Janeiru debate OJE 2020, PR Lú Olo: Sei atraza dezenvolvimentu nasionál

Prezidente Repúblika (PR), Francisco Guterres Lú Olo, hatete, debate Orsamentu Jeral Estadu ne’ebé sei hala’o iha fulan Janeiru, tinan 2020, sei atarza prosesu dezenvolvimentu nasionál iha kualker setór.

“Prezidente Repúblika so iha pontu de vista ba orsamenu jeral estadu ne’e  bainhira nia simu, no husi Parlamentu Nasional diskuti no aprova  ona, naturalmente Prezidente Repúblika, so apartir ida ne’e mak bele fó nia opiniaun rasik, no agora nia la bele adianta. Dezenvolvimentu ne’e realmente atraza”, katak Xefe Estadu ne’e ba Jornalista sira, bainhira partisipa loron daruak Kongresu Dahuluk Kombatente Libertasaun Nasional, Sesta (20/12) iha Centru Convensaun Díli.

Lú Olo esplika, normalmente  kuandu atraza orsamentu iha duo désimu hodi kontinua asegura nafatin mákina Estadu nian, maibé  dezenvolvimentu ne’e realmente atraza.

“La’os dehan orsamentu ne’e la’o, maibé orsamentu sei atraza, ba duodésimu ne’e depende orsamentu jeral Estadu aprova ona. duodésimu ne’e mós taka ona, depende husi Parlamentu Nasionál  sei deskuti orsamentu ne’e para bele aprova lalais oinsa, no ita bele hein took, no ha’u labele hatete katak, duodésimu ne’e sei to’o  Marsu no fulan seluk mai”,  salienta Lú Olo.oly