Governu nomeia Xanana sai reprezentante espesiál ba Ekonomia Azul iha TL

Governu liu husi Konsellu Ministru, nomeia Xefe Negosiadór Prinsipal Delimitasaun Fronteira Marítima, Kay Rala Xanana Gusmão, hodi reprezenta Governu no sai reprezentante Espesiál ba Ekonómia Azul iha Timor-Leste (TL).

“Ohin (Horiseik) Konsellu Ministru hahú aprova nomeisaun maun boot Kay Rala Xanana Gusmão, ba reprezentante Governu ninia ba buat ne’ebé ita bolu ekonómia azul ne’ebé ohin loron mundu tomak nasõens unidas promove makas ne’e relevante mós ba ita, tamba ita foin manan iha konseliasaun buat ne’ebé UNCLOS,  united convension ne’ebé fo mós kna’ar todan ba ita nia rai atu tau matan ba tasi liu-liu konaba tasi ne’ebé pertense ona ba ita nia soberania ne’ebé konsege iha akordu, ne’ebé Konsellu Ministru aprova proposta rezolusaun governu ne’e”, dehan Agio Pereira iha Konferénsia Imprensa, Kuarta (18/12),  iha Palásiu Governu.

Governante ne’e esplika, pozisaun ne’ebé  Xanana Gusmão, assume dadaun ne’e atu fó advokasia no apoiu iha nível nasionál no internasionál ba kresimentu  ekonómia, no mós oinsá uza  didi’ak rekursu Oseániku sira hodi hasa’e ekonómia, ne’ebé aprezenta oportunidade barak tebes ba Timor-Leste ninia dezenvolvimentu sosiál no ekonómiku.

Proposta Rezolusaun Governu ne’e,aprezenta direita husi Primeiru Ministru Taur Matan Ruak,reniaun Konsellu Ministru no hetan kedas aprovasaun.

Kna’ar ne’ebé lider Xanana, simu ne’e mos atu tau matan ba tasi Timor nian ne’ebé pertense ona ba soberania Timor-Leste nian.Tos