José Luis Guterres sai embaixadór Timor-Leste ba Zenebra

Governu hili eis Vise Primeiru Ministru,José Luis Guterres sai embaixadór Timor-Leste nian ba Zenebra, hodi troka Joaquim Fonseca.

“Hau ohin  mai hasoru ho Primeiru Ministru Taur Matan Ruak, atu konfirma karta ne’ebé hau simu husi Governu ,atu sai embaixadór Zenebra .Hau prontu simu kna’ar ne’ebé Governu fó hau ,atu hala’o servisu diplomata iha rai liur nu’udar Timor oan hau sei esforsu hodi servi nasaun ne’e liu husi hau nia kna’ar iha rai liur liu-liu politika diplomata entre nasaun Timor-Leste ho nasaun sira seluk iha mundu internasionál”,  Eis Vise Primeiru Ministru hato’o asuntu ne’e hafoin hasoru malu ho Primeiru Ministru Taur Matan Ruak iha Palásiu Governu,Segunda (4/11).

José Luis Guterres, antes nee mos nu’udar  Ministru Negósiu Estranjeiru no Kooperasaun no mos embaixador Timor – Leste nian ba Nova Iorke.

Diplomata senior nee hatete, nia prontu simu kna’ar importante ne’e ,tamba Prezidente Repúblika simu ona proposta governu ba ninia nomeiasaun atu sai embaixadór.

Durante iha sorumutu ho Xefe Governu ne’e ,koalia mós konaba oinsa mak atu garante lalaok Oitavu Governu nian to’o tinan Lima.Tos