PM orienta MF Sara Lobo Brites tau matan ba asuntu importante tolu

Primeiru Ministru (PM),Taur Matan Ruak fó orientasau ba Ministra Finansas (MF),  Interina, Sara Lobo Brites atu tau matan ba asuntu importante tolu, tau matan ba vítima desatre natuias, pagamentu ba espiskopal no apoia governu nian ba eleisaun iha Guine Bissaun.

Ministra Finansas Interina Sara Lobo Brites, hato’o lia hirak nee ba jornalista sira, Tersa (05/11)hafoin  hasoru malu ho Primeiru Ministru iha Palásiu Governu.

“Ohin orientasaun husi Primeiru Ministru nian  atu tau matan hela asuntu 3 primeiru mak dezastre naturais ne’ebé akontese iha munisipiu nune’e oras ne’e dadaun parte kompotente sei halibur hela dadus hodi responde ,apoiu Governu  no pagamentu sira ne’ebé mak tenki  urjente oituan,tamba primeiru iha episkopal nian ne’e hetan ona parseirus husi komara de kontas  ne’eduni primeiru ministru husu para bele aseleira pagamentu, tamba ita agora iha ona fulan Novembru tuir fali apoiu husi Governu Timor nian ba Guinébisau PM orienta MF atu taua matan ida ne’e”, de Ministra Finansas Interina Sara Lobo Brites.

Governante nee dehan hasoru malu ne’e xefe governu fó orientasaun ba nia atu tau matan ba  komunidade sira ne’ebé hetan inséndiu iha munisipiu Liquisa, Ermera, Aileu no munisipiu Bobonaro.

Asuntu seluk nebe Ministeriu Finansa tenki tau matan lalais maka apoiu Governu Timor-Leste nia ba eleisaun Guiné Bissau no mos aseleira prosesu pagamentu ba urjente sira ,tamba tama ona fulan Novembru.

Konabá vítima dezastre naturais dadaun ne’e ministériu relevante sira sei halibur dadus atu nune’e iha tempu badak Governu bele responde ona.

Nune’e mós konaba pagamentu urjente, iha tempu besik sei halo pagamentu ba episkopál ,tamba hetan ona parseiru husi Kamara de Kontas.

Maibé kona ba Governu Timor-Leste nia apoiu ba eleisaun Guiné Bissau Ministra Finansas la esplika detallu, tamba sei iha prosesu nia laran.Tos