PM Taur: PN kontinua vota kontra, Governu sei funsiona ho osan duodésimo

Primeiru Ministru (PM), Taur Matan Ruak, hateten, kona ba Orsamentu Jeral Estadu 2020 ne’e Governu iha senáriu rua deit katak, obriga Parlamentu Nasional vota kontra sei funsiona deit ho osan duodésimu no ida seluk Governu monu.

Lia hirak ne’e hato’o husi, Xefe Governu, Taur Matan Ruak hafoin hasoru malu ho Prezidente Repúblika, Francisco Guterres Lú Olo, iha palásiu Prezidensial Nicolau Lobato, Bairu Pite, Kinta (05/12/2019).

“Dadaun ne’e ha’u, primeiru ha’u hakarak hateten deit diskusaun osamentu foin dadaun ne’e diak no kapa’as, Governu iha senáriu rua deit, ida foti fali orsamentu, ida obriga parlamentu vota kontra, sekarik obriga parlamentu vota kontra ne’e signifika katak tinan oin ita funsiona deit nia osan duodésimu, segundu katak Governu monu, terseiru katak realazu ambiente politika iha parlamentu,” hatete, Xefe Governu ne’e.

“Parlamentu obriga vota kontra no foti, Governo foti, Governu sei foti, foti ne’e diak tanba, primeiru se ita bo’ot sira haree normalmente Prezidente Repúblika apela kona ba prodensial.”

Nune’e, Xefe Governu ne’e mos relembra hikas fali katak iha nia tempu nu’udar prezidente iha diskursu iha livru rua, primeiru volume, segundu volume buat ne’ebé koalia hanesan prezidente no buat ne’ebé halo hanesan Primeiru Ministru ne’e la hanesan.

“Entaun primeira vez parlamentu asumi ida ne’e taun hau kontenti lo’os par ita bele haree ba oin entre halai, lao lalais no lao neneik ne’e ita hili ida ne’ebé prefere liu ita lao neneik ne’e mak ami depois de foti fali osamentu iha hau nia ministru liu-liu,” dehan, Xefe Governu ne’e. Eus