Impase polítiku la ezisti órgaun soberania 4 funsiona hela, ha’u-nia klasifikasaun impase iha kompozisaun elenku governamental, maski laiha Ministru mós Diretór Jerál hala’o servisu, iha Ministru interinu, konseitu ministru interinu no ministru subtitutu, kuandu ministru ba fatin ruma mak subtitui hela Ministru interinu, kuandu ministru seidauk simu pose. Dalan di’ak mak ita atu rezolve diálogu entre Timor-Oan hotu, ita hotu nia terus, kolen no sakrifísiu ba rai ida ne’e mak demokrásia funsiona, nune’e diálogu mak sei lori ita ba konsensus ida”, dehan Coelho.

Avelino Coelho hatete tan, durante ne’e ema hotu diskuti mak ezekusaun Orsamentu Jeral Estadu tarde, ezekuta ba saida. Maibe la haree ba kauza.

“Kauza saida mak ita haree ba ezekusaun neé lentu entaun liga ona ho kuadru legais. Ita aplika leis balu que lei ne’e lao dook tiha ona, ita seidauk bele toó iha neéba portantu presiza reforma kuadru legal permite ezekusaun orsamentu jeral estadu ne’e lais; segundu ita haree ita nia mákina administrativa. Ita iha Timor iha ábitu kultura ida ita koalia kreximentu, ita la koalia dezenvolvimentu. Kuandu ita koalia kreximentu, ita hanoin dehan orsamentu estadu injeita ba sosiedade, aumenta kapasidade de kompra. Agora presiza muda mak perspektiva ida neé, kria kuadru jurídiku h kuadru polítiku ida neébé mak orienta ema atu koalida kona ba dezenvolvimentu. Ita nia alvu ne’e laos kreximentu, ita nia alvu neé perspektiva dezenvolvimentu, sosio ekonómiku. Ita dala barak ita halo lei, lei ne’e lao dook (avansada liu) liu fali ita. Ita presiza hadia lei no regras para fasilita ezekusaun orsamental. Agora ita labele avalia deit husi regras neébé ida, dalabarak regra neé mak difikulta ita”,dehan Avelino Coelho.

Lee hotu :   CNRT-PLP “hadau lesuk” PD, Assanami: Ami prontu foti risku envolve iha Governu foun

Antes ne’e, PM, Taur deklara apoia pozisaun PR Lú Olo promove diálogu, tanba impase polítiku la la’o, durante tinan rua ona, maibé seidauk iha solusasaun nafatin.

Tenki halo diálogu

Conselho Nasional Juventude Timor Leste (CNJTL), husu ba líder nasionál sira atu halo diálogu, hodi hakotu impase polítiku ne’ebé dau-daun ne’e akontese iha Timor-Leste.

“Situasaun atual ne’ebé ita haree, barak hateten impase, balun la konkorda ho impase polítiku iha ita nia nasaun, parte husi CNJTL nia pontu de vista atu hateten kestaun ida ne’e, ita haree parte órgaun Estadu sira kuaze defende-an katak, sira nia hahalok, sira nia desizaun no razaun tuir hela konstituisaun nia legalidade. CNJTL ne’e organizasaun masa rezisténsia, mahon husi organizasaun juventude sira, hakarak husu ba líder nasional sira, ho kostura ne’ebé sira iha, ho kaliber ne’ebé iha, favor ida tur hamutuk fó fuan, loke fuan ba malu, labele arogante, tenki hateke komum hateke ba interese nasaun no hateke ba interese bem komum”, Prezidenti CNJTL, Maria Dadi Magno ba GMN iha ninia kna’ar fatin, Farol-Díli, Sesta (22-11-2019), hafoin hala’o enkontru regular ho Koordenador CNJTL husi munisípiu 12, inklui Rejiaun Administrativa Espesial Oe-Cusse Ambeno (RAEOA).

Nia, afirma, líder nasionál sira tenki hatudu maturidade polítika, oinsa bele tur hamutuk atu projeta, tanba solusaun ba situasaun ne’ebé dau-daun ne’e nasaun no Estadu enfrenta ne’e, ninia solusaun la’os deit Eleisaun Antesipada (EA).

“Ami jerasaun foun hakarak dignifika nafatin ita boot sira hanesan postura líder sentral no nasional, atu hatudu nafatin ita boot sira nia maturidade polítika, oinsa bele tur hamutuk, liu-liu, atu projeta ona, la’os dalan di’ak liu mak EA, maibé pelumenus ita boot sira hahú duni kultura ne’ebé di’ak, liu-liu oinsa konsolida unidade rasik husi ita boot sira”, tenik Prezidenti CNJTL ne’e.

Lee hotu :   UDT, FM ASINA AKORDU HO APM

Maria Dadi Magno, apela mós ba líder nasionál sira hanesan Kay Rala Xanana Gusmão, Mari Alkatiri, Ramos Horta, Taur Matan Ruak, Francisco Guterres “Lú Olo” no selu-seluk tan, atu halo diálogu, nune’e bele husik hela kultura ba jerasaun foun, hodi banatib tuir.Ety/mya

Add to Comments Here!!!!

error: Content is protected.
Secured By miniOrange
You might also like:
Ahi mate iha Aeroportu Comoro, PN konsidera hatudu imajen ladiak ba mundu

Prezidenti komisaun E ne’ebé trata asuntu...

EBC Cribas uza be’e mota hodi tein merenda eskola

Diretóra Ensinu Bázika Centrál ( EBC)...

Evita Elisaun Antesipada PM Taur apoia desizaun PR ba promove diálogu

Atu evita mosu Eleisaun Antesipada, Primeiru...

Close