JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PD : Líder ParPol falla haketak interese nasionál no partidária

PD : Líder ParPol falla haketak interese nasionál no partidária

Reprezentante povu iha uma fukun Parlamentu Nasional (PN), liu-liu bankada Partido Democrático (PD), Adriano do Nascimento, informa, líder Partidu Polítiku (ParPol) sira falla haketak interese nasionál no partidária, tanba to’o dau-daun seidauk iha solusaun ba membru governu hirak ne’ebé sei pendente.

“Diverjénsia no polémika polítika ne’e, hamoris dau-dauk fini intoleránsia polítika, hodi ignora diálogu no konsertasaun polítika ba kestaun interese nasional, CNRT, PLP no KHUNTO forma ona governu besik tinan rua, infelizmente estrutura governu seidauk kompletu to’o agora”, deputadu bankada PD, Adriano do Nascimento liu husi nia intervensaun polítika iha debate Orsamentu Jeral Estadu (OJE) 2020, PN, Tersa (03-12-2019).

Nia akresenta, át liu tan, ministériu hirak ne’ebé governu Aliansa Mudansa ba Progresu (AMP) kria balun seidauk iha nia ministru, diariamente lideradu hosi assesor ida ne’ebé sempre interfere burokrásia Estadu hodi manda Diretor, Xefi Departamentu no funsionáriu sira, maski asesor hirak ne’e nia kompeténsia la hatur iha lei orgánika governu.

“Ha’u konklui  katak, governu AMP nu’udar jestor Estadu, falla atu hatur kredibilidade Estadu no nasaun. Problema polítiku fabrikadu husi líder ParPol sira, hatúr iha mákina Estadu hodi kontamina, habelar iha povu nia leet hodi hata’uk no halore ba komunidade internasional hodi kestiona.  Ikus mai, hafo’er Timor-Leste nia imajen nu’udar nasaun frájil, ne’ebé la’os ona fatin atrativu hodi sai destinu investimentu estranjéiru no turizmu”, tenki Adriano.

Atu iha klareza ba kestaun hirak ne’e,  PD koloka mós pergunta 4 hanesan,  Será que AMP ho lideransa CNRT, PLP no KHUNTO permanentemente sei  blokeia Prezidenti Repúblika (PR) nia vizita Estadu ba rai-liur?, Polítika saída mak Primeiru Ministru (PM), Taur Matan Ruak sei halo, hodi hatur hikas kredibilidade nasaun, hafoin satán malu no hatun malu ba ukun, hahú husi rai-laran to’o komunidade internasional sira-nia oin? Xefi Governu ho determinasaun tomak, atu lidera governu inkompletu ne’e to’o mandatu remata, sein buka Timor-Oan sira seluk, hodi troka sira na’in 9 ne’ebé sai problema nia hun? Xefi governu nu’udar mós prezidenti PLP seidauk hetan lisaun ruma wainhira, úniku PD  fó votus a favor  iha  PN,   hodi viabiliza ninia vizita Estadu ba Japaun, nu’udar PR iha tinan hirak liu ba?. ety

Lee hotu :   Votus ba FRETILIN la to’o 20.000, Alkatiri promote la vizita Oe-Cusse

Add to Comments Here!!!!

error: Content is protected.
Secured By miniOrange
You might also like:
Relatóriu komisaun C hatudu argumentu falsu, FRETILIN : OJE 2020 laiha kualidade

Reprezentante povu iha uma fukun Parlamentu...

BCTL kria sistema pagamentu eletrónika

Banco Central Timor-Leste (BCTL), kria ona...

Francisco David ofisialmente subtitui matebian Gilman Exposto

Meza Parlamentu Nasionál (PN), iha plenária...

Close