Ohin Governu submete proposta lei OJE 2020 ba PN

Maske Governu atu aprezenta ona proposta Orsamentu Jeral  Estadu (OJE) 2020 nian ba Parlamentu Nasional iha Kinta (19/12) ne’e, maibe Konsellu Ministru (KM) seidauk aprova proposta OJE ba tinan oin ne’e. Tuir planu governu nee OJE 2020 nee sei aprova iha reuniaun Konsellu Ministru iha Kinta (19/12) dadersan nunee submete kedas ba Parlamentu Nasionál.

 “Aban dader tuku:10 Otl, reniaun konsellu ministru extra ordinariu aprova ona orsamentu OJE 2020 no aban hatun kedas ba Parlamentu Nasionál hodi bele Parlamentu bele konsidera no halo kalendarizasaun ba debate fali”, dehan Ministru Estadu Prezidénsia Konsellu Ministru Agio Pereira, liu husi konferénsia imprensa, Kuarta (18/12), iha Palásiu Governu.

Proposta OJE 2020 antes iha motante billaun USD 1.950, maibe Parlamentu Konsidera proposta OJE nee boot liu nunee husu ba governu atu retira husi Parlamentu Nasional hodi halo redusaun.

Diskusaun propsota Orsamentu Jeral Estadu tinan 2020 ne’e realiza ona iha  loron rua fulan Dezembru ne’e, maibe diskusaun foin tama ba loron daruak,Governu dada hikas proposta orsamentu ne’e,tamba hetan krítika makas husi bankada Governu no opozisaun ne’ebe konsidera montante orsamentu ne’ebé bo’ot maibé ezekusaun ki’ik.Tos